دڵشاد مەجید

کاتێک لەسیاسەت و ئیدارەدانی سیاسەتی پراگماتی ( واقیعی- عەمەلی) تێ نەگەیت، هەر بەپێوەری سیاسەت و دبلۆماسیەتی تەقلیدی ( باو) ، تاک ڕەهەندانە تیڕوانینەکات بۆ هەر رووداوێک بخەیتەڕوو، بێ گومان دیووە نەگەتیڤ و خراپەکەی ئەو هەڵسوکەوتە سیاسیە دەبینی.

لەهەمووشی نامۆ تر ئەوەیە، تۆ لێکدانەوەی سیاسی و شرۆڤەی سیاسی بکەی  ، کەچی تۆ  لەسیاسەتی  پراگماتیانەی ئەمریکا بەگشتی و سیاسەتی ترەمپ تێ نەگەی!!
نێردەی تایبەتی سەرۆک، دیاردەو پێشهاتێکی نوێ نیە، لەسەردەمی (بۆشی کوڕ) پۆڵ برێمەر نێردەی تایبەتی سەرۆک بوو . بەشێک لەکاری نێردەی تایبەت،  کارکردنە لەدەرەوەی  عورف و  پێوەری دبلۆماسی. پۆڵ برێمەر لەعێراق گەڵ هەموو تەرەفەکان  وەک حزبی بەعس ، قاعیدە و ئێرانیش  دانیشتن و دیداری دەکرد.

لەسەردەمی  ئۆباما،  لە ٢٠١٥ برێت مەکۆرک  نێردەی تایبەتی سەرۆک بوو  بۆ  رووبەڕوو بوونەوەی داعش،لە ٢٠١٦ بووە بە لێپسراوی مەلەفی ئێران و عێراق، لەوکاتە لەڕێگای دانووسانی نهێنی لەگەل ئێران  توانی ( ٤)  زیندانی ئەمریکی لە ئێران ڕزگار بکات. لەسەردەمی ترەمپیش ، لەکاتی ریفراندم نیردەی سەرۆک بوو. بەهەمان شێوە. 

هەروەها برێت مەکۆرک ، چەندین جار لەگەل ئێرانیەکان و هێزەکانی مقاوەمە دیداری سازداوە، دوا کاری بیرت مەکۆرک لەسەردەمی بایدن، گفتوگۆی نهێنی بوو لەگەل ئێران لە  (مسقط)ی بپایتەختی عومان. 

🔹بۆیە بەدووری مەزانن ( مارک ساڤایە) کە لەئەسڵدا عێراقیەو بە ئاینیش  مەسیحی کلدانیە،  هەنگاوێک بێت بۆ ئەوەی ئەمریکا راستەخۆ گفتووگۆ لەگەل ( هێزەکانی وەلائی و  مقاوەمەو حەشدی شەعبی) بکات، بەتایبەتی ( رەیان کلدانی) کە لە مەسیحیەکانی کلدانی سەر بەهێزە وەڵائیەکانی ئێرانە، لەدەرگای ( رەیان کلدانی) وە ، ئەمریکا راستەوخۆ لەگەل ئەو هێزانە بکەوێتە گفتووگۆ.

🔹( مارک سەڤایە) لەڕێگای گفتووگۆی نهێنی لەعێراق توانی ( رۆژنامەنووسە ئیسرائیلە رووسەکە ) لەعێراق ئازاد بکات .
🔹هەروەک چۆن ئەمریکا لەگەل ( حەماس) گفتووگۆی نهێنی ئەنجامدا بۆ ئازادکردنی ( بارمەتە ئیسرائیلە ئەمریکیەکان).

خاڵی هەرە گرنگ   ئەوەیە، کە ئێمە تا ئێستا لەشێوەی ئیدارەدانی ترەمپ نەگەیشتووین،  ترەمپ نێردەکانی کەسانی سیاسی و دپلۆماتکار نین ، بەڵکو کەسانی سەرمایەدارو بزنس مانن! ئەمەش  دیدگا و ستراتجیەتی  ترەمپمان بۆ دەردەخا، ئەو نایەوێ سیاسەت و دەزگا بیرۆکراتیەکانی وەک وەزارەتی دەرەوە، بەرژەوەندیە ئابووریەکان و سەفقە بازرگانی و ئابووریەکان تێک بدات، بەمانایەکی تر ئەم نێردەیە، کار لەسەر  لابردن و ڕاماڵینی لەمپەرە سیاسیەکانە لەبەرامبەر سەفقە ئابووریەکان دەکات، کاتێ ئەو هێزە چەکدارانە ڕێگر نەبن لەبەرامبەر کایە ئابووریەکە و سەفقە بازرگانیەکان، ئەوکاتە لێک تێگەیشتن و پێکەوە کارکردن ئەگەرێکی کراوە دەبێت. ئەمەش بەدوو ئاراستە  دێتە دی،  لەلایەک بەزمانی هەڕەشە و لەلایەکی  تر بەدابینکردنی بەرژەوەندی و مانەوە.

دوور نیە  کاتێ ئەمریکا لەڕێگای ( مارک ساڤایە) گەیشتە جۆرێک لێک تێگەیشتن لەگەڵ ئەو گروپانە، هەروەک ( ئەحمەد شەرعی) سووریا، ئەو کەسایەتی و گروپانە لەلیستی تیرۆر و لیستی سزا ئابووریەکان ئەمریکا  دەربێنن!!