ئایا حكومەتی داهاتووی عیراق پابەندی دەستور دەبێت ؟

  هاوڕێ‌ سورە

2 مانگ لەمەوپێش



  هاوڕێ‌ سورە

ئەگەر بگەرێینەوە بۆ مێژوو هەمیشە گەلانی سەردەست بەبیانووی جۆراو جۆر  زوڵمی گەورە گەورەیان  لە گەلانی ژێردەستە كردووە هەتا  ئاستی پاكتاو كردن ,  عەرەبەكانی عیراقیش  یەك لەو نەتەوە شۆڤیەنانەن  وەك كارگەیەك نەك هەر سەركردە و كەسانی دكتاتۆر بەرهەم دێنێن و بەهەرم هێناوە  بەڵكو چەندین حزب و ڕێكخراوی ڕەفتار فاشیان دروست كردووە  وەحش ئاسا بەریانداوەتە گیانی كوردان  بەعس . القاعیدە  . داعش  . حەشدی پاسدار  ئەوانە گشتیان  سەركردە و دامەزرێنەرەكانیان  عەرەب بوون و عەرەبن  . تێڕوانینی  هەمووشیان  بۆ دۆزی كورد  وەك یەك  بووە .

بەداخەوە  ئێمەی كورد نیشتیمانەكەمان  كەوتۆتە سنوری نێوان نەتەوەكانی  عەرەب  و فارس و تورك هەمووشیان  بەشێوەیەكی  نامرۆڤانە هەوڵی تواندنەوە و لە ناوبردنی كوردیان داوە  و  بەردەوامیش دەبن , زۆر جاریش  هاوكاری ڕاستەو خۆی یەكتریان كردووە دژی كورد ... ئەوەی ئاشكرایە دوای ڕاگەیاندنی ئەنجامی هەڵبژاردنی پێشوەختەی  10-10- 2021 ) ی  عێراق ,  كورد  دڵنیا نیە كام لایەنی شیعە دەستور جێبەجێ‌ دەكات  و پابەندی بەڵێنەكانی دەبێت .

ڕابردوو پێمان دەڵێت  هیچ  كام لە حزبە شیعەكان  جێگەی  بڕوا نین  لانیكەم  لەبەر ئەوەی  هەموویان وابەستەی  ئێرانن  حكومەتی ئێران و عەرەبی عیراق   كورد بە سونە و بە دۆستی ڕۆژئاوایەكان دەزانن  ئەمەش بۆ ئەوان بەواتای دوژمن  ئەژمار دەكرێت ,  هەروەها عەرەب بەگشتی    كوردستان  بە نیشتیمانی  خۆیان دەزانن .!!  بەداخەوە  ئێستاش  هەل و مەرجەكە  كورد ناچار دەكات  بەشداری لە پێكهاتەی حكومەتی عیراقدا  بكات  لەكاتێدا  خاكمان داگیر دەكەن ,  زوڵمی گەورەمان لێدەكەن , بەهاوڵاتی  ژمارە دووشمان نازانن , لە هەمانكاتدا هەموو  وڵاتانی داگیركەری كوردستان و زلهێزە بەرژەوەندخوازەكان  ڕێگە نادەن سەربەخۆبین ..

ئایا  ئێستا كورد دەبێت چیبكەن  یەكەم . پێش بەشداری كردن لە حكومەتی داهاتووی عێراقدا  بۆ بەشداری كردن و  دانوساندن و واژۆ كردنی ڕێككەوتن لەگەڵ هەرلایەنێكی  شیعە  پێویستە  لایەنی سێیەم  چاوێر بێت  بەتایبەتی  ئەوانەی  وڵاتی زلهێزن  لەبەر ئەوەی هیچ  گەرەنتی نیە دواجار حكومەتی شیعەكان وەك ڕابردوو لە بەڵێنەكانیان پەشیمان نابنەوە , دووەم . ئەگەر بەرەی سەر  بە ئێران  مەرسین و خاوەنی سەدان هەزار چەكداری  میلیشیان و  بەشێكن لە سوپای قودس , سەدریەكانیش  زۆر لە ئەوان  مەترسیدارترن لەهەمانكاتدا  هەم شیعەن و هەمیش  لە فەرمانی ئێرانیەكان دەرناچن  خودی سەدریش كەسێكی دامەزاراو نیە و زوو  زوو  هەڵوێست  و بڕیارەكانی دەگۆڕێت  كەسیش  دڵنیا نیە  كە دەسەڵاتی وەرگرت چیدەكات  بە تابەتی  بەرامبەر كورد و كوردستان , بۆیە  چوونە بەرەی سەدریەكان  دوورنیە دوا ڕۆژ پەشیمانی لەدوابێت , دیارە مالیكی و عەبادیش پێشتر تاقیكراونەوە چەند دڵڕەش و دڕندە بوون بەرامبەر كورد , بە كورتی  هەموویان بەرامبەر كوردان گورگی گۆشتخۆرن .

بۆیە چەند زۆر تر ناتەبا و ناكۆكبن بەیەكەوە  هێندە لەبەرژەوەندی كوردە , لەكۆتاییدا  دەبێت هەموومان بەڕاستی برابین بۆ ئەوەی نەكەوینە ناو  بەرداشی دەستاڕی  شیعەكان  چونكە هەموویان دەخوازن  ئاش ئاسا   بمانهاڕن ..    

بابه‌تی په‌یوه‌ندیدار