غازی حەسەن
قەت هێندەی ئێستا نیگەران نەبووم، هێندەی ئێستاش دەستم لەسەر دڵم نەبووە كە خوا نەكات بەهۆی دروستكردنی قەیرانی سیاسی و ئەخلاقی و خۆدزینەوە لەبەرپرسیاریەتی هەقیقی و روودانی هەندێك لایەن كارەساتێكی دیكە تووشی  میللەتی دڵسۆزو بەشخوراوی كوردستان بكەن. پێویستە میللەتی كورد لەبەر خۆڕاگری و دڵسۆزیی بۆ دۆزو مافە مەدەنییەكانی خەڵاتی نۆبڵی (دڵسۆزیی) پێببەخشرێت. دەزانن بۆ؟ چونكە تاكە میللەتە بێ موچە مل بۆ هیچ هەڕەشەو ئاڵۆزیی و فشارێكی دەرەكی و  مانۆڕە سیاسیی و ململانێ حزبییە ناوخۆییەكانی نەدات. ئەم كوردە لەهەندێك لەحزبەكانی خۆڕاگرترەو بێ خزمەتگوزاریی مرۆیی و سەرەتاییەكان مل بۆ داگیركەرو هەتا خودی هەندێك لەحزبە كوردییەكانیش نەدات و بەردەوام بێت لەمانەوەو هەنگاو بۆ دواڕۆژێكی باشتر.
من دڵنیام ئەو دۆخی مووچەو هەڵكشان و داكشانە ئابووری و ناعەدالەتی لەدەستخستنی داهات و دابەشكردنی لەهەر كوێیەكی دونیا بووایە، نەك حكومەتێك، بەڵكو چەندان حكومەتیشیان ئاڵوگۆڕ دەكرد. كەچی لەپایتەخت و دەڤەری دهۆك و بەشێكی پارێزگای سلێمانی هاووڵاتیان ئامادە نین نە هەنگاوی بەكردەوە، بەڵكو قسەی رەقیش دژی حكومەت نەكەن. من لەدەستەبژێرێكی رۆشنبیر، یان سیاسی هەمیشە هەواڵ و زانیاریی خراپم بەدەستدەگات، نیشانی دەدەن كەخەڵك زۆر بێزارە، لەهەمان كاتدا ئاماژە بەو هەلومەرجە ئابووریەش دەكەن، كەخەڵك هێشتا دەستی بەزۆر زێدە مەسروف و بەفێڕۆدان نەگۆڕتەوە. 
لەدوای سەدان ساڵ بۆ یەكەم جارە وەزیری دەوڵەتێكی مەزنی وەكو ئەمەریكا بێتە هەولێر مەبەستم تەنیا سەردانەكە نییە، بەڵێ گەیشتە (هەولێر) و بەزمانی خۆی و لەبەردەم راگەیاندن و بەبەرچاوی هەموو دونیا داوا لەلایەنە سیاسییەكانی هەرێم دەكات” یەكبگرن و هێزی پێشمەرگە یەكبخەن». ئەو بەزاتی خۆی وسا ئاخاڤت و گۆتە هەمووان ئەم دەرفەتە لەدەست مەدەن. 
(لۆید ئۆستن)ی وەزیری بەرگری ئەمەریكا لە ٧ی ئازاری ٢٠٢٣ لەهەولێر لەتەك كۆبوونەوەیەک لەگەڵ لایەنە پەیوەندیدارەكانی دەسەڵات و سەرۆك بارزانی گوتی: «پێویستە سەركردەكانی كورد ناكۆكییەكانیان وەلابنێن و یەكبگرن و بۆ بونیادنانی هەرێمێكی سەلامەت و خۆشگوزەرانی كوردستانی عێراق». ئەو لەدیدارەكانی لەگەڵ سەرۆكی هەرێم (نێچیریڤان بارزانی) و  دواتریش كۆبوونەوەی لەگەڵ (سەرۆك بارزانی) قسەی لەسەر بەردەوامی و پێویستی (پرۆسەی چاكسازی لەوەزارەتی پێشمەرگەو رێكخستنەوەی پێشمەرگە كرد). (ئەلینا رۆمانۆسكی) باڵیۆزی ئەمەریكا لەعێراق لەتویتێكدا وتویەتی: « لۆید ئۆستن وەزیری بەرگری ئەمەریكا لەگەڵ سەرۆكی هەرێم كۆبۆوەو ئەمەریكا پابەندە بەپاڵپشتیكردنی هەوڵەكانی وەزارەتی پێشمەرگەی حكومەتی هەرێمی كوردستان بۆ یەكخستنەوەی هێزەكانی پێشمەرگەو نوێكردنەوەیان بەمەبەستی دڵنیابوون لەتێكشكاندنی یەكجارەكی داعش». 
