تاوانبارێک دوای دەستدرێژیکردنە سەر ئافرەتان ئازاد دەکرێت و دواتر تاوانەکەی دوبارە دەکاتەوە
2019-04-20 15:56:31
هاوڵاتی
ئاسایشی هەولێر دانپێدانانی "تۆمەتبار"ێك بڵاو دەكاتەوە، کە ده‌ستدرێژیکردۆتە سه‌ر ئافره‌تێک، ئەوەش دوای ئازادکردنی کە لە زیندان کە پیشتر بەهۆی یتاوانێکی تری تری دەستدرێژیەوە سزا درابوو.
بەرێوەبەرایەتی ئاسایشی هەولێر راگەیەنراوێك بڵاودەكاتەوە كە تێیدا هاتووە " له‌سه‌ر سکاڵای هاوڵاتیه‌ک، که ده‌ستدرێژی کرابووه سه‌ر، تیمه‌کانی به‌ڕێوه‌به‌رایه‌تیمان ده‌ستیان به لێکۆڵینه‌وه کرد و توانیان تاوانباری ده‌ستدرێژیکار ده‌ستگیر بکه‌ن و راده‌ستی دادگای بکه‌ن، پێشینه‌ی له ده‌ستدرێژیکردنه سه‌ر ئافره‌تان هه‌یه و ساڵی ٢٠١٧ به‌هه‌مانشێوه ده‌ستدرێژی کردبووه سه‌ر ئافره‌تێکی عه‌ره‌ب، به‌و هۆیه‌وه سزا یاساییه‌که‌ی به‌ندکردن بووه و دواتر ئازاد بووه".
لە راگەیەنراوەکەدا هاتووە کە کاتژمێر ١٢:٥٥خوله‌کی شه‌وی 1ی 4ی 2019، ئافره‌تێکی هه‌ڵگری ره‌گه‌زنامه‌ی بیانی، ته‌کسییه‌ک راده‌گرێت بۆ ئه‌وه‌ی بیگه‌نێته شارۆچکه‌ی عه‌نکاوه، به‌ڵام شۆفێری تاکسییه‌که ته‌مه‌ن ٤٨ساڵە، ئافره‌ته سه‌رنشینه‌که‌ی ده‌باته چۆڵه‌وانییه‌کی سنووری قه‌زای بنه‌سڵاوه.
لە راگەیەنراوەکەدا هاتووە کەسەکە به چه‌قۆ هێرشی ده‌کاته‌سه‌ر و هه‌ڕه‌شه‌ی کوشتنی لێده‌کات، له‌ژێر گوشاردا ده‌ستدرێژیی سێکسی ده‌کاته سه‌ر ئافره‌ته‌که، پاشان له‌و چۆڵه‌وانییه به‌جێی ده‌هێڵێت.
بەپێی راگەیەنراوەکە "تاوانبار" پێشینه‌ی له ده‌ستدرێژیکردنه سه‌ر ئافره‌تان هه‌یه و ساڵی ٢٠١٧ به‌هه‌مانشێوه ده‌ستدرێژی کردبووه سه‌ر ئافره‌تێکی عه‌ره‌ب، به‌و هۆیه‌وه سزا یاساییه‌که‌ی به‌ندکردن بووه و دواتر ئازاد بووه.
