ئارا ئيبراهيم
به‌ پێى بڕیارێکى نوێ به‌رێوه‌به‌رایه‌تى هاتوچۆى سلێمانى هه‌ر شۆفێرێک له‌ جامى سه‌یاره‌که‌یه‌وه‌ خاشاک فڕێداته‌ ده‌ره‌وه‌ سزاى مادى ده‌درێت.
به‌پێى بڕیارێکى نوێى هاتوچۆى سلێمانى هه‌ر  سه‌رنشین و  شۆفێرێک له‌ جامى ئۆتۆمبێله‌که‌یه‌وه‌ خاشاک فڕێداته‌ سه‌ر شه‌قام و کۆڵانه‌کان سزاى سه‌رپێچى بۆ ده‌کرێت.
به‌ پێى بڕیاره‌که‌ ئۆتۆمبێلى بچوک بڕى 100 هه‌زار و ئۆتۆمبێلى گه‌وره‌ى 200 هه‌زار  سزاده‌درێت ئه‌گه‌ر ئه‌و سه‌رپێچییه‌ بکات
هاتوچۆى سلێمانى  ڕایگه‌یاندووه‌، ئه‌م بڕیاره‌ به‌ مه‌به‌ستى پارێزگارى ژینگه‌ى شه‌قامه‌کان و پاکوخاوێنى ناوچه‌کان  دراوه‌ و له‌سه‌رجه‌م  شوێنه‌کان جێبه‌جێده‌کرێت.

عه‌مید فه‌ره‌یدون عومه‌ر، به‌رێوه‌به‌رى گشتى هاتوچۆى سلێمانى له‌لێدوانێکدا به‌هاوڵاتى وت" ئه‌وه‌ى که‌ ئێمه‌ ده‌یبینین سزاى ماددى ئه‌و شۆفێرانه‌ ده‌ده‌ین که‌ خاشاک فرێ ده‌ده‌نه‌ ده‌ره‌وه‌ که‌ شتێکى ناشارستانییه‌ و ژینگه‌ پیس ده‌کات".
ناوبراو جه‌ختى له‌وه‌شکرده‌وه‌ که‌ ئه‌مه‌ بریارى سه‌رۆکایه‌تى شاره‌وانییه‌و ئه‌وان وه‌ک به‌رێوه‌به‌رایه‌تى هاتوچۆ هاوکار ده‌بن بۆ جێبه‌جێکردنى.