ئەمە گوتاری ئێستای ئەمەریكایە. دەمێكە ئەمەریكاو ئەوروپاییەكان بەجددی داوا لەهەرێمی كوردستان دەكەن وریا بن و یەكبگرن و چاكسازیی بكەن و هێزەكانی پێشمەرگە یەكبخەن و رێكخستنەوەیەكی سەردەمیانەی تێدا بكەن. ئەوان ئامادەن و درێژە بەهاوكارییەكانی خۆیان بۆ هەرێم و پێشمەرگە بدەن. لەهەموو سەرچاوە مێژووییەكاندا گوتاری كوردی بریتیی بووە لەگلەیی و ناڕازیبوون لەهەڵوێستی ساردو سڕو پشتگوێخستن و دووڕوویی و وەڵام نەدانەوەی داواكارییەكانی كورد لەلایەن زلهێزەكانی دونیا. كەچی ئەمڕۆ ئێمە هەڵوێست و داواكارییەكی پێچەوانە دەبینین. ئەوەتە بەئاشكرا ئەمەریكا داواكاری بۆ كوردو لەپێناو كورد هەیە. دەپرسم ئەگەر لەشۆڕشی ئەیلول وەزیرێكی وڵاتە زلهێزەكان بهاتبایە ناوپردان دەسەڵاتێك و دەوڵەتێكی چۆنمان دەبوو؟ ئەگەر لەسەردەمی كۆماری كوردستان بەرپرسێكی باڵای سۆڤیەت، یان بەریتانیاو ئەڵمانیاو ئەمەریكا نانێكیان لەگەڵ پێشەوا لەمەهاباد بخواربایە كوردستان ئێستا پێگە و بوون و هەبوونی چۆن دەبوو؟ 
ئەگەر لەجیاتی فڕۆكەو بەكارهێنانی سوپا دژی حكومەت و دەسەڵاتی شێخ مەحمود ئینگلیزەكان نەفرەتیان لەكورد نەكردبایە و لینین وەڵامی نامەكەی شێخی بدابایەوە كوردستان ئێستا لەنێو كۆمەڵگەی نێودەوڵەتی چۆن دەبوو؟ ئەگەر بەریتانیا و وڵاتەكانی دیكە وەڵامی نامەی شێخ ئەحمەدی بارزانیان بدابایەوە، كورد ئێستا پەیوەندییە دیپلۆماسییەكانی چۆن دەبوون؟. گوتاری گلەیی و پاساوهێنانە بۆ فەشەل و نسكۆی سیاسی و سەربازی كورد هەمیشە دەبەستینەوە بەدڕندەیی داگیركەران و خیانەتی بێگانەو خراپی هەلومەرجی نێودەوڵەتی! ئەی ئێستا دەبێت ئەم گوتارە چۆن و بەچ شێوازێك شی بكاتەوە. 
 هەندێك لایەن ئەم داوایە بەجددی وەرناگرن و جۆرێك لەئیهمالی و خۆدزینەوە لەهەڵسوكەوتیان بەدی دەكرێت، یان لەژێر فشاری دەرەكی و هێزە ناحەزەكانی كوردستان نایانەوێت پێشمەرگە لەچوارچێوەی هێزێكی پێشكەوتووی یەكگرتووی دامەزراوەیی رێكبخرێتەوە. نایانەوێت گوتاری سیاسی كوردستان یەكگرتوو بێت و هەڵوێستی سیاسی یەكگرتوو دروست بكەن.

