ھاوڵاتی

دامەزراوەی باڵای ھەڵبژاردنی تورکیا دوای تاوتوێکردنی ئەو تانە نائاساییانەی ئەکەپە لە ھەڵبژاردنەکانی ئەستەنبوڵیدا چەند بڕیارێکیدا.

دامەزراوەکە بەپێویستی نەزانی لێکۆڵینەوە بکرێت لە ھەژمارنەکردنی دەنگی ئەو کارمەند و فەرمانبەرانەی بە بڕیارنامەکان کە وەک یاسا مامەڵەیان لەگەڵ دەکرێت لە کاردوورخراونەتەوە. بەمجۆرەش بڕیاریدا ئەو دەنگدەرانە دەتوانن دەنگ بدەن.

ئەکەپە لە تانەکانیدا بانگەشەی ئەوەی کردبوو، لەناو ٤١ ھەزار و ١٣٢ دەنگدەردا، دوو ھەزار و ٣٠٨یان مافی دەنگدانیان نەبووە و ١٠ ھەزار و ٢٩٠ دەنگدەر ھەم لە گرتووخانە و لە لیستی دەنگدەرانی دیکەیش دەنگیان داوە.

ئەکەپە بانگەشەی ئەوەشی کردبوو، پێنج ھەزار و ٢٨٧ حوکمدراو ناویان لە لیستی دەنگدەرانی ئەستەنبوڵ تۆمار کراوە و ٢٣٧ دەنگدەریش کە ناونیشانی نشینگەیان "گرتووخانە"یە و لەگەڵ ٢١ ھەزار و ٧٨٢ کەس کە تەمەنیان لە سەرووی ١٨ ساڵییەوەیە و بیرکۆڵن ناویان لە تۆماری دەنگدەراندا تۆمار کراوە. 

دامەزراوەی باڵای ھەڵبژاردنەکان لەبارەی تانە نائاساییەکان سەبارەت بە ھەڵبژاردنەکانی ئەستەنبوڵ، بڕیاریدا بە لێکۆڵینەوە لە ٤١ ھەزار و ١٣٢ کەس لەگەڵ سەرۆکی دەستەی سەر سندوق و ئەندامانی کە فەرمانبەرنین.