تورکیاو ئه‌مریکا له‌سه‌ر ناوچه‌ى ئارام نزیکن له‌ رێکه‌وتن

2019-08-13 16:58:32



کاکه‌لاو عه‌بدوڵا
به‌رپرسانى باڵاى تورکیا رێکه‌وتنى کۆتاییان بۆ دروستکردنى ناوچه‌ى ئه‌من (ئارام) له‌باکورى رۆژهه‌ڵاتى سوریا کردووه‌و ته‌نها راگه‌یاندنى ماوه‌.

ئاژانسه‌کانى هه‌واڵ له‌زارى به‌رپرسانى باڵاى تورکیاوه‌ ئاشکرایانکردووه‌:" تورکیاو ئه‌مریکا رێکه‌وتنى کۆتاییان بۆ دروستکردنى ناوچه‌یه‌کى سه‌ربازى  هاوبه‌ش بۆ پاراستنى خاکى تورکیا له‌ هێرشى سه‌ربازی کردووه‌و ته‌نها راگه‌یاندنى ماوه‌".

هه‌روه‌ها ئه‌وه‌ش رونکراوه‌ته‌وه‌:" وه‌فدێکى باڵاى ئه‌مریکا چوونه‌ته‌ پارێزگاى  ئۆرفه‌و  ئه‌و شوێنه‌یان به‌سه‌رکردوه‌ته‌وه‌ که‌ سه‌ربازگه‌ هاوبه‌شه‌که‌ى نێوان هه‌ر دووڵاتى تێدا دروست ده‌بێت".

هه‌روه‌ها ئاماژه‌ به‌وه‌شدراوه‌:" به‌درێژایى 100 کیلۆمه‌ترو قوڵایى پێنج کیلۆمه‌تر ده‌بێت، ئه‌و ناوچه‌یه‌ ده‌که‌وێته‌ سنورى پارێزگاى ئۆرفاى تورکیا له‌گه‌ڵ باکورى رۆژهه‌ڵاتى سوریا". 
پێشتر به‌رپرسانى تورکیا جه‌ختیان له‌ قوڵایى 30 کیلۆمه‌تر کردبووه‌وه‌.

بابه‌تی په‌یوه‌ندیدار