پێش 18ى شوبات پارتى و یه‌کێتى رێکه‌وتن واژۆ ده‌که‌ن

2019-02-11 10:51:17



هاوڵاتى 
سه‌عدى ئه‌حمه‌د پیره‌، وته‌بێژى یه‌کێتى ڕایگه‌یاند ره‌شنوسى رێککه‌وتنى نێوان پارتى و حزبه‌که‌ى له‌سه‌ر پێکهێنانى حکومه‌ت و پرۆسه‌ى حکومڕانى چوارساڵى داهاتووى هه‌رێم له‌ قۆناغى کۆتایدایه‌ و پێش ١٨ى ئه‌م مانگه‌ ئیمزاى له‌سه‌ر ده‌کرێت.

سه‌عدى  ئه‌حمه‌د پیره‌ راگه‌یاند:"رێککه‌وتنه‌که‌ بۆ قۆناغى ئێستاى هه‌رێم گرنگه‌، چونکه‌ پێناسه‌ى شه‌راکه‌تى ڕاسته‌قینه‌ى نێوان پارتى و یه‌کێتى ده‌کات له‌ پرۆسه‌ى حوکمڕانیدا و گره‌نتییه‌ بۆ هاوهه‌ڵوێستى نێوانیان به‌رامبه‌ر وڵاتانى ده‌وروبه‌ر و پارچه‌کانى دیکه‌ى کوردستان بۆ ئه‌و گۆڕانکارى و پێشهاتانه‌ى که‌ دێنه‌ پێش".

هه‌روه‌ها ئاماژه‌ى به‌وه‌کرد له‌به‌رامبه‌ر گۆڕانکارییه‌کان گرنتیان پێده‌دات که‌ پارتى و یه‌کێتى یه‌ک جۆر هه‌ڵوێستیان هه‌بێت.

بریاره‌ 18ى شوباتى 2019 په‌رله‌مانى کوردستان کۆببێته‌وه‌و ده‌سته‌ى سه‌رۆکایه‌تى په‌رله‌مان هه‌ڵبژێرن.

یه‌کێتى نیشتمانى کوردستان سه‌رۆکى په‌رله‌مان و پارتى جێگرى یه‌که‌م و که‌مینه‌کان دووه‌م جێگریان به‌رده‌که‌وێت.
 

بابه‌تی په‌یوه‌ندیدار