لیژنەی دارایی په‌رله‌مانى عێراق: كەمكردنەوەی موچە كارەساتی ئابوری گەورەی لێدەكەوێتەوە

یەک مانگ لەمەوپێش



هاوڵاتى

ئەندامێكی لیژنەی دارایی ئەنجومەنی نوێنەرانی عیراق رایگەیاند كەمكردنەوەی موچەی فەرمانبەران كارەساتی ئابوری گەورەی لێدەكەوێتەوە.

سامر زیبان حەمدانی ئەندامی لیژنەی دارایی ئەنجومەنی نوێنەرانی عیراق لە راگەیەنراوێكدا رایگەیاند " موچە تاكە سەرچاوەی سەرەكی ژیانی فەرمانبەرانە و بەشێوەیەكی سەرەكی پشتی پێ دەبەستن، لەبەر ئەوە كەمكردنەوەی موچە دەستبردنە بۆ ژیانی بەشێكی زۆری كۆمەڵگەی عێراق و كارەساتی گەورەی ئابوری لێدەكەوێتەوە".

ئاماژەی بەوەشكردوە، حكومەت جگە لە نەوت داهاتی گەورەی دیكەی هەیە لەوانەش گومرگ و خاڵە سنوریەكان و باج و كرێی وێستگەكانی بەنزین و ئاو و كارەبا و ئەو داهاتەی لای هەرێمی كوردستانە، بۆیە ناكرێت حكومەتی عیراق تەنها پشت بە داهاتی نەوت ببەستێت.

ئەوەشی خستوەتەرو، پێدانی موچەی فەرمانبەرانی دەوڵەت لەرێگەی یاساوە دانراوە و دەسكاریكردنی شكاندنی دەستور و یاسایە. 

بەهۆی دابەزینی نرخی نەوتەوە، لەئێستادا حكومەتی عیراق روبەروی قەیرانی قوڵی دارایی بووەتەوە و كەمكردنەوەی موچەی پلەباڵاكان وەك یەكێك لە بژاردەكانی بەردەم حكومەت بۆ تێپەڕاندنی دۆخەكە باسی لێدەكرێت.

بابه‌تی په‌یوه‌ندیدار