قایمقامى هه‌ولێر پلانى جه‌ژن و ئاماره‌کانى مانگى ڕه‌مه‌زانى ڕاگه‌یاند

6 ساڵ لەمەوپێش



هاوڵاتى
قایمقامى هه‌ولێر ڕایگه‌یاند، له‌گه‌ڵ گه‌شتوگوزار کۆبونه‌ته‌وه‌ و هه‌موو ئاماده‌کاریه‌کیان بۆ پێشوازى له‌ جه‌ژنى ڕه‌مه‌زان کردووه‌.

نه‌به‌ز عه‌بدولحه‌مید له‌ کۆنفرانسێکى رۆژنامه‌نوسیدا ئاماژه‌ى به‌وه‌کرد که‌  له‌گه‌ڵ ده‌سته‌ى گه‌شتوگوزار کۆبونه‌ته‌وه‌ و ئاماده‌باشى کراوه‌ بۆ پێشوازیکردن له‌ گه‌شتیاران و له‌ ده‌روازه‌کانیشدا هه‌موو ڕێوشوێنێک گیراوه‌ته‌به‌ر.

هه‌روه‌ها باسى له‌وه‌شکرد، پلانى مانگى ڕه‌مه‌زانیان سه‌رکه‌وتوو بووه‌ و له‌و ماوه‌یه‌دا ١٥٠ سه‌ردانى مه‌یدانى کراوه‌ و ١٣٠ سه‌رپێچى به‌دیکراوه‌ و له‌و مانگه‌دا ١٥ شوێن داخراون، ١١٥ شوێنیش ئاگادارییان بۆ کراوه‌ و ٢٠ شوێنیش ده‌ستخۆشییان بۆ کراوه‌.

قایمقامى هه‌ولێر، ئه‌وه‌شى خسته‌روو ٣٣ تۆن و ٦٥٠ کیلۆ که‌لوپه‌ل ده‌ستیان به‌سه‌ردا گیراوه‌ و بژاردنى سه‌رپێچییه‌کانیش ١٧ ملیۆن دیناربووه‌.

ئه‌وه‌شىروونکرده‌وه‌ که‌ ٩٥ که‌س به‌هۆى ئه‌وه‌ى سه‌رپێچییان کردووه‌ ده‌ستگیرکراون و ٣٢ تاقیگه‌ و ده‌رمانخانه‌ داخراون، و سێ خانووى زیاده‌ڕۆش تێکدراون.
 

place for reklam
بابه‌تی په‌یوه‌ندیدار