.jpeg)
گوتێرس بۆ پێنج ساڵى دیکه وه‌ک سکرتێرى گشتى یوئێن هه‌ڵبژێردرا
3 ساڵ لەمەوپێش
هاوڵاتى
ئەنتۆنیۆ گوتێرس که له‌لایه‌ن پۆرتوگال وه‌ک هاووڵاتیى وڵاته‌که کاندید کرابوو و له ئه‌نجوومه‌نى ئاسایشى نه‌ته‌وه‌یه‌کگرتووه‌کان کاندیدبوونى په‌سه‌ندکرابوو، له کۆمه‌ڵه‌ى گشتیى نه‌ته‌وه‌یه‌کگرتووه‌کان که له 193ئه‌ندام پێکهاتووه، بۆ جارى دووه‌م وه‌ک سکرتێرى گشتیى رێکخراوه‌که هه‌ڵبژێردرایه‌وه.
ئه‌و که له ئێستادا سکرتێرى گشتیى رێکخراوه‌که‌یه، خولى دووه‌مى سکرتێربوونى له 1ى کانوونى دووه‌مى 2022دا ده‌ستپێده‌کات.
ئه‌نتۆنیۆ گوتێرس له خولى یه‌که‌مى سکرتێرییدا، یه‌کسانیى جێنده‌ریى و گۆڕانى که‌شوهه‌واى خستبوویه نێو لیستى کاره له‌پێشینه‌کانییه‌وه.
رێکخراوى هیومان رایتس ۆچ داوا له گوتێرێس ده‌کات له خولى دووه‌مى سکرتێریى گشتیى نه‌ته‌وه‌یه‌کگرتووه‌کاندا مافى مرۆڤ بکاته پێشینه‌ى کاره‌کانی، له‌به‌رامبه‌ریشدا ناوبراو به‌ڵێنى ئه‌وه ده‌دات له دۆزینه‌وه‌ى چاره‌سه‌رى قه‌یرانه‌کاندا ببێته نێوه‌ندگیرێکى سه‌ر ڕاست و رۆڵى بنیاتنه‌رى پردى به‌یه‌کگه‌یاندن بگێڕێت.
.png)
