خەبات کوردە

‎ڕێکەوتێکی زۆر سەیرە ، لەگەڵ ڕێککەوتنی دۆناڵد تڕەمپ و محەمەد بن سەلمانی وەلی عەهدی سعودیە بۆ پێدانی فڕۆکەی ئێف ۳٥ ی ئەمەریکی بە شانشینی سعودیە ، کە لە دوای ئیسڕائیل یەکەم دەوڵەتە لە ڕۆژهەڵاتی ناوەڕاست  ببێتە خاوەنی ئەو جۆرە فڕۆکەیە

‎لە زاری موستەشاری سیاسی خامەنەئیەوە ڕاگەیەندرا کە ئیمام گەیشتۆتە ئەو بڕوایەی کە یەکجاری ئێران دەست هەڵبگرێ لە پیتاندنی یۆرانیۆم و دوای زیاتر لە بیست ساڵ هیچی تر بیر لە بەردەوامی  بەرنامە ئەتۆمیەکەی نەکاتەوە و ئامادەیی خۆشیان ڕاگەیاند کە ئامادەن لە نزیکترین کات لە گەڵ ئەمەریکا ڕاستەوخۆ دانوستاندن بکەن لەو بارەیەوە

‎هەروەها دۆناڵد تڕەمپیش لە میانەی کۆنگرە ڕۆژنامەوانیەکەی کە لە گەڵ محەمەد بن سەلمان ئەنجامیدا ، ئەو لێدوانەی بەرپرسە باڵاکەی ئێرانی پشتڕاست کردەوە 

‎ئەوەی ماوە کە چاوەڕێ بکرێ ئەوەیە کەی و بە چ شێوازێک دانیشتەکان ئەنجام دەدرێ و دەرەنجامەکانی دانوستاندنەکانیش چ دەبن و ئێران واز لە دەست تێوەردانە دەرەکیەکانی گروپە شیعەکانی دەرەوەی ئێران دا دەنێ ، هەموو ئەوانە کۆمەڵێ پرسیار گەلێکن و لە داهاتودا ئاشکرا دەکرێن و بە چ شێوازێک ئێران ڕازی دەبێ و چ جەزایەکیشی بەسەردا دەسەپێنن 

‎ئێران لە ئێستادا لە هەموو بوارەکان حاڵی شڕە لە ڕووی سیاسی ، سەربازی ، ئابوری ، دارایی  ، برسیەتی ، داڕمانی پوڵەکەی ، سەرباقی هەموشیان ژیانی دانیشتوانەکەی و کەم ئاوی 
‎وا دڕماوە دەوڵەتە هەژارەکانیش ئیرەیی پێنابەن ، بەتایبەتیش لە دوای شەڕە ۱۲ ڕۆژیەکەی کە لە گەڵ ئیسڕائیل ئەنجامیاندا 

‎سەرباقی هەموو ئەو ترسانەش دەنگۆی ئەو گۆڕانکاریانەی کە خەریکە لە ناوچەکە ڕوودەدەن . بەتایبەتیش ئەو هەموو ترسەی کە دەگوترێ ئەمەریکا ئامادەکاری دەکات بۆ دوبارە لێدانەوەی گورزێکی سەربازی لە گەڵ هاوپەیمانە ئیسڕائیلیەکەی لە شوێنە سەربازی و ئەتۆمیەکانی ئێران جارێکی تر

‎ئێستا تورکیا زۆر ترساوە کە فڕۆکەی ئێف ۳٥ دەدرێ بە سعودیە و دووەم سوپای ناتۆش بێبەش دەکرێ لەو جۆرە فڕۆکە کاریگەرانە 

‎پرسیارە گەورەکە لێرەدا ئەوەیە ، ئایا دوای چۆکدادانی ئێران بە رامبەر ئەو هەموو داواکاریانە حەوزەی ئاینی قوم و تاران ئامادە دەبێ کە هیچی تر دەست لە کاروباری دەوڵەت وەرنەدا ؟ 
‎ئایا سوپای پاسداران و بەسیجەکانی خومەینی دەچنەوە ناو سوپا ؟  
‎ئایا هیچی تر فەیلەقی قودس واز لە دەست تێوەردانەکانی لە عێڕاق و سوریا و لوبنان و یەمەن دەهێنێ یان نا ؟ 

‎سەرباقی هەمووشیان ئایا ئێران گەیشتۆتە ئەو بڕوایەی کە دەبێ ئەو جارە دان بە مافی بەلوج و  کورداندا بنێ ؟
چونکە ئەو داوایە یەکێک دەبێت لە خاڵەکانی کە ئەمەریکا و ئیسڕائیلیش پێداگری لە سەر دەکەن .؟