عە تا شەمێرانى

چۆن دەتوانن بەوجۆرە پەلاماری کەسایەتی ئارام بدەن ؟! ئاخر چۆن دەتوانن بوهتان بۆ ئەو پیاوە ناسکەی چەمچەماڵ ڕیز بکەن ؟ چۆن دەتوانن تۆمەتی دزی بخەنە پاڵ ئەو پیاوە خۆنەویست و چاکە ویستەی چەمچەماڵ ؟! لە ڕاستیدا نادادییەکی گەوورەیە ئێوە لەڕیزی مرۆڤدا بن، من گومانم لەمرۆڤبوونی ئێوە هەیە، ئێوە لە توخمی جۆرە جانەوەرێکی نامۆن!، جۆرە جانەوەرێکی قیزەون و پیس!!

 ئەوانەی پێش کارەساتەکەی چەمچەماڵ و دوای کارەساتەکە ناسیویانە، شایەدی دەدەن.کە ئارام چ قەڵایەکی گەوورەیە بۆ شارەکە، کاتێک ماڵەکانی ئەوێ ژێر ئاوکەوتن و فرمێسکەکان هێشتا تازە بوون، ئارام لەوێ بوو. شارەکەی جێنەهێشت، نزیکەی هەفتەیەک نەخەوت، نەک لەبەر ئەوەی پۆستێکی فەرمی بەدەستەوە بوو، نە لەبەر ئەوەی بەدوای نازناوێکدا دەگەڕا، بەڵکو لەبەر ئەوەی لە ساتێکدا کە چەمچەماڵ پێویستی بە کردار بوو نەک قسە، ئەو مرۆڤبوونی هەڵبژارد. داوای لە بازرگانان کرد و هەوڵەکانی ڕێکخست و دەرگای کردەوە و بە هێمنی و بەبێ جەنجاڵی کاری کرد بۆ ئەوەی یارمەتییەکان بگاتە خێزانە زیانلێکەوتووەکان!!

ئارامە ڕیشە تارمایی نییە، بەڵکو ئاوێنەیە. ئەو ڕۆژەی لافاوو زریانەکە خەریکبوو چەمچەماڵ نغرۆی زەوی بکات،، زۆرێک لەخەڵکی خۆیان لەهاوکاری دزییەوە ، خەڵکی لەخەمی پاراستنی ژیانی خۆیان وماڵ و مناڵی خۆیاندا بوون، ،بەڵام ئارام خۆیی وماڵ ومناڵی لەبیرکرد لەبەر ئەوەی ژیانی ئەوانیتر بپارێزێت، ئەو بەبێ بانگهێشتکردن لەوێ بوو. چاوەڕێی بڕیارێکی نەکرد و لە بەرامبەریشدا داوای هیچی نەکرد. هەفتەیەکی تەواو نەخەوت، نەک لەبەر ئەوەی کارەساتەکە وەک پاڵەوانێک ئەوی دەویست، بەڵکو لەبەر ئەوەی ویژدان ناخەوێت کاتێک دەبینێت ماڵەکان دەخنکێن و دەموچاوەکان دەلەرزن، ئەو بەدەنگی نووساوو گەرووی هیلاکەوە بانگی خەڵکی دەکرد کە بەدەم خەڵکی لێقەوماوی شارەکەیەوە بڕۆن، بەدەم گریانەوە لەخەڵکی شارەکانی تر دەپاڕایەوە!!

بوختان یەک ڕستە نییە، بەڵکو زنجیرەیەکە. گەوورە لەدایک نابێت، بەڵکو لەگەڵ دووبارەبوونەوەدا گەشە دەکات،.کاتێک مرۆڤەکان ناتوانن لەگەڵ کردارەکەدا بگونجێن، پەنا دەبەنە بەر شێواندنی. پرسیارکردن لە نیاز ئاسانترە لە ڕووبەڕووبوونەوەی کەموکوڕی و هێرشکردنە سەر مەبەست ئاسانترە لەوەی بپرسین: ئێمە لە کوێ بووین؟!!

لەم ژینگەیەی کوردستاندا چاکە دەبێتە تۆمەت، دەستپاکیش دەبێتە بارگرانی. چونکە بوونی پیاوێک کە بە بێدەنگی مامەڵە بکات، درۆو موزایەدەو جەنجاڵی ئەوانی دیکە ئاشکرا دەکات. ئارام هیچ ناڵێت، بەڵام هەمووان لەبەردەم ئاوێنەیەکی بێ لێبوردن ڕادەگرێت. بە کردار شەڕی لەگەڵ ناکرێ، بۆیە بە قسە وقسەڵۆک هەوڵی ناشیرینکردنی دەدەن٫  ساتە ئازاربەخشەکە زۆری نەخایاند. درۆو وتی وتی و بوهتان وقسەوقسەڵۆک ڕیز کران:

"ئارام خەریکە سەروەت و سامان کۆدەکاتەوە".

"ئارام لە بەدبەختی خەڵک ،قازانج دەکات"

"ئارام پارەی خێرخوازانی دزیوە!