کۆڵە پشتەکەی کازمی بۆ هەرێم 

یەک هەفتە لەمەوپێش



ئازاد جۆڵا / هەولێر

لەوکاتەوەی  مستەفا کازمی  بۆتە  سەرۆک وەزیرانی عێراق  ئەوە  یەکەم  سەردانی  فەرمی  ناوبراوە بۆ هەرێمی کوردستان و کۆبونەوە و گۆڕینەوەی  بیروڕاو  گەیاندنی  مەبەست و پەیامەکانی خۆی بە شێوەی  ڕاستەوخۆ ،  هەموو لایەک  ئەم ڕاستیە دەزانن کەوا کابینەکەی کازمی و جم وجۆڵ و کارو چالاکیە هەمە چەشنەکانی و  پێداگری و سووربونی لە دەست بردن بۆ هەندێک مەلەف و کاری زۆر سەخت و ئاستەم و دژوار ،  لە ماوەی کابینەکانی ڕابردووی عێراقدا ڕوویان نەداوەو ئەم هەوڵ و کارو چالاکیانەی ناوبراویش لەسەر ئاستی ناوەخۆ بۆتە جێگای سەرنج و ئومێدی عێراقیەکان بە لایەنە ساسیەکانیشەوە لە سەر ئاستی دەرەوەش چاودێری چڕ و بەردەوامی  پشتگیری زیاتری وڵاتانی  بۆخۆی کێش کردووە ، لەگەڵ  ئەوەی کەوا کۆی ئەو هەوڵ و کارانەی  کازمی  کارێکی ئاسایی و ئەرکی سەرشانیەتی وەکو دەوڵەتمەدار پێویستە  بیکات و جێبەجێیان بکات ، بەڵام  ئەوەی  کازمی  جیاکردۆتەوە  لە کابینەکانی تری پێش خۆی  ئەوەیە  کابینەکانی تر نەک هەر  هەوڵی کارکردن و چارەسەرکردنی  قەیران و کێشەکانی عێراقیان  نەداوە  بەڵکو  هۆکارێی  سەرەکیش  بوینە  بۆ ئەم دۆخە خراپەی کەوا  ئەمڕۆی بۆ عێراق و بەهەرێمیشەوە  بەرهەم  هێناوە ، کازمی لە یەکەم ڕۆژی دەست بەکاربونیەوە بەچەندین بڕیاری گرینگ دەستی پێ کرد ، بەڵام  تا ئێستا هەوڵەکانی هەر لە چوارچێوەی حکومەتی فیدرالی بووە و بەشێکی باشی  جێگی خۆیان گرتووە ، واتە کازمی کەمتر کاری لەسەرکێشەو گرفت و قەیرانەکانی  هەرێم  کردووە ، بەڵام دەتوانین بڵێین  لەمڕۆە  دەستی  بۆ  هەرێمیش هێناو بەئاشکرا پەیام و مەبەستەکانی خۆی گەیاندە  هەرێم و  تەواوی عێراقیەکان و تەنانەت  وڵاتانی دراوسێی عێراقیش ، 
لە هەمان کاتیشدا بە لێپرسراوانی هەرێمی کوردستانی گووت

۱ -  حوکمڕانی لە ژوورە داخراوەکان ناکرێت و دەبێت پیاوی دەوڵەت لە ناو خەڵکەکەی بێت و ئەم سەر و ئەو سەری وڵات تەی بکات و لە هەموو گرفتەکانی خەڵک ئاگادربێ و بڕیاری پێویستی بۆ وەربگرێ ، هەر بۆیەش  هەر ئەمڕۆ  بەر لە هاتنی بۆ هەولێر لەناکاو سەردانی قوتابخانەی مەنسووری کچانی کردووە لە بغداد و هۆڵی تاقیکردنەوەکانی  بەسەرکردۆتەوەو لەنزیکەوە دۆخی تەندروستی قوتابیان و شێوازی تاقیکردنەوەکانی  بینیوە ،
۲ - گەیشتە هەرێم  بێ ئەوەی  ئەم هاتنەی لەسەر  بانگهێشتی فەرمی  هەرێم بێ ، ئەوەش  ئەوە دەگەیەنێ لای کازمی هەرێم هیچ جیاوازیەکی نیە لەگەڵ  بەسرە و کەربلاو شارەکانی تری عێراق و خۆی بە بەرپرسیار دەزانێ بەرمبەر بەدەستوور و تەوای  عێراق و عێراقیەکان .
۳ - لە کۆبونەوەکانیدا کازمی  جەختی لەسەر گرینگی و پێویستی  سەروەری خاکی عێراق کردۆتەوەو ئەمەشی وەک خاڵێکی بەهێز داناوە  بۆ هەرێم و تەوای عێراق . ئەمەش خۆی لە خۆیدا پەیامێکە بۆ هەرێم لە پەیوەندییان بە وڵاتانی دراوسێ و و دوورکەوتنەوەی  هەرێم  لە بەغداد .
٤ - سەردانی خاڵە سنوریەکانی ابراهیم  خەلیل و باشماخ پەیامێکە بۆ تورکیاو ئێران لە ڕێزکرتن لە سەروەری خاکی عێراق و شێوازی  تازەی  بازرگانی لەم خاڵە سنووریانە ، هەروەها پەیامیشە بۆ هەرێم ئیتر  بابەتی  گومرگ و خاڵە سنوریەکان  جێگای گفتوگۆ نیەو ئێمە جددین لە بورەدا ، زۆر  بە ئاشکرا  کازمی  هەوڵی  لە قالبدانی زیاتری هەرێم  دەدات و کاری لەسەر دەکات .
٥ - بە چوونی کازمی بۆ خاڵە سنوریەکانی  هەرێم بە گەلانی عێراق بەگشی و خەڵکی بەسڕەو دەروازە سنوریەکانی تری عێرقی گووت ، ئەوەتا  دەستوور و یاسا لە زاخۆوە بۆ بەسڕە جێ بەجێ دەکەین  بەبێ  جیاوزی و بەم کارەشی  لایەنە شیعەکان و میلیشیا دەست ڕۆیشتوەکانی دەروازە سنوریەکانی عێراق دەم کووت و ڕازی  دەکات .
٦ - بەهەرێم  دەڵێت  حکومەتی بەغداد لەسەر گوڕانکاری ڕیشەیی و چاکسازی  لە بوارەکانی دارایی و ئەمنی و سەربازی و پەیوەندی دیبلۆماسی  زۆر  جددیەو ناوەستێ ، هەروەها پێشیان دەڵێ ئەمە دوا دەرفەتەو کات بەفیڕۆدان  لە بەرژەوەندی هەرێم و تەوای عێراقیش نیە ، بۆیە لەسەر هەرێم  پێویستە لە ڕێککەوتن لە گەڵ بەغداد جدی و شەفاف بێت .
۷ - لە دیدارەکانی کازمی لەگەڵ بەرپرسانی هەرێم هەڵبژاردنی پێشوەختەی پاک و بێگەردی  بۆ تەوای عێراق بە پێویست زانیوە و ناڕاستەوخۆ داوای کردوە  کورد  ئاستەنگ دروست نەکات لەم  بوارەداو  پێویستە لە پێناوی دیاریکردنی نوێنەری ڕاستەقینەی عێراقیەکان  کورد هاوکاربێ لە هەمان کاتیشدا  ئەوە  یەکێک بووە لە داخوازییە سەرەکیەکانی خۆپیشاندەران .
۸ -کازمی لە کۆبونەیدا لەهەرێم  داوای ڕێکحستنەوەی  پۆستە هاوبەشەکانی نێوان هەرێم و بەغدای کردووە وەک  سەرەنجێک لەسەر مووچە و ئمتیازاتی ئەوانەی لە هەرێم و بەغداد سوود مەندن و هەرێمی وەک  بەشێگی  گرینگ لە چوارچێوەی  عێراقدا  لەقەڵەم داوە ، پێداگری لەسەر گفتوگۆ و بەئاشتی چارەسەرکردنی  تەواوی  ناکۆکیەکان کردۆتەوە .
۹ -لە کۆتایی دا  کازمی  بە عێراق و هەرێم و جیهانیشی گووت من  ماندوو  نابم و پشوو درێژ و سوورم  لەسەر بەرنامەو پلانی داڕێژراوو  ئەوە منم  لە یەک  ڕۆژدا لەسەر  چەندین  مەلەفی گرینگ  کاردەکەم و ڕادەوەستم   وەک مەلەفەکانی
 پەروەردە  ،  تەندروستی ،  ئابووری ،  پەیوەندی سیاسی و دیبلۆماسی ، ئەمنی و سەربازی ،  سەروەری خاک و جێ بەجێکردنی دەستوور و  یاسا ... 

 

بابه‌تی په‌یوه‌ندیدار