ئێران.. قوربانگەی دادپەروەری و مرۆڤایەتی! 

2 ساڵ لەمەوپێش



عەبدولڕەحمان گەورکی، نووسەر و لێکۆڵەری سیاسی 

لەئێرانی ئێستادا هەر چەند چرکەیەک کەسێک ئیعدام دەکرێت یان لەسێدارە دەدرێت، زیندانی دەکرێت یان ئەشکەنجە دەدرێت و یان دەکوژرێت! سەرەڕای ئەوەش تاوانکاری و تاڵانکاری لەو وڵاتە لە لایەن حکومەتەوە بەزۆری بەردەوامە و بەهۆی داڕمانی ئابووری، دۆخی ژیانی خەڵک زۆر دڵتەزێنەو ئێستا زیاتر لە 43 ساڵە ئەوە بارودۆخی ئێرانە! بەپێچەوانەوە، لەوڵاتی سوید بۆ ماوەی 10 مانگە یەکێک لەمیرغەزەبەکانی رژێمی ئێران (کە تەنیا یەکێکە لەبکوژانی دەرەجە چەندەمی تاوانەکان!) بە ناوی (حەمید نوری)، بە تاوانی بەشداریکردن لەقەتڵوعامکردنی زیاتر لە 30 هەزار زیندانی سیاسی لەساڵی 1988 خراوەتە بەردەم دادگاو دوای ئەوەی لەلایەن داواکاری دادگاوە، بڕیاری زیندانیکردنی هەتاهەتایی (وەک گرنگترین سزا) بۆ دەرچوو، بڕیارە لەکۆتایی مانگی جولای 2022 لەلایەن دادگاوە دوابڕیاری بۆ دەربچێت و بەمجۆرە، بە هۆی دەوری چالاکانەی موقاوەمەتی ئێران، سەرکەوتنێکی گەورە بۆ خەڵک و موقاوەمەتی ئێران تۆمار کراو ئەمەیش وەک سەرەتایەکی گرنگ بەرەو سەرکەوتنە هاوشێوەکان لەداهاتوودا! جیاوازیی نێوان بوونی "عەدالەت" و نەبوونی دا، ئەو راستییە بەئازارەیە کە دڵی هەموو مرۆڤێکی بەشەرەف و ئازاد ئازار دەدات!

پرسیاری بنەڕەتی ئەوەیە کە ئایا دەوڵەتانی جیهان رۆڵیان هەیە لەمەدا؟ ئەگەر دەوریان هەیە چییە و دەبێ چ بکرێت؟ رووبەڕووبوونەوەی دوو هێزی بەرامبەر! بێگومان ئەگەر موقاوەمەتی ئێران نەبوایە ئەوا کەیسی تاوانبار (حەمید نوری) هەروەک زۆر کەیسی تاوانەکانی رژێمی ئێران بەنهێنی دەمایەوە! و راستیەکانی ئەم تاوانانەش نەدەگەیشتە بەر دیدی گەلانی جیهان. چونکە ئەم رژێمە لە سیناریۆیەکی ئاڵۆزداو بە "پیلانێکی گڵاو" و بەڕێگەی بەکرێگیراوەکانیداو لەوانە (ئیرەج میسداقی)، بە نیازبوو دەست بەسەر"بزووتنەوەی دادخوازیی خوێنی شەهیدانی کۆمەڵکوژکراو لەساڵی 1988" دا بگرێت و ئەم کەیسە لەدەست موقاوەمەتی ئێران دەربهێنێت و بەو رێگەیەوە، خۆی و بەرپرسانی بەشداربووی لەم تاوانەدا، لەچنگ دادپەروەری رزگار بکات و دەسەڵاتی ئاخوندی بە رەواو سەقامگیر بنوێنێت! وەبیرهێنانەوەیەکی پێویست! گومانی تێدانیە کە هۆکاری سەرەکی هەموو ئەو تاوان و تاڵانکارییانەی لەئێراندا هەیە، شەخسی وەلی فەقیهی ئاخوندان واتا (عەلی خامنەیی)یە و دوای ئەویش کەسانی راسپاردە ئەون!