پێش چەند مانگێك وەزیری پێشمەرگەی (شۆڕش ئیسماعیل كە ئەندامی یەكێتی نیشتیمانییە) وەكو وەفدی فەرمی سەردانی ئەمەریكای كرد، دوای گەڕانەوەی وەفدەكە بەماوەیەكی كورت لەلایەن یەكێتی لەكارەكەی لادراو (رێباز بێركۆتی)یان لەشوێن داناو هێشتا ئەویش سوێندی یاسایی نەخواردووە، كەچی لەپێشوازی وەفدی ئەمەریكی بەشدار بووە. ئەمە پەیامێكە هەزار لێكدانەوەی بۆ دەكرێت. ئەمە گوتارێكە سەدان شیكردنەوەی بۆ دەكرێت.
پارتی دیموكراتی كوردستان بەكردەوە دەستی بەڕێكخستنەوەی پیشمەرگە لەنێو وەزارەتی پێشمەرگەو چۆنیەتی رێكخستنەوەی كارەكانی ئەم وەزارەتەی كردووە، یەكێتی هێشتا لەقۆناغی بیركردنەوەدایە. ئایا ئەم لایەنانەی تادوێنێ و لەهەڵبژاردنەكان دروشمی (یەكخستنی پێشمەرگەیان) هەبوو، بۆچی لەبەرانبەر ئەم دۆخە كارتە سیاسییەكان بەئاراستەی پیادەكردنی داواكەی ئەمەریكا بەكارناهێنن هەم بەدەنگدەرەكانیان بێژن ئێمە پابەندی دروشمەكانی خۆمانین و هەمیش ئەو لایەن و گروپانە رووبەڕووی بەرپرسیاریەتی مێژوویی بكەنەوە، كەنایانەوێت بەكردەوە پێشمەرگە یەكبخەن.  
هەقە حكومەتی هەرێمی كوردستان ئەم داواو فشارەی ئەمەریكاو هەندێك وڵاتی دۆستی ئەوروپایی جددیتر لە جددی وەربگرێت و چی دیكە بەهۆی ركابەری حزبی ئەم پرۆسەیە دوانەخات، كەئێمە هەموومان دەزانن ئەم پرۆسەیە بۆ دواڕۆژی كوردستان چەندە گرنگ و پێویستەو بەكردەوە هەنگاوو خواستێكی نیشتیمانی ستراتیژییە. هەقە دەسەڵاتداران و دامەزراوە فەرمییەكانی هەرێمی كوردستان بۆ پێنج دەقەش بێت ئەم پرۆسەیە دوانەخەن. هەر لایەنێك كار بۆ پەكخستن و دواخستنی یەكخستنەوەی پیشمەرگە بكات، بخرێتە بەر نەفرەتی سزای دەنگدان و ئەخلاقی بەرپرسیاریەتی و لێپێچینەوەی سیاسی. پێویستە ئەو لایەنانەی لەبەر هەر هۆكارێك خەمساردن لەپرۆسەی رێكخستنەوەی هێزەكانی پێشمەرگە بۆ رای گشتی ئاشكرا بكرێن، چونكە مێژوو چی دیكە بەزەیی بەكەس نایەتەوە. پێنج دەقە هەنووكە زۆرەو چاوەڕوانی پتر زۆر لەو ئامانجە گرنگانە لەدەست دەدات، كەدۆزێكی گرنگی ستراتیژییە.
