سێ بوومه‌له‌رزه ده‌ریای ئیجه‌ی هه‌ژاند
4 ساڵ لەمەوپێش
هاوڵاتى
ماڵپه‌ڕی ئافاد رایگه‌یاند:" بوومه‌له‌رزه‌یه‌ك به گوڕی 4.2 پله‌ی رێختەر كه‌ناراوه‌كانی شارۆچكه‌ی داتچا-ی له پارێزگای موغڵا-ی توركیا هه‌ژاند".
ئەمڕۆ چوارشەممە 11ی ئابی 2021، له ماڵپه‌ڕی ئافاد بڵاوكراوه‌ته‌وه، بوومه‌له‌رزه‌یه‌ك به گوڕی 4.2 پلەی رێختەر، ده‌ریای ئیجه‌ی هه‌ژاندووه.
ئاماژه به‌وه‌ش كراوه بوومه‌له‌رزه‌كه له قووڵایی 8.16 كیلۆمه‌تردا روویداوه و چه‌قه‌كه‌ی 27.18 كیلۆمه‌تر له داتچا-وه نزیک بووه.
تاوەکو ئێستا هیچ روونکردنەوەیەک لەلایەن پارێزگاری ئەو شارە و لایەنە پەیوەندیدارەکان لەبارەی زیانی گیانی و ماددی بڵاونەکراوەتەوە.
رۆژی 1ی ئاب، لە دەریای ئیجە لە سنوورە ئاوییەکانی شارۆچکەی داتچا لە پێنج کاژێردا سێ جار بوولەمەرزە تۆمارکراوە. گوڕی بوومەلەرزەکان لەنێوان 4.2 تاوەکو 5.5 پلە بوون.
بابه‌تی په‌یوه‌ندیدار
.jpg)
