ئه‌نجامى کۆبونه‌وه‌ى مه‌کته‌بى سیاسى ئاشکرا ده‌کرێت

5 ساڵ لەمەوپێش



هاوڵاتى
لیژنه‌یه‌ک له‌باره‌ى دۆخى که‌رکوک و پڕۆسه‌ى سیاسى و حوکمڕانى له‌ به‌غدا و چاره‌سه‌رکردنى کێشه‌کان و کارى پێکه‌وه‌یى بۆ ئاینده‌ له‌ کۆبوونه‌وه‌که‌ى ئه‌مڕۆ چوار شه‌ممه‌ى مه‌کته‌بى سیاسى یه‌کێتیى نیشتمانیى کوردستاندا پێکهێنرا.

ماڵپه‌ڕى فه‌رمى یه‌کێتیى بڵاویکردووه‌ته‌وه‌ "له‌ کۆبونه‌وه‌که‌ى ئه‌مڕۆى مه‌کته‌بى سیاسى یه‌کێتییدا گفتوگۆى نێوان لایه‌نه‌کان به‌تایبه‌تى یه‌کێتیى و پارتى بۆ پێکهێنانى کابینه‌ى نوێى حکومه‌تى هه‌رێم هه‌ڵسه‌نگێندرا، دوایین کۆبوونه‌وه‌ى هاوبه‌شى مه‌کته‌بى سیاسى یه‌کێتیى و پارتی، که‌ له‌ (14-1-2019) به‌ڕێوه‌چوو به‌ ئه‌رێنى وه‌سفکرا".

ئاماژه‌ى به‌وه‌شکردووه‌ "له‌به‌ر رۆشنایى دوا کۆبوونه‌وه‌ى هاوبه‌شى مه‌کته‌بى سیاسى یه‌کێتیى و پارتی، لیژنه‌یه‌ک پێکهێنرا بۆ دۆخى که‌رکوک و پڕۆسه‌ى سیاسى و حوکمڕانى له‌ به‌غدا و چاره‌سه‌رکردنى کێشه‌کان و کارى پێکه‌وه‌یى بۆ ئاینده‌".

پارتى و یه‌کێتى له‌ کۆبونه‌وه‌ى 14ى کانونى دووه‌مى 2019 دا لیژنه‌یه‌ک پێکده‌هێنن بۆ پرسى به‌غداو که‌رکوک که‌ یه‌کێتى ده‌یه‌وێت وه‌زاره‌تى دادى بۆ یه‌کلاببێته‌وه‌و پارێزگاری نوێى که‌رکوک ده‌ستنیشان بکرێت.
 

place for reklam
بابه‌تی په‌یوه‌ندیدار