ئەمەریكا راشكاوانە وەكو دەوڵەتێكی نافەرمی دیفاكتۆ هەڵسوكەت لەگەڵ دامەزراوە فەرمییەكانی هەرێمی كوردستان دەكات و لەتەك داواكانی، گوتارێكی ئاشكرای فشار ئامێزیشی لەسەر هەرێم بۆ یەكخستنەوەی پێشمەرگە بەگڕخستووە. ئەو گوتارەكەیان وەكو هەڕەشە بەكارنەهێناوە، بەڵام ئەوان پەرۆشن بۆ (یەكبوونی هەڵوێست و گوتاری سیاسی لایەنە سیاسییەكانی كوردستان) و (رێكخستنەوەی مۆدێرنانەی هێزەكانی پێشمەرگە). 
بیری لێبكەنەوە، تەنیا بۆ پێنج دەقە بیری لێبكەنەوە، ئەم وڵاتە مەزنە خاوەن ئیرادەو بەهێزو كاریگەرە، بەزاری خۆی بەكورد بڵێت (تكاتان لێدەكەین سەركردەكان كار بۆ یەكگرتن و چارەسەری كێشە ناوخۆییەكانتان بكەن) و (تكایە پێشمەرگە یەكخەن و رێكبخەنەوەو ئێمە بەردەوام دەبین لەهاوكاری و پاڵپشتیتان) ئەگەر نا. كەچی كوردە فەندەی، یان هەندێك لایەنە قرچۆكەكانی (یەكگوتاری) بەئاشكراو پێچەوانەی تەوژم بیانەوێت پرۆسەكە دوابخەن و وابكەن هەنگاوەكان بچەقێت و كێشەی تێبكەوێت، دەبێت چاوەڕوانی چ نەفرەتێكی سیاسی بن. 
كورد سەد ساڵە وەكو پرۆسەیەكی سیاسی دەیەوێت بۆ گەیاندنی دەنگ و خواستەكانی بگاتە پرسگەی هەندێك وڵاتی مەزنی دونیا، كەچی ئێستا ئەم وڵاتە مەزنانە خۆیان لەنێو كوردستان و بەئاشكراو لەبەردەم رای گشتی و بێ گەڕانەوە بۆ هێزە ناوەندییەكانی دەوڵەت و خودی دەوڵەت و حكومەتەكانی ناوچەكە بەكورد دەڵێن (یەكبگرن) و (پێشمەرگە رێكبخەنەوە). كەچی لایەنە سیاسی و حزبییەكان خۆیان بخەنە سەر گازەرەی پشت و بەهەموو دەنگ و ئاوازێكی ناسازەوە (لێ لێ لێ ... لێ بڵێن). 
پیاوی چاك بن و لەبیری مەكەن با چیدیكە بەر غەزەبی مێژوو نەكەوین، ئەگەر لەئایندەدا گلەیی لەوە بكەین دەوڵەتە زلهێزەكان پشتیان لەكوردستان كرد، كوردستانیان پشتگوێخست و ئێمەیان فرۆشتەوە!... ئەمڕۆ هەموو كەسێك بەهەموو هەستەكانییەوە دەبینێت و دەبێژێت نەخێر ئەوەی دەگوزەرێت هەندێك حزبی سیاسی كوردیی لاملیان كردو نەیانهێشت كورد ببێتە هیچ!!. 
داوا دەكەم حكومەتی هەرێم بۆ پێنج دەقەش چییە، ئەم مەسەلەیە دوانەخات و بەقسەی ئەمەریكاو دۆستە ئەوروپاییەكان بكات (یەكبگرن) و (پرۆسەی یەكخستنەوە و رێكخستنەوەی پێشمەرگە دوانەخرێت). ئەمەریكا بەشێوەیەكی شەفاف و ئاشكراو بەزەقی و هەندێك توندیشەوە داواتان لێدەكات، ئێوەش هەنگاو بنێن و ئەوەی نایەوێت كوردستان خاوەنی (یەك گوتار) و (یەك هێزی پێشمەرگەی مۆدیرنی پڕچەكی نوێ بێت) بەئاشكراو راشكاویی بەخەڵك بڵێن، بۆچی و چۆن و لەبەرچی ئەو لایەنە، یان هەر لایەنێك ملی هەورازە خەتی گرتووەو نایێتە رایێ.!.

