عەبادی وەڵامی عادل عەبدولمەهدی دەداتەوە

2018-10-19 14:27:20



هاوڵاتی

نوسینگەی حەیدەر عەبادی سەرۆك وەزیرانی عێراق ڕایگەیاند، حكومەتی ئێستا دەسەڵاتی دەستوری هەیە بۆ رایكردنی كارەكانی، لە وەڵامێكدا بۆ عادل عەبدولمەهدی كە بەشێك لە وەزارەتەكانی تۆمەتباركردبوو بەوەی لەئێستادا سەرقاڵی دامەزراندن و هەندێ كاری دیكەن دوور لە یاسا و دەستور.

نوسنگەی عەبادی لە راگەیەنراوێكدا ئاماژەی بەوەكردووە، حكومەت بەردەوامە لە كارەكانی و دیاریكردنی كەسانی شارەزا بۆ بەڕێوەبردنی بەشەكانی وەزارەتەكان.

جەختیشیكردووەتەوە، حكومەتی ئێستا بەردەوام دەبێت لە كارەكانی تائەوكاتەی پەرلەمان متمانە بە حكومەتی نوێ دەبەخشێت و لەو چوارچێوەیەشدا حكومەت دەسەڵاتی خەرجكردنی داهاتی هەیە بەپێی بودجەی 2018 لە بواری وەبەرهێنان و بەكاربردندا.

دوێنێ نوسینگەی عادل عەبدولمەهدی سەرۆك وەزیرانی راسپێردراو بۆ پێكهێنانی حكومەت، هەندێ لە وەزارەتەكانی تۆمەتباركردبوو بەوەی سەرقاڵی دامەزراندن و كاری نایاسایین و جەختیكردبووەوە حكومەتی داهاتوو سەرجەم ئەو كارانە هەڵدەوەشێنێتەوە.
 

بابه‌تی په‌یوه‌ندیدار