لە راستیدا دادگاییکردنی (حەمید نوری) لە دادگای سوید، دادگاییکردنی رژێمێکە بە کۆڵێک دۆسێیەی کەڵەکەبووی شاراوە کە بە نەکراوەیی ماونەتەوە. کەوایە بێ هۆ نییە کە عەلی خامنەیی و ئیبراهیم رەئیسی و وەزیرە تیرۆریستەکەیان، واتا (ئەمیر عەبدوڵلاهییان) هەڕەشەیان لەحکومەتی سوید کردووە و لەهەنگاوێکی بەبارمتەگرتنی تاوانبارانەدا، هەڕەشەیان لە حکومەتی سوید کردووە کە لە رۆژانی داهاتوودا، هاووڵاتییەکی سویدی بە ناوی (د.ئەحمەد رەزا جەلالی) لەسێدارە دەدەن بەتۆمەتی (سیخۆڕیکردنی بۆ رژێمی زایۆنی!). بیرخەرەوەیەکی گرنگ! هێشتا لەسەرەتای داگیرکردنی ناشەرعی ئۆکراینادا بووین کە تەقینەوەی "بۆمبێکی مرۆیی" لەجیهاندا، وای لەدەوڵەتان کرد کە هەستن بە پشتگیریکردنی موقاوەمەتی خەڵکی ئۆکراینا! گومان لەوەدا نییە کە پشتگیریکردنی موقاوەمەتی گەلی ئۆکراینا، پشتیوانیکردنێکی رەوایە و پێویستە فراوانتر بکرێت. سڵاو لەگەلی ئۆکراینا کە بە بەرخۆدانی قارەمانانەی خۆیان، (خۆبەدەستەوەدان)یان بە هیچ و نزۆکانە داناو کلتوری کۆمەڵگای مرۆڤایەتییان گۆڕی و کلتورێکی نوێیان لەجێگەی دانا. هەروەک چۆن زیندانیانی سیاسی و زیندانییە خۆڕاگرەکانی ئێران، جەللادان و ئەشکەنجەدەرانی رژێمی ئێرانیان بە هیچ و گاڵتەجاڕی دانا! دوو نموونەی جیاوازی مێژوو لەپەنجا ساڵی رابردوودا! لەبەرامبەر (خومەینی)دا، کە بە دزینی سەرکردایەتیی شۆڕشی خەڵکی ئێران لەساڵی 1979 کەوتە سەر کورسیی دەسەڵات و دیکتاتۆرییەتێکی زۆر خراپتر لە دیکتاتۆریی پێشووی سەپاند بەسەر خەڵکی ئێراندا، گەلانی جیهان شاهیدی ئەوەن کە سەرۆکی هەڵبژێردراوی گەلی ئۆکرانیا، بە بەرخۆدانێکی باش و شایستە، واتا مانەوە لەناو خەڵک و نیشتمانی خۆی (نەک قبووڵکردنی بانگەشەی دەوڵەتان بۆ دەرچوون لە ئۆکراینا)!، مێژووی گەل و وڵاتەکەی خستە لووتکەی شەرەف و بەرەنگاربوونەوەو ئەگەر نەیکردبا، ئەوا ئۆکرانیا ئێستا داگیرکرابوو. لەگەڵ ئەوەیشدا، لەشەرەف و بەرخۆدان و مرۆڤایەتی لەم ناوچەیە لەدنیادا هیچی لێ نەدەمایەوە!  بەڵام بەپێچەوانەی ئەم پێگە مێژووییە، ئەوە خومەینی بوو کە بەهاتنە سەرکاری، دەستبەجێ رێگەی خۆشکرد بۆ لەشکرکێشی بۆ سەر وڵاتانی دراوسێ و بە تیرۆریزم لەدژی وڵاتانی جیهان، بوو بە (نەفرەتکراوی ناو مێژوو) و بە برەودان بە کلتوری تیرۆریزم و بنچینەگەری لەژێر ناوی (ئیسلام) و (شۆڕش)، کۆمەڵگای جیهانی خستە ژێر هەڕەشەوە. هەڕەشەیەک کە ئەگەر (موقاوەمەتی ئێران)ی لەبەرانبەردا نەبوایە، ئێستا چارەنووسی گەلانی جیهانی بەبارمتە گرتبوو. چونکە خومەینی و پاشماوەکانی بەنیازبوون بە تیرۆریزم و بەتایبەتی بەوەدەستهێنانی چەکی ناوکی و فرەخوازی و ... هتد، ببنە خاوەنی وشەی کۆتایی لەهاوکێشە هەرێمی و جیهانیەکاندا. بەڵام