رەزاشای دیكتاتۆر

غازی حەسەن
قەت هێندەی ئێستا نیگەران نەبووم، هێندەی ئێستاش دەستم لەسەر دڵم نەبووە كە خوا نەكات بەهۆی دروستكردنی قەیرانی سیاسی و ئەخلاقی و خۆدزینەوە لەبەرپرسیاریەتی هەقیقی و روودانی هەندێك لایەن كارەساتێكی دیكە تووشی  میللەتی دڵسۆزو بەشخوراوی كوردستان بكەن. پێویستە میللەتی كورد لەبەر خۆڕاگری و دڵسۆزیی بۆ دۆزو مافە مەدەنییەكانی خەڵاتی نۆبڵی (دڵسۆزیی) پێببەخشرێت. دەزانن بۆ؟ چونكە تاكە میللەتە بێ موچە مل بۆ هیچ هەڕەشەو ئاڵۆزیی و فشارێكی دەرەكی و  مانۆڕە سیاسیی و ململانێ حزبییە ناوخۆییەكانی نەدات. ئەم كوردە لەهەندێك لەحزبەكانی خۆڕاگرترەو بێ خزمەتگوزاریی مرۆیی و سەرەتاییەكان مل بۆ داگیركەرو هەتا خودی هەندێك لەحزبە كوردییەكانیش نەدات و بەردەوام بێت لەمانەوەو هەنگاو بۆ دواڕۆژێكی باشتر.
من دڵنیام ئەو دۆخی مووچەو هەڵكشان و داكشانە ئابووری و ناعەدالەتی لەدەستخستنی داهات و دابەشكردنی لەهەر كوێیەكی دونیا بووایە، نەك حكومەتێك، بەڵكو چەندان حكومەتیشیان ئاڵوگۆڕ دەكرد. كەچی لەپایتەخت و دەڤەری دهۆك و بەشێكی پارێزگای سلێمانی هاووڵاتیان ئامادە نین نە هەنگاوی بەكردەوە، بەڵكو قسەی رەقیش دژی حكومەت نەكەن. من لەدەستەبژێرێكی رۆشنبیر، یان سیاسی هەمیشە هەواڵ و زانیاریی خراپم بەدەستدەگات، نیشانی دەدەن كەخەڵك زۆر بێزارە، لەهەمان كاتدا ئاماژە بەو هەلومەرجە ئابووریەش دەكەن، كەخەڵك هێشتا دەستی بەزۆر زێدە مەسروف و بەفێڕۆدان نەگۆڕتەوە. 
لەدوای سەدان ساڵ بۆ یەكەم جارە وەزیری دەوڵەتێكی مەزنی وەكو ئەمەریكا بێتە هەولێر مەبەستم تەنیا سەردانەكە نییە، بەڵێ گەیشتە (هەولێر) و بەزمانی خۆی و لەبەردەم راگەیاندن و بەبەرچاوی هەموو دونیا داوا لەلایەنە سیاسییەكانی هەرێم دەكات” یەكبگرن و هێزی پێشمەرگە یەكبخەن». ئەو بەزاتی خۆی وسا ئاخاڤت و گۆتە هەمووان ئەم دەرفەتە لەدەست مەدەن. 
(لۆید ئۆستن)ی وەزیری بەرگری ئەمەریكا لە ٧ی ئازاری ٢٠٢٣ لەهەولێر لەتەك كۆبوونەوەیەک لەگەڵ لایەنە پەیوەندیدارەكانی دەسەڵات و سەرۆك بارزانی گوتی: «پێویستە سەركردەكانی كورد ناكۆكییەكانیان وەلابنێن و یەكبگرن و بۆ بونیادنانی هەرێمێكی سەلامەت و خۆشگوزەرانی كوردستانی عێراق». ئەو لەدیدارەكانی لەگەڵ سەرۆكی هەرێم (نێچیریڤان بارزانی) و  دواتریش كۆبوونەوەی لەگەڵ (سەرۆك بارزانی) قسەی لەسەر بەردەوامی و پێویستی (پرۆسەی چاكسازی لەوەزارەتی پێشمەرگەو رێكخستنەوەی پێشمەرگە كرد). (ئەلینا رۆمانۆسكی) باڵیۆزی ئەمەریكا لەعێراق لەتویتێكدا وتویەتی: « لۆید ئۆستن وەزیری بەرگری ئەمەریكا لەگەڵ سەرۆكی هەرێم كۆبۆوەو ئەمەریكا پابەندە بەپاڵپشتیكردنی هەوڵەكانی وەزارەتی پێشمەرگەی حكومەتی هەرێمی كوردستان بۆ یەكخستنەوەی هێزەكانی پێشمەرگەو نوێكردنەوەیان بەمەبەستی دڵنیابوون لەتێكشكاندنی یەكجارەكی داعش». 
