هاوڵاتی

 سه‌ركرده‌یه‌كی باڵای چوارچێوه‌ی هه‌ماهه‌نگی ڕایدەگەیەنێت، هه‌ڵبژاردنی پێشوه‌خته‌ی په‌رله‌مانی عێراق‌ له‌ماوه‌ی ساڵی 2023ـدا ئه‌نجامنادرێت.

ئه‌مڕۆ سێشه‌ممه‌ ، حەسەن فەدعەم، سه‌ركرده‌ له‌ چوارچێوه‌ی هه‌ماهه‌نگی به‌ میدیاكانی عێراقی راگه‌یاند، لە داهاتوویەکی نزیک و لەمساڵدا هەڵبژاردنی پێشوەختەی پەرلەمانی عێراق وه‌كو ئه‌وه‌ی لایه‌نه‌ سیاسییه‌كانی عێراق و هه‌رێمی كوردستان له‌سه‌ری رێككه‌وتوون ئه‌نجامنادرێت.

ئه‌و سه‌ركرده‌ی چوارچێوه‌ی هه‌ماهه‌نگی راشیگه‌یاند، "لایەنەکان ئامادەکارییان بۆ هەڵبژاردنی پێشوەخته‌ ئەنجامنەداوە و ئەزموونی عێراقیش ئەوەی سەلماندووە هەڵبژاردنی پێشوەخت کێشەکان چارەسەرناکات، بەڵکو زیاتر ئاڵۆزیان دەکات و دەبێتە هۆی هەڵوەشاندنەوەی ئەنجومەنی نوێنەران."

به‌گوته‌ی حه‌سه‌ن فه‌دعه‌م، "لە ئێستادا هیچ پاساوێک بۆ ئەنجامدانی هەڵبژاردنی پێشوەخت لە عێراق نییە."