هاوڵاتی

موقتەدا سەدر تویتێکی لەبارەی بەرزبوونەوەی نرخی دۆلار لە بەرامبەر دیناردا کرد و چەند پێشنیارێکی لەپێناو دابەزینی نرخی دۆلار خستەڕوو. 

موقتەدا سەدر سەرۆکی ڕەوتی سەدر لە تویتەکەیدا ئاماژەی بۆ چەند خاڵێک کرد بۆ دابەزاندنی نرخی دۆلار. 

پێشنیارێکی سەدر بریتین لە: 

١/ ڕاگرتنی بەقاچاخکردنی نرخی دۆلار. 

٢/ چاوخشاندنەوە بە کاری بانکەکان, کە خاوەندارییەکەی دەگەڕێتەوە بۆ هەندێک لەو کەسانەی کۆنترۆڵی بازاڕی دراویان کردووە. 

٣/ بەزوویی بانگێشتکردنی پارێزگاری بانکی ناوەندی بۆ پەرلەمان. 

٤/بانگهێشتکردنی وەزیری دارایی عێراق بۆ پەرلەمان.

٥/ رێکخستنی بازاڕی دراوی عێراق بە شێوەیەکی ناوەندی و پەسەندکردنی ھەندێک یاسا کە دەبنە ھۆی بەرزکردنەوەی نرخی دینار.

٦/ سەرەکۆنەکردنی ئەو بانکانەی کە سەر بە حیزبە دەسەڵاتدارەکان و کۆنترۆڵی وڵات و ژیانی ھاوڵاتییانیان کردووە.

ئەمەش لەكاتێكدایە ئێوارەی ئەمرۆ مەسعود بارزانی، سەرۆكی پارتی و موقتەدا سەدر، رێبەری رەوتی سەدرـ، لە پەیوەندییەكی تەلەفونیدا جەختیان لە كۆبونەوەیەكی سێ قۆڵی كردوە بە نێوان ( رەوتی سەدر، پارتی  و هاوپەیمانیی سەروەریی ) بۆ چارەسەركردنی كێشەكان.