ئەمە گوتاری ئێستای ئەمەریكایە. دەمێكە ئەمەریكاو ئەوروپاییەكان بەجددی داوا لەهەرێمی كوردستان دەكەن وریا بن و یەكبگرن و چاكسازیی بكەن و هێزەكانی پێشمەرگە یەكبخەن و رێكخستنەوەیەكی سەردەمیانەی تێدا بكەن. ئەوان ئامادەن و درێژە بەهاوكارییەكانی خۆیان بۆ هەرێم و پێشمەرگە بدەن. لەهەموو سەرچاوە مێژووییەكاندا گوتاری كوردی بریتیی بووە لەگلەیی و ناڕازیبوون لەهەڵوێستی ساردو سڕو پشتگوێخستن و دووڕوویی و وەڵام نەدانەوەی داواكارییەكانی كورد لەلایەن زلهێزەكانی دونیا. كەچی ئەمڕۆ ئێمە هەڵوێست و داواكارییەكی پێچەوانە دەبینین. ئەوەتە بەئاشكرا ئەمەریكا داواكاری بۆ كوردو لەپێناو كورد هەیە. دەپرسم ئەگەر لەشۆڕشی ئەیلول وەزیرێكی وڵاتە زلهێزەكان بهاتبایە ناوپردان دەسەڵاتێك و دەوڵەتێكی چۆنمان دەبوو؟ ئەگەر لەسەردەمی كۆماری كوردستان بەرپرسێكی باڵای سۆڤیەت، یان بەریتانیاو ئەڵمانیاو ئەمەریكا نانێكیان لەگەڵ پێشەوا لەمەهاباد بخواربایە كوردستان ئێستا پێگە و بوون و هەبوونی چۆن دەبوو؟ 
ئەگەر لەجیاتی فڕۆكەو بەكارهێنانی سوپا دژی حكومەت و دەسەڵاتی شێخ مەحمود ئینگلیزەكان نەفرەتیان لەكورد نەكردبایە و لینین وەڵامی نامەكەی شێخی بدابایەوە كوردستان ئێستا لەنێو كۆمەڵگەی نێودەوڵەتی چۆن دەبوو؟ ئەگەر بەریتانیا و وڵاتەكانی دیكە وەڵامی نامەی شێخ ئەحمەدی بارزانیان بدابایەوە، كورد ئێستا پەیوەندییە دیپلۆماسییەكانی چۆن دەبوون؟. گوتاری گلەیی و پاساوهێنانە بۆ فەشەل و نسكۆی سیاسی و سەربازی كورد هەمیشە دەبەستینەوە بەدڕندەیی داگیركەران و خیانەتی بێگانەو خراپی هەلومەرجی نێودەوڵەتی! ئەی ئێستا دەبێت ئەم گوتارە چۆن و بەچ شێوازێك شی بكاتەوە. 
 هەندێك لایەن ئەم داوایە بەجددی وەرناگرن و جۆرێك لەئیهمالی و خۆدزینەوە لەهەڵسوكەوتیان بەدی دەكرێت، یان لەژێر فشاری دەرەكی و هێزە ناحەزەكانی كوردستان نایانەوێت پێشمەرگە لەچوارچێوەی هێزێكی پێشكەوتووی یەكگرتووی دامەزراوەیی رێكبخرێتەوە. نایانەوێت گوتاری سیاسی كوردستان یەكگرتوو بێت و هەڵوێستی سیاسی یەكگرتوو دروست بكەن.

