رەسوڵ بەختیار

ساڵانی رابردوو، چۆن رۆیشت، رۆیشت و گوزەشت، کێ سەرۆک کۆمار بوو، کێ راوێژکار بوو، فەرمانی رابڕدووە، چی کراوە،، چی نەکراوە، دبوایە چی بکرێ، بۆ وابوو، ئەوە بابەتی ئەو کاتە بوو، دەبوایە ئەو کات بگوتررێ، جوتیارێکی کەرکووک  بەخۆی و تراکتۆرەکەی لەسەر زەویەکەی دەیەوێ زەوی بکێڵێ، شانازی دەکات و سەری بڵندە سەرۆک کۆمارەکەی لەخوێن و نەتەوەکەیەتی، ئەو جوتیارە پێداگرە و وا دەزانێ پشتیی هەیە، ئینجا ئەگەر پشتیشی نەبێ بەئازایەتی خۆی هەر وا دەزانی پشتگیرکراوە، خەیاڵی لەلای زەویەیەکەتی تۆپ و تەیارەش بەسەریدا ببارێنن، ئەوە سەلماندوویەتی خۆی خاوە زەوییەکەیە.

هەرچۆنێک بێ عێراقییەکان، یان بەپێی رێککەوتنەکان لەسەر ئەوە رێککەوتوون، سەرۆک کۆمار کوردە، لەعێراقی فیدڕاڵی یان ئیتحادیدا، لەخولێک دراوی عێراقی بەتایبەتی لەسەر پێنجسەد دیناری و پەنجا هەزار دیناری لەتەک بەعەرەبی نووسین، بەکوردیش نووسراوە، بەهای ئەو دراوە چەندە، واتە عێراق بەکوردی و عەرەبی هاوشانی یەکترن، بۆیە دەکرێ، لەسەر دراوەکانی دیکەش بەهەمان شێوە بنووسرێ، وەک پێنج هەزاری، دە هەزاری، بیست و پێنج هەزاری، دووسەدپەنجا دیناری، ئەی جۆن بزانینانین عێراقین، هەمووتان پاسەپۆرتتان بەکوردی و عارەبی و ئینگلیزییە، کارێکی باشە، بۆیە لەجێیان و وڵاتان قسەمان دەبێ لەوەی عێراق تەنیا وڵاتی عەرەبان نییە، بەڵکو وڵاتی کوردانیشە، وەکچۆن عێراق بەشێکە لەخاکی عەرەبی، بەڵکو عێراق بەشێکیشە لەنەتەوە و خاکی کوردان.

نابێ ئەوەش لەبیر بکرێ،  کاتێک لە16ئۆکتۆبەر، سووپای عێراق راودووی کوردانی نا، چەند خێزانێکی کوردی خەڵکی تووزخورماتوو، بەگریانەوە دەیانگوت:تەنیا نفوس و جنسیەی عێراقیمان پێ رزگار کرا، بۆیە سەرۆک کۆمار دەبێ تۆڵەی ئەو جەند پێرێژن و ئەختیارە و منداڵەکانی بکاتەوە، لەوەی ئەوان بەدەستی عێراق، دەیانویست لەعێراق دهربکرێن، ئەگەر ئەو بابەتە زیاتر لەو  سنوورە تێپەڕی بوایە، ئەوا وەک فەیلییەکانیان لێدەهات.

هەندێک بابەت کاتێک باسی دەکەی ئاساییە، بەڵام لەناوەڕۆکدا زۆر گەورەیە، بۆ لەسنووری هەرێمی کوردستان تابلۆکان لەتەک زمانی کوردی، بەعارەبیش نووسرایە، دەکرێ، لەهەموو تابلۆکانی رێگاوبانی عێراقیش لەتەک عارەبییە، بەزمانی کوردیش بنووسرێ، زۆر ئاسانە،  ماددەی دەستوری هەیە، بەنیا لە ئەو وەزارەتانەی کورد تیایدا وەزیرن  لەتابلۆی وەزارەتەکە بەکوردی نووسراوە، خۆ کوفر نییە، لەسەر تابلۆی وەزارەتەکانی بنووسرێ.

هەموو ئەمانە، بابەتی ئاسایین دەکرێ کاری لەسەر بکرێ و جێبەجێش بکرێ، ئەوەی گرنگە کاتێک یەکێک لەهەڵەبجە، دهۆک، سلێمانی، هەولێر، کەرکووک، مووسڵ، دیالە، بەبێ تاوان بەر زللە و شاپی دەدەن، ئاسانە، ئەگەر لەئیدارەی  خۆجێیەتی چارەسەر نەکرێ، رێز بۆ بێ تاوانەکە بگەڕێندرێتەوە.

دەزانم گاڵتەتان بەو چەند دێڕە دێ، بەڵام، سەرۆک کۆمار وەک پارێزەری دەستوور، بەهەمان شێوە پارێزەری مافی هاووڵاتیانیشە.

هەر کێ دەبێتە سەرۆک کۆماڕ گرنگ نییە، چ خەبات و تێکۆشانێکی هەیە، یان کوڕی کێ و چ حزبێکە، کەچی گرنگە سەنگی خۆی لەجێبەجێکردنی ئەم چەند دێڕه ساکارەدا ببینێتەوە.