موراد قەرەیلان: تۆڵەى خوێنى زەکى شنگالى دەکەینەوە
6 ساڵ لەمەوپێش
هاوڵاتى
موراد قەرەیلان ئەندامى کۆنسەى بەڕێوەبەرایەتى کەجەکە ڕایگەیاند تۆڵەى ئەو هێرشە دەکەنەوە کرایە سەر شنگال.
موراد قەرەیلان لە پەیامێکدا ئاماژەى بەوە کردووە، "ئەو هێرشە ترسنۆک و نامەردانەیەى کرایە سەر شنگال شەرمەزاردەکەين و تۆڵەى خوێنى شەهید زەکى شنگالى لە دەوڵەتى تورکیا دەکەينەوە".
قەرەیلان سەرەخۆشى لە گەلى کورد و ئێزدییەکان کرد و ڕایگەیاند، ئەوان ڕەنج و تێکۆشانى شەهیدان دەگەیەننە قۆناغى سەرکەوتن.
ڕۆژی 15ی ئەم مانگە، فڕۆکە جەنگییەکانی تورکیا چەند ناوچەیەکی جیاجیایان لە شنگال بۆردومانکرد و بەهۆیەوە زەکى شنگالى فەرماندەى پەکەکە شەهیدبوو.
بابهتی پهیوهندیدار