سەرۆکی دەزگای لوتکە بۆ هاوڵاتی: چل کۆچبەری ژێر دەسەڵاتی هیزە ئەمنییەکانی لیبیا دەگەڕێنینەوە
4 ساڵ لەمەوپێش
شاناز حەسەن
سەرۆکی دەزگای لوتکە رایگەیاند:" چل کۆچبەری ژێر دەسەڵاتی هیزە ئەمنییەکانی لیبیا دەگەڕێنینەوە".
لەپاش دوو مانگ دەستبەسەربوونیان لە وڵاتی لیبیا، سبەینێ ڕۆژی هەینی، ڕێکەوتی ٢٦/١١/٢٠٢١ کاتژمێر ٢ی پاشنیوەڕۆ ژمارەیەک کۆچبەری کورد لەلایەن دەزگای لوتکەوە دەگەڕێنرێنەوە.
ئاری جەلال، سەرۆکی دەزگای لوتکە بە هاوڵاتی وت:"ئەو کۆچبەرانە کە ژمارەیان ٤٠ کەسە و سەرجەمیان هاووڵاتیی هەرێمی کوردستانن، ماوەی دوو مانگە لە شاری بنغازی لەلایەن هێزە ئەمنییەکانی ئەو وڵاتەوە دەستگیر کراون".
دواجار بە هەوڵی دەزگای لوتکە و بە هاوکاریی بەڕێز قوباد تاڵەبانی، ڕۆژی هەینی دەگەنەوە شاری سلێمانی و لەلایەن کەسوکاریانەوە لە فڕۆکەخانەی نێودەوڵەتیی سلێمانی پێشوازییان لێ دەکرێت.
بابه‌تی په‌یوه‌ندیدار
.jpg)
