‌داودئۆغڵو بۆ ئه‌ردۆغان: رژێمى سه‌رکوتکار هه‌لى مانه‌وه‌ى نییه‌

یەک مانگ لەمەوپێش



هاوڵاتى
سه‌رۆکى پارتى ئاینده‌ى تورکیا هێرش ده‌کاته‌ سه‌ر ره‌جه‌ب ته‌یب ئه‌ردۆغان سه‌رۆک کۆمارى وڵاته‌که‌ى و به‌ دروستکردنى "رژێمێکى سه‌رکوتکار" تۆمه‌تبارى ده‌کات.

ئه‌حمه‌د داودئۆغڵو، سه‌رۆکى پارتى ئاینده‌ ده‌رباره‌ى ئه‌گه‌رى هه‌موارکردنى یاساى هه‌ڵبژاردنه‌کان بۆ فوشارخستنه‌سه‌ر حزبه‌ سیاسییه‌ نوێکان، رایگه‌یاند:" به‌رده‌وام پارتى ده‌سه‌ڵاتدار و هاوپه‌یمانه‌کانى باسیان له‌ هه‌موارکردنى یاساى هه‌ڵبژاردنه‌کان ده‌کرد، وا پێشبینییه‌کانیش ده‌رباره‌ى کاتى هه‌ڵبژاردن ده‌رده‌که‌ون، ئه‌وه‌ش به‌و مانایه‌ دێت که‌ ده‌سه‌ڵات له‌ دوایین ساته‌کانى ته‌مه‌نیدا".

هه‌روه‌ها داودئۆغڵو راشیگه‌یاند:" ناکرێت رژێمێکى سه‌رکوتکار له‌ تورکیا بچه‌سپێت، رژێمى سه‌رکوتکاریش هه‌لى ژیان و مانه‌وه‌ى نییه‌ و چاره‌نووسى هاوشێوه‌ى هه‌وڵى کوده‌تاکه‌ى 15ى ئه‌یلولى 2015 له‌ناوچوون ده‌بێت.

پێشتر سه‌رۆکى پارتى ئاینده‌ پێشوازى له‌ پێشنیازێکى سه‌ڵاحه‌دین ده‌میرتاش هاوسه‌رۆکى پێشووى هه‌ده‌په‌ کرد بۆ پێکهێنانى به‌ره‌یه‌کى هاوبه‌ش له‌ نێوان پارته‌ سیاسییه‌کاندا.

بابه‌تی په‌یوه‌ندیدار