‎عێراق لە ژێر خێمەی ئێراندا

4 ساڵ لەمەوپێش

ئاسۆ عوسمان

تارمای جەنگ

تیرۆركردنی قاسمی سلێمانی و ئەبومەهدی موهەندیس لەگۆرەپانی عێراق بوو، كاردانەوەو تۆلەَسەندنەوەشی لەلایەن ئێرانیەكان بەموو شكبارانكردنی بنكە سەربازییە كانی ئەمریكا هەرلەسەر خاكی عێراق بوو، ساڵیادی كوژرانیشیان بۆ عێراقیەكان بە بێ‌ دڵەراوكێ‌ و ترسی تارمای جەنگ تێپەرنابێت.... لەیەكەم دەركەوتنی دوای كوژرانی قاسمی سلێمانی علی خامنەیی ڕابەری شۆڕشی ئێران لەوتاری ھەینیدا چەكێكی جۆری نیشانە شكێنی لەتەنیشت خۆیدا دانابوو. ھەڵبژاردنی ئەو جۆرە چەكە بێ مەبەست و بێ ئامانج نەبوو خۆی لەخۆیدا پەیامێكی ھەڵگرتوە وەكو ئاماژەیەك بێت بۆ ئەوەی كە ئێران نایەوێت شەڕی راستەوخۆ لەگەڵ ئەمریكادا بكات، بەڵام بەشێوازێكی تر ئەمریكاو بەرژەوەندیەكانی دەكەنە ئامانج و زیانیان پێدەگەیەنن، وەك ئەوەی ساڵانی پێشو سەدان سەربازی ئەمریكی لە عێراق و ئەفغانستان كوژران كەزۆربەیان بەچەكی قەناس كرابونە ئامانج.....

شەڕو ململانێی بە وەکالەت

ئیران تاوەكوئێستا لەسەرئەو ستراتیژە دەروات كەخۆی بەدوور بگرێت لەهەرجەنگێكی راستەوخۆ لەگەڵ ئەمریكادا ،بەلام لەهەماكاتیشدا لەرێگای گرووپە كانی حەشدی شەعبی و حزبوڵای لوبنانی و حوسیەكانی یەمەن پەرەی بەجەنگى ناراستەو خۆداوە وهەمیشە بەرژەوەندییەكانی ئەمریكا وهاوپەیمانەكانی لەم رێگایەوە كردۆتە ئامانج.........

ترامپ و ستراتیژی جەنگی راستە وخۆ

ئەمریكای سەردەمی ترامپ سیاسەت و ستراتیژی
بەرامبەر ئێران لەهەموو روویەكەوە جیاوازوو بێ‌ وێنە بووە، جگەلەسزای خنكێنەری ئابووری ئەوەشیان بەئیرانییەكان نیشاندا لەگەری پەلاماردانی بەرژەوەندییەكانی ئەمریكا لەلایەن گرووپەكانی حەشدی شەعبی راستەوخۆ ئیران دەكەنە ئامانجی خۆیان.... قاسمی سلێمانی كەدۆسێ ی سەربازی و بڕیاری سیاسی لە عێراق و سوریاو لوبنان و یەمەن و هەموو ناوچەی ڕۆژهەڵاتی ناوەڕاست و فراوانبوونی دەسەڵاتی ئێران لەناوچەکە لەدەستابوولەئاستی ناو خۆی ئێرانیشدا ببوە بەهێزترین پیاوی ئێران ، بە پلەبەندی پۆست تا دەگاتە رێبەری باڵا ، زۆر لە پێش ئەو پۆستیان هەبوو ، لێ بە کردەوە ئەو لە سەرووی هەمووانەوە بوو ، وەك کوڕی خامەنەیی وابوو،دوای مردنیشی ئەو کەسەی دەهاتە جێی خامەنەیی ، دەبوا بە فلتەری ئەودا تێپەڕی بووا ، خۆشی دەبووە دەسەڵاتداری راستەقینەی ئێران... ئەبوومەهدی موهەندیسیش پیاوی یەكەمی ئێران و بریاربەدەستی حەشدی شەعبی بوو لەعێراق، بەئامانجگرتنی سلێمانی و موهەندیس لەچوار چێوەی ئەو ستراتیژەی ئیدارەكەی ترامپدابووكە بەئیرانییەكانی گووت لەهەرهێرشێكی گرووپەكانی ئێران بۆسەرمان راستەوخۆ ئێرانیەكان دەكرێنە ئامانج...