پێش چەند مانگێك وەزیری پێشمەرگەی (شۆڕش ئیسماعیل كە ئەندامی یەكێتی نیشتیمانییە) وەكو وەفدی فەرمی سەردانی ئەمەریكای كرد، دوای گەڕانەوەی وەفدەكە بەماوەیەكی كورت لەلایەن یەكێتی لەكارەكەی لادراو (رێباز بێركۆتی)یان لەشوێن داناو هێشتا ئەویش سوێندی یاسایی نەخواردووە، كەچی لەپێشوازی وەفدی ئەمەریكی بەشدار بووە. ئەمە پەیامێكە هەزار لێكدانەوەی بۆ دەكرێت. ئەمە گوتارێكە سەدان شیكردنەوەی بۆ دەكرێت.
پارتی دیموكراتی كوردستان بەكردەوە دەستی بەڕێكخستنەوەی پیشمەرگە لەنێو وەزارەتی پێشمەرگەو چۆنیەتی رێكخستنەوەی كارەكانی ئەم وەزارەتەی كردووە، یەكێتی هێشتا لەقۆناغی بیركردنەوەدایە. ئایا ئەم لایەنانەی تادوێنێ و لەهەڵبژاردنەكان دروشمی (یەكخستنی پێشمەرگەیان) هەبوو، بۆچی لەبەرانبەر ئەم دۆخە كارتە سیاسییەكان بەئاراستەی پیادەكردنی داواكەی ئەمەریكا بەكارناهێنن هەم بەدەنگدەرەكانیان بێژن ئێمە پابەندی دروشمەكانی خۆمانین و هەمیش ئەو لایەن و گروپانە رووبەڕووی بەرپرسیاریەتی مێژوویی بكەنەوە، كەنایانەوێت بەكردەوە پێشمەرگە یەكبخەن.  
هەقە حكومەتی هەرێمی كوردستان ئەم داواو فشارەی ئەمەریكاو هەندێك وڵاتی دۆستی ئەوروپایی جددیتر لە جددی وەربگرێت و چی دیكە بەهۆی ركابەری حزبی ئەم پرۆسەیە دوانەخات، كەئێمە هەموومان دەزانن ئەم پرۆسەیە بۆ دواڕۆژی كوردستان چەندە گرنگ و پێویستەو بەكردەوە هەنگاوو خواستێكی نیشتیمانی ستراتیژییە. هەقە دەسەڵاتداران و دامەزراوە فەرمییەكانی هەرێمی كوردستان بۆ پێنج دەقەش بێت ئەم پرۆسەیە دوانەخەن. هەر لایەنێك كار بۆ پەكخستن و دواخستنی یەكخستنەوەی پیشمەرگە بكات، بخرێتە بەر نەفرەتی سزای دەنگدان و ئەخلاقی بەرپرسیاریەتی و لێپێچینەوەی سیاسی. پێویستە ئەو لایەنانەی لەبەر هەر هۆكارێك خەمساردن لەپرۆسەی رێكخستنەوەی هێزەكانی پێشمەرگە بۆ رای گشتی ئاشكرا بكرێن، چونكە مێژوو چی دیكە بەزەیی بەكەس نایەتەوە. پێنج دەقە هەنووكە زۆرەو چاوەڕوانی پتر زۆر لەو ئامانجە گرنگانە لەدەست دەدات، كەدۆزێكی گرنگی ستراتیژییە.
