محەمەد محەمەدی:

- هەرێمى كوردستان بەشێكی دانەبڕاوەیە لە عێراق و هێزی پێشمەرگەش هێزێكی باوڕپێكراوە.

- پێشمەرگە هێزی نیشتیمانین و سنوورەكانی باكوری عێراق دەپارێزن.

- داماڵینی چەك هێزەكانی پێشمەرگە ناگرێتەوە.

محەمەد محەمەدی ئەندامی لیژنەی ئاسایش و بەرگری لە ئەنجومەنی نوێنەرانی عێراق رایگەیاند هەرێمى كوردستان بەشێكی دانەبڕاوەیە لە عێراق و هێزی پێشمەرگەش هێزێكی باوڕپێكراوە.

محەمەدی لە لێداونێكی تایبەت بە هاوڵاتی راگەیاند هێزەكانی پێشمەرگە یاسایی و باوەڕپێكراون و داماڵینی چەك ئەوان ناگرێتەوە.

وتيشى مەبەست لە لێدوانەكەی سیستانی ئەو هێزانەن كە لەدەرەوەی دەوڵەتن، ئەو چەكانەی بەدەستی هۆزەكان و حزبەكان ومیلیشیاكانەوەن، سەبارەت بە هێزەكانی پێشمەرگە، هێزی نیشتیمانین و سنوورەكانی باكوری عێراق دەپارێزن و یەكێكن لە هێزە رەسمیەكان كە سەر بە دەوڵەتن.

رونیشیكردەوە هەرێمی كوردستان بەشێكی دانەبڕاوەی لە دەوڵەتی عێراق و لە دەرەوەی سیستمی دەوڵەتەوە نین و سوپاس بۆ هەموو ئەو هێزانەی لەپێناو عێراقدا و ئاسایش و سەروەری جەنگان لەتێكڕای عێراق بەبێ‌ جیاوازی.