دووكەڵی ئاگرەكە پێش تاران بەغدا دەخنكێنێت

ئەگەرچی ئێرانییەكان بەئاشكراو لەراگەیاندەكاندا ئەوەرەتدەكەنەوە كە ویستی هەڵایسانی جەنگی راستەو خۆیان لەگەڵ ئەمریكادا هەبێت، بەلام نزیك بوونەوەی سالیادی كوژارانی قاسمی سلێمانی وچاو نەپۆشینی ترامپ لەهەرهێرشێكی گروو پەكانی حەشدی شەعبی بۆسەرئەمریكیەكان لەدوارۆژەكانی ئیدارەكەیدا عێراق دەخاتە بەردەم مەترسی جەنگێكی گەورەو دووكەڵی ئاگری ئەم جەنگە پێش تاران بەغداو عێراقیەكان دەخنكێنێت....
كازمی لە ژێر خێمەی ئێراندا

هەرچەندە مستەفا کازمی بە پشتگیری میحوەری ئەمریکا سعودیە ،ویستی ئەوەی هەبووعێراق لە بن دەستی ئێرانیەکان دەربێنێت و بیکاتەوە بە کیانێکی یەکگرتووی نیشتیمانی ، سەقامگیروئەویش بە پەرووبالكردنی گرووپەكانی حەشدی شعبی و کۆنترۆل کردنەوەو گەڕانەوەی دەروازە سنوریەکان بۆ حکومەت و دەوڵەت کە تا ئێستا ئێران و گروپەکانی سەر بەو ، سودمەندی یەکەمی سیاسی و ئابوری بوون لەو سنورانە........ ئێران بە پێچەوانەی خواستی عێراقیەكانەوە ، عێراقێکی شلوشۆق و نا سەقامگیری دەوێ ، تا بتوانێ بە ئارەزووی خۆی تەراتانێی تێدا بکات، ئێرانی ئیسلامی ، عێراق بە قوڵای ستراتیژی خۆی دەزانێت ، هەر لەو روانگەیەوەش مامەڵەی لەگەڵدا كردووە بە لە دەستدان و لاوازبوونی میلیشاكان نفوزو هەیمەنەی لە عێراقدا لەدەستدەدات ، چونکە شەڕو ململانێی بە وەکالەت بۆ حکومەت و دەسەڵاتە گەورەکان تا دەگاتە حیزب و گروپێکی بچوك ، ئاسایش و سەقامگیریەکەی پارێزراو دەکات ، وەلێ لە راستەوخۆدا نەخێر.....
دواجار كازمی و حكومەتەكەی ئەگەر تەسلیم بە خواستی ئێرانیەکانیش نەبووبێت ئەوا ئێرانیەکان توانیان ئەمری واقعی لەسەری فەرز بكەن کە ، دەستبەرداری ئەو نەهج و سیاسەتانەی بێت و وەك سەرەك وەزیرەکانی پێشە خۆی ، لە ژێر خێمەی ئێران ، سیاسەت بکات و عێراق بەڕێوە ببات....

كورد پێویستە چی بكات

لەهەرپێش هات و ئەگەریكدا كەلەنێوان ئەمریكاو ئێراندا روو بدات راستەو خۆ یان ناراستەو خۆ كاریگەری لەسەرهەرێمی كوردستان دەبێت بۆیە پێویستە باشوری كوردستان حۆی بۆهەموو ئەگەرێك ئامادەبكات باشترین خۆئامادەكردن و وەلامدانەوەیەكی خیرای دۆخەكە ، یەکریزی و تەبایی سەرجەم گەلی کوردستانە ، لە پشت سەرکردایەتیەکی خەمخۆرو یەکگرتوو بە ئەزمون چونکە ئەو تەشەسەندنانە ، هەرێم ناچار دەکەن ، نەتوانێ بێلایەن بێت و وای لێدەکەن لە جیاتی نێوەندگیری ، تەرەفگیری بکات .......ئەگەر خوانەخوازە تەشەسەندنەکان بۆ عێراق بەردەوام بن و بگەنە خاڵی یەکلایی کردنەوەی هەڵوێستەکان ، باشترین وەڵام بۆ وەڵامدانەوەی ئەو دۆخە ، یەکریزی پتەوی کوردستانە ، لە گشت ئاستەکانەوە ، بە هەموو حیزب و رێکخراوو دام و دەزگاکانیەوە .

Facebook Twitter Whatsapp Email