.jpeg)
ئایا ده‌کرێت ئه‌ندامانى کۆمیسیۆنى هه‌ڵبژاردنه‌کان بێلایه‌نبن ؟؟
5 ساڵ لەمەوپێش
هاوڕێ سوره
سه‌ره‌ڕاى ڕاپه‌ڕین و پشێویه‌کانى به‌غدا و زۆرێک له‌شاره‌کانى خواروى عێراق . ماوه‌یه‌که میدیاکان و هه‌ندێک لایه‌نى سیاسى باس له هه‌ڵبژاردنى کۆمیسیۆنێکى گوایه بێلایه‌نده‌که‌ن ، بێگومان گرنگى کۆمیسیۆنى هه‌ڵبژاردنه‌کان هاوتایه له‌گه‌ڵ کۆمیسیۆنى مافى مرۆڤ و لیژنه‌ى باڵاى نوسینه‌وه‌ى ده‌ستوور وسه‌رۆکایه‌تى په‌رله‌مان و دادگاى باڵا. بۆیه ئه‌گه‌ر پێمان وابێت ده‌توانین دڵنیابین که‌سانێک هه‌ن بێلایه‌نن زۆرهه‌ڵه‌ین جا چجاىبۆ پۆستێکى گرنگ و ستراتیژى وه‌ک کۆمیسیۆنى هه‌ڵبژاردنه‌کان،له کوردستان و له عیراق به‌تایبه‌تى و ناوچه‌که به‌گشتىبێلاین بوونله‌محاڵ ده‌چێت له‌به‌ر زۆر هۆکار یه‌کێک له‌وانه‌هه‌رکه‌سێک ده‌چێته شوێنێکى وه‌ها گرنگ ناتوانێت بێلایه‌ن بیت چونکه هه‌رخۆى بێلایه‌ن نیه، ڕابردووش ده‌ریخستووه،زۆربه‌ى هه‌ره زۆرىئه‌م که‌سانه ئه‌گه‌ر ڕاسته‌وخۆش په‌یوه‌ندیان به ڕێکخستنى حزبێکه‌وه نه‌بێت بێگومان له‌دڵه‌وه سۆز و خۆشه‌ویستیان بۆلایه‌نێک یان لیست و قه‌واره‌یه‌ک هه‌یه و حه‌زیش ده‌که‌ن ئه‌م لیست و قه‌واره‌یه سه‌رکه‌وێت چونکه بڕوایان پێیه‌تى یان به‌رژه‌وه‌ندیان له‌گه‌ڵیدا هه‌یه ، که‌وابوو بێلایه‌ن بوون بونى نیه و هه‌ر یه‌کێک ملى بگرى وه‌لای بۆ لایه‌نێک هه‌یه جیا له‌وه زۆربه‌ى هه‌ره زۆرى عه‌ره‌ب و تورکمان بگره فارسیش هێنده گیانى شۆڤیه‌نیه‌ت به‌سه‌ریاندا زاڵه زۆر کات ویژدان له‌ده‌ست ده‌ده‌ن به‌تایبه‌تى به‌رامبه‌ر به نه‌ته‌وه و ئاینه جیاجیاکانى دى هه‌شیانه ده‌که‌ونه ژێر کاریگه‌رى پۆست و پله و پایه و ئیمتیاز و مادده ، یان به‌هۆى هه‌ڕه‌شه‌و چاو لێسورکردنه‌وه سپى ده‌که‌ن به‌ڕه‌ش و ڕه‌شیش ده‌که‌نه سپى به‌کورتى ڕه‌وشتى مرۆڤایه‌تى له‌ده‌ست ده‌ده‌ن ئه‌وه‌ى خودا پێى ناخۆشه له‌ساخته‌کارى و ته‌زویر ئه‌نجامى ده‌ده‌ن ، به‌ڵێ له زۆربه‌ى هه‌ڵبژاردنه‌کانى وڵاتانى پێشکه‌وتوش که‌متا زۆر ته‌زویر و ساخته‌کارى هه‌بووه به‌ڵام له‌م ناوچه‌یه‌ى ئێمه بووه به دیارده !! ئه‌مه‌ش زۆر هۆکارى هه‌یه یه‌که‌م ناهۆشیارى کۆمه‌ڵگه به‌تایبه‌تى ئه‌وانه‌ى زوو به‌لاڕێدا ده‌برێن ، دووه‌م که‌م ئه‌زموونى ، سێیه‌م نه‌بوونى ته‌کنه‌لۆژیایه‌کى هێنده پێشکه‌وتوو که حزب و قه‌واره‌کان و ئه‌ندامانى کۆمیسیۆن نه‌توانن ده‌ستکارى ئه‌نجامى ده‌نگه‌کان بکه‌ن ، چواره‌م بڕوانه‌بوون به‌دیموکراسیه‌ت هتد ... ئه‌مه‌ش بووه به‌کێشه‌یه‌کى گه‌وره و واقیعێکى تاڵ به‌تایبه‌تى بۆ ئه‌م نوخبه خه‌مخۆره به‌عیزه‌ته‌ى که قوربانیانداوه‌بۆ ڕۆژێکى وه‌ک ئه‌مڕۆ ، ئایا بۆ قوتاربوون و چاره‌سه‌رى ئه‌م دیارده قێزه‌ونه ده‌بێ چیبکه‌ین ؟ خۆ ناتوانین له ئه‌ستێره‌یه‌کى دیکه‌وه که‌سانێک بێنین که ویژدان فرۆشنه‌بن چونکه ئه‌مه‌یان شتێکى نالۆژیکیه ، به‌ڵام هه‌تا کۆمه‌ڵگه زیاتر هوشیارده‌بێت و ته‌کنه‌لۆژیا زیاترپێشده‌که‌وێتوه‌ک ئه‌زموون و تاقیکردنه‌وه ده‌توانین که‌سانێکى شاره‌زا له ده‌ره‌وه‌ى وڵاتانى عه‌ره‌بى و ئیسلامى بێنین که دڵنیابین هیچ به‌رژه‌وه‌ندى و په‌یوه‌ندیان له گه‌ڵ حزب و که‌سایه‌تیه‌کانى کوردستان و عیراق نیه ،، به‌داخه‌وه له هه‌لبژاردنى (12/5/2018) ى ئه‌نجومه‌نى نوێنه‌رانى عیراق ته‌زویرو ساخته‌کارى هێنده زۆر بوو شوڤینیه عه‌ره‌به‌کانى شیعه و سونه وه‌ک ڕۆبۆت یاریان به‌ده‌نگى خه‌ڵکه‌وه کرد ،هه‌ربۆیه کۆمیسیۆنى هه‌ڵبژاردنه‌کانى عیراق له‌ده‌ره‌وه‌ى یاسا سه‌دان ویستگه یان سندوقى ده‌نگده‌رى کوردستانیان پوچه‌ڵ کرده‌وه به‌تایبه‌تى ده‌نگه‌کانى ئه‌و لایه‌نه سیاسیه‌ى که هه‌ڵوێسته سیاسیه‌کانى به‌دڵى ڕه‌گه‌زپه‌رسته‌کانى عه‌ره‌ب نه‌بووه ، خاڵێکى دى په‌یوه‌ست به‌م باسه پێویسته ئاماژه‌ى پێبکه‌م بۆ ده‌رباز بوون له‌م جوغزه‌ى تێیدا ده‌سوڕێینه‌وه بۆ ئه‌وه‌ى ئه‌و نه‌هامه‌تیانه‌ى مێژوو تۆمارى کردوون دووباره نه‌بنه‌وه ، هه‌تا چیدیکه خاک و که‌رامه‌تمان داگیر نه‌که‌ن و ئه‌وان به‌چاوى حاکم و ئێمه مه‌حکوم نه‌بین ،بۆ ئه‌وه‌ى یارى به‌قوت و عه‌قڵمان نه‌که‌ن ، هه‌تا چیدیکه عه‌ره‌ب وه‌ک زاڵم و ئێمه مه‌زڵوم نه‌بین ،بۆئه‌وه‌ى جارێکى دى ئه‌نفال و جینۆسایدمان نه‌که‌ن ، به‌کورتى بۆ ئه‌وه‌ى تراژیدیا زۆر و زه‌وه‌نده‌کان دوباره نه‌بنه‌وه ، پێویسته گه‌له‌که‌مان هوشیار و ئاماده‌بن بۆ قوربانیدان و به‌رده‌وام کاربکه‌ن له پێناوى سه‌ربه‌خۆیى،نه‌ک هه‌ر بۆ ئێمه‌مانان به‌ڵکو بۆ هه‌موو مرۆڤایه‌تى له‌جیاتى جارێک هه‌زاره‌ها جار ده‌رکه‌وتووه کورد و عه‌ره‌ب به‌یه‌که‌وه هه‌ڵناکه‌ن هۆکاره‌کانیش زۆرن یه‌ک له‌وانه ئه‌قڵیه‌تى خۆسه‌پێنه‌رانه‌ى عه‌ره‌ب ناگۆڕێت ، هه‌تا دوێنێ شه‌ڕى ئێمه له‌سه‌ر مافه‌کانمان له‌گه‌ڵ حکومه‌ته دکتاتۆر و شمولیه‌کان بوو به‌ڵام ئه‌مڕۆ به‌هۆى کاریگه‌رى ئاینزاى شیعه وسونه که‌خۆى له‌هێزه‌کانى حه‌شدى شیعه و داعشدا ده‌بینێته‌وه بارو دۆخه‌که به‌و ئاڕاستیه ده‌ڕوات که‌ناکۆکى و توند و تیژى بکه‌وێته نێوان گه‌لانى کوردستان و عه‌ره‌بى عێراق !!، هه‌موولایه‌کمان ده‌زانین هه‌ر له ساڵى (1921) که ئینگلیز عیراقى کرد به‌ده‌وڵه‌ت و کوردستانیشى به‌بێ خواستى کورد به‌عیراقه‌وه لکاند له وساوه هه‌تا به ئه‌مڕۆ ده‌گات کاره‌سات دواى کاره‌سات به‌سه‌ر کورداندا هێنراوه ، هه‌رکاتێک عه‌ره‌ب سێبه‌رى خۆى دیبێت په‌لامارى کورد و کوردستانى داوه، ئه‌وان به ژماره زۆر ئێمه که‌م ، ئه‌وان حکومه‌ت ، ئێمه ژیرده‌سته ئه‌وان به‌پشتیوان ئێمه بێپشتیوان ،با ئه‌وه‌ش بڵێم وه‌ک گریمانه ئه‌گه‌ر هه‌ندێ که‌س و لایه‌نى سیاسى هه‌بن پێیان وابێت به‌م شێوه‌یه پێکه‌وه‌بوون له‌گه‌ڵ عه‌ره‌ب و تورک و فارس دروسته و ڕه‌وایه، دڵنیام ڕۆژێک دێتهه‌ست به‌هه‌ڵه‌ى خۆیان ده‌که‌ن، به‌کورتى و به‌کوردى کلیلى ئاشتى و به‌رقه‌رار بوونى ئاسایشى ناوچه‌که و بگره جیهانیش سه‌ربه‌خۆبوونى کوردستانه و به‌س ، پێویسته ئه‌وه‌ش له‌بیر نه‌که‌ین بۆ عه‌ره‌ب و تورک و فارس گه‌وره‌ترین چه‌ک(ئایینى ئیسلامه) که بووه‌ته هه‌وێنى پێکهێنانى ده‌وڵه‌ت و بگره ئیمپراتۆریه‌ت له‌ڕابردوودا به‌پێچه‌وانه‌ى ئه‌وانه‌وه بۆ ئێمه‌ى کورد (ئایینى ئیسلام ) بووه‌ته هۆکار و چه‌کێکى کوشنده بۆ ئه‌نفال کردن و جینۆساید کردنمانو،له‌ت و په‌تکردنمان ، زۆربه‌داخه‌وه له‌م سه‌رده‌مى پێشکه‌وتنى ته‌کنه‌لۆژیاو جیهانى شاره‌ستانیه‌ت