هاوڵاتى
‌عه‌لى عه‌ونی، ئه‌ندامى سه‌رکردایه‌تى پارتى وه‌ڵامى فیلمه‌ ئێرانیه‌که‌ ده‌داته‌وه‌ که‌ تێیدا باس له‌ هاوکارى قاسم سوله‌یمانى بۆ مه‌سعود بارزانى ده‌کات له‌ سه‌روبه‌رندى نزیکبوونه‌وه‌ى داعش له‌ هه‌ولێر و ناوه‌ڕۆکى فیلمه‌که‌ به‌ "درۆ" ناو ده‌بات.

دوێنێ له‌ میدیاکانى ئێران فیلمێکى دیکۆمێنتارى بڵاوکرایه‌وه‌، که‌ باس له‌ هاوکاریه‌کانى ئێران ده‌کات کاتێک رێکخراوى چه‌کدارى داعش له‌ هه‌ولێر نزیکبوه‌ته‌وه‌ و قاسم سوله‌یمانى فه‌رمانده‌ى پێشووى قودسى سوپاى پاسدارانى ئێران به‌هاناى هه‌ولێره‌وه‌ چووه‌، ئه‌مه‌ش کاردانه‌وه‌ى به‌رپرسانى پارتى لێکه‌وتووه‌ته‌وه‌. 

وته‌بێژى فراکسیۆنى پارتى له‌ په‌رله‌مانى کوردستان رایگه‌یاند" مه‌سعود بارزانى ته‌نها له‌ ژوره‌که‌ى خۆى دانیشێت و هیچیش نه‌ڵێت، ئه‌وان سڵى لێده‌که‌نه‌وه‌ و ده‌یان هه‌زار دۆلار له‌ڤیدیۆ و پڕوپاگه‌نده‌ و بانگه‌شه‌یه‌ک خه‌رجده‌که‌ن که‌ ئامانجه‌که‌ى لێدانه‌ له‌مێژوه‌که‌ی".