.jpeg)
پرسی موچە و گفت و گۆی خلە و بلە
هاوڕێ سورە
3 ساڵ لەمەوپێش
هاوڕێ سورە
خلە – بامژدەت بدەمێ بلە گیان حكومەت خشتەی موچەی ڕاگەیاند شۆك شۆك
بلە- بەشۆك شۆكەكەی تۆ وامزانی دەوڵەتی كوردی ڕاگەیاندرا . ئەرێ بەڕاست ئێمەی خانەنشینی شارەستانی تێداین ؟
خلە – نەوەڵا تەنیا وەزارەتی تەندروستی تێدایە
بلە - هەی گێژە جا ئەمە كەی لیستی موچەیە ڕۆژی یەك وەزارەت یاخوا عەمریان نەمێنێت بۆ موچەدانیان
خلە – ئەدی نەتبیستووە تێر ئاگای لە برسی نیە بەر پرسەكان هەزار و یەك بەرژەوەندیان هەیە ئەوان تێرن تێر
بلە - ئایا دەزانی پارەی كوردستان بە زۆری بۆ حزب و ئەندام پەرلەمان و وەزیرەكانە هەر یەكێكیان بیست هێندەی موچەكەی ئێمە وەردەگرن دەشزانن وەك دزی وایە چونكە حەرامە حەرامیش دوا جار دەبێتە ژەقنەموت
خلە - كاكە ناهەقیان نیە لەڕادیۆ و تڤیەكان باش فێری زوبان درێژی و جنیودان بوون بۆیە دەبنە پەرلەمانتار مانگی هەشت ملیۆن وەر دەگرن و بە چوار ساڵی ناخزمەت بە چوار ملیۆن خانە نشین دەبن هەر چەند بەتەمەن بچوكیشبن !!
بلە – وا دیارە ئەوانە هەموویان پڕۆفیسۆر و بلیمەتن وەك مەلائیكە شەویش ناخەون خەریكی دامەزراندنی دەوڵەتی كوردین بۆیە ئەم هەموو پارەیە وەردەگرن !!
خلە- سەیر بكە ئەمڕۆ نۆی مانگی تازەیە موچەی خانەنشینی مانگی ڕابدوومان وەرنەگرتووە جگە لە چەندین موچەی دیكە كەحكومەت قەرزدارمانە دەبێ خانەنشیانی شارەستانی بە چی بزانن ؟
بلە- ئەدی نەیان ووت هەموو(25) ی مانگێك دەستدەكەین بەدابەشكردنی موچە ئەم درۆیەی كردنەی بۆ چیە درۆ دوژمنی خودایە
خلە- ئاخر لای حكومەتەكەمان كوردستان دوو هێندەی سینە ناچارن ڕۆژی موچەی چەندین ملیۆن موچەخۆر بدەن !
بلە- ئەی لەو درۆیە كوردستان شەش ملیۆنە و سین ملیاردێك و شەش سەد ملیۆنە بەدوو ڕۆژ موچە ئەدا نەك وەك كوردستان پانزە بیست ڕۆژ خەڵك بەموچەوە سەرقاڵ دەكەن بەڕاستی ئەوە موچە دان نیە خودا بیانگرێت !
خلە- كاكە بلە دەزانیت مانگی زیاتر لە دوو ترلیۆن دینار لە نەوت و گومرگ و داهاتی ناوخۆ پەیدا دەكەن بەڵام چاویان لە دووسەد ملیار دینارەكەی بەغدایە . كەسیش نازانێت دوای هەڵبژادنەكەی(10-10-2021 چارەنووسی حكومەتی بەغدا چی لێدێت چونكە شیعە تیر و شیر لێك دەسوون ز
خلە و بلە بەیەكەوە وتیان بەداخەوە پیربووین ئەگینا فیشەك بۆ ئەمڕۆ باشبوون بێگومان ئەوانەی بەغدا و هەرێمیش سود لە پارەكە نابینن خودای خەڵك دەیانگرێت یان بەردەبنە گیانی یەكتر. .
