عارف روشدى

لەوەتەى کوردستان داگیرکراوە ، بزاوتى کوردایەتى وەک بزاوتێکى نیشتیمانى گەلى کوردستان بۆ پاراستنى پێناسى نیشتیمانى و نەتەوەیی لە چواچیوەى چەندەها شوڕشى چەکدارى یەک لە دوا یەک و بزاڤى کومەڵایەتى و روشنبیرى دا لە هەر چوار بەشی ولاتدا بەرپابووە بە تایبەتى لە بەشى کوردستانى خوارووى لکێندراو بە دەوڵەتى عیراقەوە ، لەو پێناوەشدا ڕووبەڕووى پیلان و جەورو ستەمى دەسەلاتە جیاوازەکانى داگیرکەر بوتەوە لە (دیکتاتور ، دیموکراتباز ، لاف لێەدەرى چەمکى هاولاتیبوون و، هاوئاوازەکانیان لە کورد زمانى لادەر) ، حکومرانان بەوەى پێیانکرابێت لە (خشتەبردن تا دەگاتە نابوتکردن) بەمەبەستى خاموشکردن و دامرکاندنەوەى بڵیسەى بزووتنەوەى کوردایەتى مافخوازى گەلەکەمان درێخییان نەکردووە و، زیانێکى گەورەیان لە بونیادى ئابورى و کومەلایەتى کوردستانیان داوە ، بەلام هەمیشە دوا جار نوشوستییان هیناوە و بەرەو داروخان ملیان ناوەتەوە (عبدولکەریم قاسم ، هەردوو عارف و سەدام حسین ) ،هوکارى سەرەکى لە ناوچون و هەرەسهێنانیان دەگەرێتەوە بۆ دابلوسین و ستەمکارى بەرامبەر بە گەلى کوردستان ، بە پێچەوانەوە سەرەرای ناپاکى کونەپەرستانى ناوخۆ ، هەڵنگاوتن و کاری ناجوری هەندێ کەسی چاوچنوک ، کاروانی خەباتی خوراگری و نەبەزی کوردایەتى دواى هەر راوەستانێکى کاتى بە گرو تینێکى چونایەتى و چەندایەتى باشترو لە بارتر بەرەو ئامانجە دورمەوداکانى لە پیشکەوتندایە ، بزاوتى کوردایەتى تا دەرفەتى دان و ستاندن و لەیەکتیگەیشتن لە ئارادابێت ،شێوازى خەباتى زەبروزەنگى بژاردەى نەبووە ، بەلکو هەمیشە خوازیارى چارەسەرى ئاشتیانەى گرفتەکانە . بەداخەوە هێشتا دەسەلاتدارانى بەغدا تواناى ئەوەیان نییە سەردەمیانەو راستگویانە خواستە رەواکانى گەلەکەمان پەسەندبکەن ، بۆیە لەم وەرزە ستەمکارییەى ئێستادا دەستەبژێرەکانى گەلى سەردەست لە کاتێکدا نوێنەرایەتى راستەقینەى لوتکەی گەندەڵین ، هاوشێوەى دەسەلاتدارانى پیشى خۆیان ئەم جارە لە ژێرچەترى چەمکى فریودەرى (هاولاتیبوون)دا ، بۆ درێژەدان بە پیلانی خاموشکردنى بزاوتى کوردایەتی پەنا دەبنە بەر گروپ و دەستەو دائیرەى چلێسى لادەرى کورد زمان ، بۆ ئەو مەستەش لە هەوڵى دارشتنى پلانى دامەزراندنى حزبی سەرتاسەرى دان، دیارە ئەوەندە کولەوارن و ناتوانن لە وانەکانى مێژوو بە ئاگابن ، لە بیریان چووە بەعسییەکانى دوێنێ لەو پەرى بەهێزی سەربازى ، دارایی و ریکخراوەییدابوون ، زیاتر لە ٣٠٠ هەزار چەکدارى کوردزمانیان هەبوو ، بەلام لەو چەشنە رەفتارانەدا بێئەنجامبوون و مایەپوچ بوونەوە ، لێرەدا پیویستە قەلەم بەدەست و هەرزە سیاسی و خوپەرێسە بێ سەروبەرەکانى لەمەخۆمان لەو راستییە مێژووییە بەئاگابن (بزاوتى کوردایەتى ) بزاوتێکى مێژوو کردە خاوەنەکەى گەلى کوردستانە ، لە شێوەى داربەڕووەکانى رەگ داکوتراوە ، بە سەرجەم توپەکانى زەمان نەشکێنراوە و (هەردەمێنی نەژادو خاک و مێژووى کوردان ) ، لادەرە مودێرنەکانیش لە کوتایی یارییە قێزەوەنەکەیاندا تەنها ملشوری و رسوابوون بەرهەمیان دەبێت ، کوردستان ولاتى کوردستانییە نیشتیمانپەروەرەکانە ، ژینگەى پیکەوە ژیان و مروڤ دوستییە ، بزاوتە نەتەوەییەکەى بزاوتى دادپەروەرییە ، بە هەماهەنگى گەل و هیزە نیشتیمانپەروەرەکان دەتوانێت بەسەر کوسپە نیشتیمانى ، ئابوریی و کومەلایەتییەکانى نێوخوییدا سەرکەوێت و بەردەوام دەبێت تا دەگاتە لوتکەى ئامانجەکانى لە ئازادی و سەرفرازی نیشتیمانی.