مه‌سرور بارزانی په‌یامێكی هاوخه‌می بۆ رۆژئاوای كوردستان بڵاوده‌كاته‌وه‌

2019-07-11 18:44:11



مه‌سرور بارزانی، سه‌رۆك وه‌زیرانی هه‌رێمی كوردستان، به‌هۆی ته‌قینه‌وه‌كانی ئه‌مڕۆی رۆژئاوای كوردستان، په‌یامێكی هاوخه‌می بڵاوكرده‌وه‌ و رایگه‌یاند، تیرۆ و تیرۆرستان، یەك ئامانجیان هەیە و دژ بە مرۆڤایەتی و هەموو ئایین و ئاینزا و ژیان و شارستانییەتن.

سه‌رۆك وه‌زیرانی هه‌رێمی كوردستان، له‌و په‌یامه‌دا، به‌ توندی ئیدانه‌ی ته‌قینه‌وه‌كانی ئه‌مڕۆی شاركانی عه‌فرین، قامیشلۆ و حه‌سه‌كه‌ی رۆژئاوای كوردستان ده‌كات، هاوخه‌می خۆیشی ئاراسته‌ی كه‌سوكاری قوربانییان ده‌كات و هیوای چاكبوونه‌وه‌ش بۆ برینداران ده‌خوازێت.

ئه‌مڕۆ پێنجشه‌ممه‌، 11ی ته‌ممووزی 2019، دوو ته‌قینه‌وه‌ له‌ شاره‌كانی عه‌فرین و قامیشلۆ روویاندا و به‌هۆیه‌وه‌ زیاتر له‌ 15 كه‌س گیانییان له‌ده‌ستدا و زیاتر له‌ 65 كه‌سیش برینداربوون.

ده‌قی په‌یامه‌كه‌ی مه‌سرور بارزانی، سه‌رۆك وه‌زیرانی هه‌رێمی كوردستان:

"په‌يامێکی هاوخه‌مى له سه‌رۆکی حكومه‌تى هه‌رێمی كوردستان

بە توندى ئیدانەی ئەو تەقینەوە تیرۆرستیانەی ئەمڕۆی شارەكانی عەفرین و قامشلۆ و حەسەكە دەكەم، كە ژمارەیەك هاووڵاتی سڤیل گیانیان لە دەستدا و ژمارەیەكی زۆریش بریندار بوون.

سەرەخۆشی و ھاوخەمی خۆم ئاراستەی كەسوكاری قوربانیيەكان دەکەم و هیوای چاكبوونەوە بۆ بریندارەكان دەخوازم.

ئەو كردەوە تیرۆیستیانە ئەوە دووپاتدەكەنەوە، كە تیرۆ و تیرۆرستان یەك ئامانجیان هەیە و دژ بە مرۆڤایەتی و هەموو ئایین و ئاینزا و ژیان و شارستانییەتن.

مه‌سرور بارزانى

سه‌رۆکی ئه‌نجومه‌نى وه‌زيرانى هه‌رێمى كوردستان

11/7/2019"

بابه‌تی په‌یوه‌ندیدار