ناوه‌ندی ڕاگه‌یاندنی هێزه‌كانی سووریای دیموكراتیك (هه‌سه‌ده‌) ڕاگه‌یه‌نراوێكی بڵاوكرده‌وه‌ و ئاماری شه‌ڕی ٢٤ كاتژمێری ڕابردووی ئاشكرا كرد.

به‌ گوێره‌ی ڕاگه‌یه‌نراوه‌كه‌ی هه‌سه‌ده‌ له‌ هه‌ر چوار به‌ره‌ی شه‌ڕی باغۆز، هه‌جین، سووسه‌ و به‌حره‌ ٣٨ چه‌كداری داعش كوژراون و شه‌ڕڤانانی قه‌سه‌ده‌ ٣٧ خاڵی نوێیان دامه‌زراندووه‌.

چه‌ته‌كانی داعش هێرشی سه‌ختیان كرده‌ سه‌ر ناوه‌نده‌كانی شه‌ڕڤانان. له‌ ئه‌نجامدا له‌نێوان شه‌ڕڤانانی ئێمه‌ و چه‌ته‌كانی داعشدا شه‌ڕێكی سه‌خت ڕووی دا و چه‌ندین چه‌ته‌ كوژران. فڕۆكه‌كانی هاوپه‌یمانه‌تیی نێونه‌ته‌وه‌یی ٢ ئۆتۆمبێلی بۆمبڕێژكراو، ئۆتۆمبێلێكی دۆشكه‌له‌سه‌ر و بلدۆزه‌رێكیان ته‌قانده‌وه‌.

به‌پێی واماری هیزه‌كانی سوریای دیموكرات كه‌ ئه‌مڕۆ بلاویكردۆته‌وه‌:

- ٣٨  داعش كوژران.

- فڕۆكه‌كانی هاوپه‌یمانان له‌ ١٣ شوێنی داعشیان دا.

- فڕۆكه‌كانی هاوپه‌یمانان ٣٣ مووشه‌كی هایمه‌رز-یان له‌ داعش دا.

- ناوه‌ندی فه‌رمانداره‌تیی چه‌ته‌كان، ١١ بنكه‌، ٢-٣ تۆپهاوێژی هاوه‌ن، ٢ ئۆتۆمبێلی بۆمبڕێژكراو، ئۆتۆمبێلێكی دۆشكه‌له‌سه‌ر و بلدۆزه‌رێك ته‌قێنرانه‌وه‌.

- ٤ مین پووچه‌ڵ كرانه‌وه‌.

- ٣٧ خاڵی شه‌ڕڤانان دامه‌زرێنران.