ئەمەریكا راشكاوانە وەكو دەوڵەتێكی نافەرمی دیفاكتۆ هەڵسوكەت لەگەڵ دامەزراوە فەرمییەكانی هەرێمی كوردستان دەكات و لەتەك داواكانی، گوتارێكی ئاشكرای فشار ئامێزیشی لەسەر هەرێم بۆ یەكخستنەوەی پێشمەرگە بەگڕخستووە. ئەو گوتارەكەیان وەكو هەڕەشە بەكارنەهێناوە، بەڵام ئەوان پەرۆشن بۆ (یەكبوونی هەڵوێست و گوتاری سیاسی لایەنە سیاسییەكانی كوردستان) و (رێكخستنەوەی مۆدێرنانەی هێزەكانی پێشمەرگە). 
بیری لێبكەنەوە، تەنیا بۆ پێنج دەقە بیری لێبكەنەوە، ئەم وڵاتە مەزنە خاوەن ئیرادەو بەهێزو كاریگەرە، بەزاری خۆی بەكورد بڵێت (تكاتان لێدەكەین سەركردەكان كار بۆ یەكگرتن و چارەسەری كێشە ناوخۆییەكانتان بكەن) و (تكایە پێشمەرگە یەكخەن و رێكبخەنەوەو ئێمە بەردەوام دەبین لەهاوكاری و پاڵپشتیتان) ئەگەر نا. كەچی كوردە فەندەی، یان هەندێك لایەنە قرچۆكەكانی (یەكگوتاری) بەئاشكراو پێچەوانەی تەوژم بیانەوێت پرۆسەكە دوابخەن و وابكەن هەنگاوەكان بچەقێت و كێشەی تێبكەوێت، دەبێت چاوەڕوانی چ نەفرەتێكی سیاسی بن. 
كورد سەد ساڵە وەكو پرۆسەیەكی سیاسی دەیەوێت بۆ گەیاندنی دەنگ و خواستەكانی بگاتە پرسگەی هەندێك وڵاتی مەزنی دونیا، كەچی ئێستا ئەم وڵاتە مەزنانە خۆیان لەنێو كوردستان و بەئاشكراو لەبەردەم رای گشتی و بێ گەڕانەوە بۆ هێزە ناوەندییەكانی دەوڵەت و خودی دەوڵەت و حكومەتەكانی ناوچەكە بەكورد دەڵێن (یەكبگرن) و (پێشمەرگە رێكبخەنەوە). كەچی لایەنە سیاسی و حزبییەكان خۆیان بخەنە سەر گازەرەی پشت و بەهەموو دەنگ و ئاوازێكی ناسازەوە (لێ لێ لێ ... لێ بڵێن). 
پیاوی چاك بن و لەبیری مەكەن با چیدیكە بەر غەزەبی مێژوو نەكەوین، ئەگەر لەئایندەدا گلەیی لەوە بكەین دەوڵەتە زلهێزەكان پشتیان لەكوردستان كرد، كوردستانیان پشتگوێخست و ئێمەیان فرۆشتەوە!... ئەمڕۆ هەموو كەسێك بەهەموو هەستەكانییەوە دەبینێت و دەبێژێت نەخێر ئەوەی دەگوزەرێت هەندێك حزبی سیاسی كوردیی لاملیان كردو نەیانهێشت كورد ببێتە هیچ!!. 
داوا دەكەم حكومەتی هەرێم بۆ پێنج دەقەش چییە، ئەم مەسەلەیە دوانەخات و بەقسەی ئەمەریكاو دۆستە ئەوروپاییەكان بكات (یەكبگرن) و (پرۆسەی یەكخستنەوە و رێكخستنەوەی پێشمەرگە دوانەخرێت). ئەمەریكا بەشێوەیەكی شەفاف و ئاشكراو بەزەقی و هەندێك توندیشەوە داواتان لێدەكات، ئێوەش هەنگاو بنێن و ئەوەی نایەوێت كوردستان خاوەنی (یەك گوتار) و (یەك هێزی پێشمەرگەی مۆدیرنی پڕچەكی نوێ بێت) بەئاشكراو راشكاویی بەخەڵك بڵێن، بۆچی و چۆن و لەبەرچی ئەو لایەنە، یان هەر لایەنێك ملی هەورازە خەتی گرتووەو نایێتە رایێ.!.