خەبات کوردە

ئۆنکڵ تڕەمپ و هەڕەشە سەیرەکانی ڕۆژانە درێژەیان هەیە، هەموو جوڵەیەکی هەر داوای پارە دەکات، ئێستا دەیەوێ شەڕی نێوان ڕوسیا و ئۆکڕانیا ڕابگرێ و ٥٠٠ ملیار دۆلاریش بکاتە قەرز بە سەر ئۆکرانیاوە و پۆتین و سوپایەکەشی بە سەرکەوتوو لە قەڵەم بدات و لە سەدا ١٨ ی خاکی ئۆکڕانیا بکاتە خێر و بیدات بە پۆتینی برادەری و دوژمنی سەرسەختی ئەوروپیەکان و ناتۆ و ئەمەریکاش .!

لە دوایین هەواڵدا ڕایگەیاندوە هەرچی زووە با زیلینسکی سەرۆکی ئۆکرانیا بە پەلە  ئۆکرانیا بە جێبهێڵێ و ڕابکاتە دەوڵەتێکی ئەوروپی وەکو فەڕەنسا! (سەیرە خۆ زیلینسکی جولەکەیە قەت بڕوا ناکەم بابی تڕەمپیش جورئەتی ئەوە بکات و بهێڵێ  سەرۆکێکی جولەکە، دۆڕاو بێتە دەرێ و  لە شەڕ هەڵبێت!) لە بەرامبەریشدا زیلینسکی ترس کەوتۆتە کەوڵی و تەنها لەو چەند ڕۆژەی ڕابردوو تەلەفۆنی بۆ زیاتر لە ١٣ سەرۆکی وڵاتانی ئەوروپی و سیناتۆری ئەمەریکی کردووە!

ڕاستە ئەمەریکیەکان بە نێوەندگیریی سعودیە و بە بێ بەشداری ئۆکڕانیەکان بۆنی زاری ڕوسەکانیان کرد و بە ئاشکرا ئەوەیان ڕاگەیاند کە پۆتین نایەوێ جارێکی تر دەست لەناو دەستی زیلینسکی بنێ و لەسەر یەک مێز لەگەڵی دانیشێ، بەڵام ئەو جۆرە مەرجانە هیچ لە بابەتەکە ناگۆڕن و هەردوولاش لە هەلێک دەگەڕێن بۆ وەستانی شەڕەکە، چونکە کوژراو و برینداری هەردوولا خەریکە دوو ملیۆن تێپەڕ دەکا و تێچووی ڕۆژانەی شەڕەکەش هەتا دێ ڕوو لە بەرزبوونەوەیەکی چاوەڕوان نەکراو دەکات بۆ هەردوولا و ئەو دەوڵەتانەشی یارمەتیان دەدەن بەرگەی ناردنی ئەو هەموو چەک و جبەخانەیەی کە ڕۆژانە لە زیاد بووندایە ناگرن، سەرباقی ئەو گرانی و برسیەتیەی تەواوی دونیای هەژاندوە .!

ئێستا تاکە شتێک ئەگەر ڕووبدات و ڕوسیا بە سەرکەتوو بێتەدەرێ  لەبەر خاتری چاوە شینەکانی تڕەمپ، ئایا لەمەودوا ئەمەریکای پاشای هەموو جیهان وەکو شێر دەمێنێتەوە یان وەکو بەرازێکی دەست و قاچ بەستراو!؟