و نوێگه‌ریدا ئێسته‌ش عه‌ره‌ب به‌گشتى و عه‌ره‌بى عیراق به‌تایبه‌تى عیراق به گه‌ل و خاکه‌وه به‌نیشتیمانى خۆیان ده‌زانن ئه‌م بیرۆکه شۆڤیه‌نیه نالۆژیکیه ڕه‌گ و ڕیشه‌ى هه‌یه له‌ناو ناخى تاک به‌تاکى عه‌ره‌بدا ڕابردووش ده‌ریخستووه هه‌رگیز پابه‌ند نابن به‌ده‌ستوور که‌ى ده‌رفه‌تیان بۆ ڕه‌خسا به‌نده‌کانى ده‌ستوور له‌به‌رژه‌وه‌ندى خۆیان هه‌موارده‌که‌ن . بۆیه ده‌بێ دڵنیابین به‌ئاشتى و به‌خۆشى داننانێن به‌وه‌دا ئه‌وه‌ى پێى ده‌ڵێن عیراق به‌شه‌عه‌ره‌بیه‌که‌ى به‌شێکه له‌نیشتیمانى عه‌ره‌بى و باشورى کوردستانیش به‌شێکه له نیشتیمانى کوردان ،که‌واتا باهه‌موو جیهان بزانێت و عه‌ربیش دڵنیابن هه‌تا یه‌ک کورد مابێت زوڵمى "عه‌ره‌به به‌دووه" شمشیربه‌ده‌سته ئه‌نفال چیه‌کانى پێرى و فاشیه‌تى دوێنێى به‌عسى و ئێف (16) و ده‌بابه‌ى ئه‌برامزى ئه‌مریکى و گه‌له‌کۆمه‌کى پاسدار و حه‌شدى شیعه و القاعیده و داعشى ئه‌مڕۆى هه‌رگیزاو هه‌رگیز له‌بیر ناچێته‌وه ،هه‌رچه‌نده به‌رژه‌وه‌ندخواز و داگیرکه‌ران ئه‌وه‌نده‌ى بتوانن ڕیگرده‌بن وه‌ک ڕابردوو به‌ڵام هه‌موو کوردێکى جوامێر و قاره‌مان ده‌زانێت ده‌رمانى هه‌موو ده‌ردان سه‌ربه‌خۆبوونه بۆیه نابێت له‌بیرى بکه‌ین ، ئه‌وکاته پرسى ده‌ستور و کۆمیسیۆن و باقى پرسه‌کانى دى چاره‌سه‌رده‌بن له‌سه‌ربنه‌مایه‌کى دیموکراسى هه‌رچى دام و ده‌زگایه‌ک هه‌یه به‌سیسته‌ماتیک ده‌کرێن به‌م هۆیه‌شه‌وه ئاسایشى ناوخۆ و ئابووریه‌کى باش و ئاشتى کۆمه‌ڵایه‌تى سه‌قامگیر و به‌رقه‌رارده‌بێت و سوپایه‌کى یه‌کگرتووى به‌هێز له‌دایک ده‌بێت ، ئه‌مانه‌و هه‌ڵبژاردنه پاک و بێگه‌رده‌کان ده‌بنه به‌شێک له‌پایه به‌هێزه‌کانى ده‌وڵه‌ت ، لۆژیک پێمان ده‌ڵێت ئه‌وه‌ى تۆزقاڵێک هۆش و زه‌ینى هه‌بێت ده‌زانێت به سه‌لماندنى مافى گه‌لان له ناویشیاندا مافى گه‌لى کورد شه‌ڕ به‌رۆکى هه‌موولایه‌ک به‌رده‌دات ئه‌وسابه‌هۆى به‌رقه‌رار بوونى ئاشتى و ئاسایش و به که‌ڵک ورگرتن له‌زانست وته‌کنه‌لۆژیاى سه‌رده‌م ئابوریه‌کى باش و ژیانێکى ئارام و شاره‌ستانیانه بۆهه‌مووان فه‌راهه‌م ده‌بێت .
.jfif)
