نوسینی: هەڤاڵ کوێستانی

هەندێک ئەمە بەئاشبەتاڵ لەقەڵەم دەدەن و زۆریش پشتیوانی لە بڕیارەکەی دەکەن و بە بڕيارێکی بوێرانەی دەزانن.. ئەگەرچی هێشتا زووە هەنگاوەکانی دوای ئەو بڕیارە ببینین  بەڵام من لەوانەم کە هەقی تەواو بەهەر بڕیارێک دەدەن کە پەکەکە لەبەرژەوەندی خۆی و میللەتی کوردا بیدا.. 

ئەوان خۆیان خاوەنی خۆیان و بڕیاری خۆیانن وهەر ئەوانیش زیاتر لەئێمە زەرەر و قازانجەکانی بڕیاری خۆیان دەزانن.. ئەوە لەکاتێکا ئێمە ئەو وردەکاریانە نازانین کە لەپشتی ئەو بڕیارەوەن،  بۆیە هەر تۆمەتبارکردنێک لەلایەن ئێمەوە ناهەقیە..

وردەکارییەکان نازانین بەڵام ئەوەی دەیزانین :

– بیانووی تورکیای بڕی بۆ پەلاماردانە سەر رۆژئاوا.

– بیانووی تورکیای بڕی بۆ هاتنە ناو خاکی هەرێم .

– بیانووی تورکیای بڕی بۆ پەلاماردانی ئەندامانی دەم پارتی بەتایبەتی و چالاکوانانی کوردی باکوور بەگشتی.

بیانووی تورکیا دەبڕێ لە پشتگوێ خستنی باکوری کوردستان، لەرووی ئاوەدانکردنەوە و پێشخستنی لەهەموو بوارەکاندا.

– کۆتایی بە تۆمەتی تیرۆر هێنا چ لەسەر ئاستی تورکیا و چ لەسەر ئاستی دنیاش.

– کۆتایی بە چارەسەری چەکداریی دەهێنێ و رێگای بەردەم چارەسەری ئاشتیانە دەکاتەوە..

– خۆ ئەگەر گفتوگۆکانیش بگەنە ئەنجام ئەوا دۆزی کورد لە تورکیادا دەچێتە قۆناغێکی نوێوە و کاردانەوەی گەورەشی لەسەر پارچەکانی تر دەبێ.لەگەڵ هەموو ئەمانەشدا هەزاران کوردی گیراوی نێو بەندیخانەکانی تورکیا ئازاد دەبن.