سیهاد یاسین

ماوەیێکە لای خەڵک بووەتە پرسیار هەسەدە بۆچی خۆی لە پرسێکەوە بگلێنێت کە هیچ پەیوەندیێکی بەوەوە نییە. دەوترێت بۆچی شەهید بدات و ماندووبێت لەپێناو شارێک کە شارێکی عەرەبییە؟

هەندێکیتر پرسیار دەکەن بۆچی تورکیا هێندە تامەزرۆیە کۆبانێ داگیر بکات؟

بۆیە منبج لای هەسەدە گرنگە چونکە بووەتە مەیدانی چەک و گرووپەچەکدارەکانی سەربەتورکیا و هەموویشی بۆ لێدان لە هەسەدە و هێرشکردنە سەر کۆبانێ یە.

ئەوەتەی هەسەدە لەمبنج کشاوەتەوە منبج وەک بۆمبێکی تەوقیتکراوی هەرە گەورە ئامادەدەکرێت و هەڵبەتە ڕوویشی لەکۆبانێ و بەنداوی تشرینە.

تا منبج لەو گرووپە دڕندانە پاک نەکرێتەوە خەڵکی کۆبانی بەبێ خەمی ناخەون و هەر ڕۆژە و لاشەی مناڵێکی شەهید لەباوەش دەگرن دەنگی بۆمب لەخەویان ڕادەچڵەکێنێت.

یانی بە پوختی گرتنەوەی منبج واتا دوورکەوتنەوەی مەترسی لەسەر بەنداوی تشرین و کۆبانێ و کۆتایی هێنان بەو گرووپە توندڕەوانە.

خاڵێکیتر ئەوەیە:

هەسەدە دەیەوێت نیشانی تورکیای بدات کورد لاواز نییە کورد توانای شەڕ و هێرش و ئۆپەراسیۆنی گەورەیشی هەیە بەڵام هەمیشە دەیەوێت ئاشتیانە بژین و چیتر خوێن نەڕژێت.

ئەدی گرنگی کۆبانێ لەچی دایە تورکیا وەها شەیدای بووە؟

کۆبانێ نەهاوسنوورە لەگەڵ تورکیا و نەڕێگە و شوێنی ستراتیجی هەیە و نە خاوەن غاز و نەوتێکی واشە کە چاوی تەماحی تێبڕن. ئەو تمووح و تەحەددایەی تورکیا و ئەردۆغان بۆ گرتنی کۆبانێیان هەیە دەگەڕێتەوە بۆ ئازایەتی و نازناوی کۆبانێ کە مەدالیای شاری بەرخۆدان و تێکشاندنی داعشی لە ملەدایە.

کاتێک داعش بەپشتیوانی دوژمنانی کۆبانی شەڕێکی ئێکجار سەختی لەگەڵ کۆبانێ کرد، ئەمرکیا و تورکیا و هەموو جیهان وتیان کۆبانێ کەوت تەنها کۆبانێ وتی ناکەوین و سەردەکەوین، ئەوەیش بوو سەرکەوتوو و هەموو جیهان سەرسامی سەرکەوتنەکەی بوو و لێ ئەو سەرکەوتنە بووە گرێ و داخێکی هەمیشەیی و مێژوویی لەدڵی تورکیا و ئەردۆغاندا.

تەماشاکە کورد لەسوریا خاکێکی زۆری بەدەستەوەیە بەڵام فۆکسی ئەردۆغان و تورکیا لەسەر کۆبانێیە، ئاخر کۆبانێ گرێیەکی دەروونییە لای ئەوان دەیانەوێت بیسڕنەوە و چیتر دیمەنێکی جوان و نموونەی ئازایەتی نەبێت بەبەرچاوی  جیهانەوە.