موقاوەمەتی ئێران بەخستنەڕووی پڕۆژە ناوکییەکانی ئەم رژێمە ناڕەوایە، گەلانی جیهانیان ئاگادار کردەوە لەکارەساتێکی لەمجۆرە و ئەم ئاگادارکردنەوەیش. وای لە جیهان کرد کە دژ بەڕژێمی ئێران بوەستێتەوە! ئاوڕدانەوەیەکی کورت لەڕووبەڕووبوونەوەیەکی مێژوویی لەئێراندا رژێمی ئێران هاوتەریب لەگەڵ تاوان و قەتڵوعامکردن و کۆمەڵکوژی دژ بەخەڵکی ئێران و بەتایبەتی دژ بە هێزی سەرەکی موقاوەمەت (واتا موجاهیدینی خەلق) رێوشوێنی کارەساتبارانەی دیکەی لەناو ئێران و دەرەوەی ئێران گرتە بەر لەوانە: • بە شەیتانکردنی موجاهیدین بەخەرجکردنی پارەیەکی چەند ملیارد دۆلاری و ناردنە دەرەوەی بەکرێگیراوە وردو درشتەکانی خۆی بۆ دەرەوەی ئیران لەژێر ناوی ئۆپۆزیسیۆنی رژێم(!) و بەدروشمی چەپ و دیموکراتی و ئازادیخواز و ... هتد. •  بەدامەزراوەکردن و هاندان و برەودانی دەیان ملیۆن دۆلاری بۆ پێکهێنانی ژیانی هاسەرگیری لەئێران و (بەکرێگیراوەکانی لە دەرەوەی وڵات)، بە مەبەستی بە لاڕێدابردنی بیروڕای گشتی و رێگرتن لە پەیوەستبوونی گەنجانی ئێرانی بە ریزەکانی شۆڕش و هەروەها دانانی نەوەی نوێ لەجێگەی نەوەکانی پێشووتر، کە بەگشتی، بە ئاگاتر بوون لەسەر پێناسەو سیاسەت و بەرنامەکانی حکومەت. •  بێ ئاگاهێشتنەوەی ئاپۆرەی 85 ملیۆنی ئێران و بەتایبەتی نەوەی نوێ لە هەبوونی موقاوەمەت و بەرهەڵستییەکی قووڵ لە ناو کۆمەڵگادا، کە خاوەن مێژوویەکی دێرینە لەخەبات و تێکۆشان بەرانبەر بەدوو دیکتاتۆرییەتی (حەمەڕەزاشا) و (ویلایەتی فەقیهی)، بە رێگەی شاردنەوەی راستییەکان و رێنوێنیکردنی میدیاکان و سانسۆری بەرفراوان و هەروەها سڕینەوەی شوێنەواری تاوانەکانی ئەم رژێمە و لەوانە تێکدانی گۆڕە بەکۆمەڵەکان و مەزاری شەهیدان و ... هتد . • بەکارهێنانی پاشماوەکانی رژێمی دیکتاتۆری شاه و دەست و پێوەندەکانی لەهەندەران بۆ پەراوێزخستنی موقاوەمەتی ئێران و بەناڕەوانواندنی. واتا ئەو موقاوەمەتەی تائێستا زیاتر لە (120) هەزار کەس لەئەندام و لایەنگرانی، لە لایەن رژێمەوە قەتڵوعام کراوان یان لە سێدارە دراون. •  بڵاوکردنەوە و سەپاندنی هەژاری و گرانی و بێکاری و ماددەی هۆشبەڕ و ... هتد، بۆ ئەوەی خەڵک بەسەرەتاییترین پێداویستییەکانی ژیانەوە سەرقاڵ بکات و لەهەمان کاتیشدا بەدروستکردنی ترس و تیرۆر لەناو کۆمەڵ، بە مەبەستی دامرکاندنی راپەڕینە جەماوەرییەکان، کە کوشتاری زیاتر لە 1500 گەنجی ئێرانی لەڕاپەڕینی مانگی گەڵاڕێزانی 2019 لەنموونەکانیەتی. •  ... دوا وشە!  ئێستا بەئاماژەدان بەو ڕاستییانەی سەرەوە کە بەوتەی یەکێک لەشەهیدانی موقاوەمەتی "جیهان بەوەی نەزانی کە چی بەسەر خەڵکی ئێران هاتووە"، وێنای ئەوە بکەن ئەگەر موقاوەمەتی ئێران نەبوایە کە لەهەموو بوارەکانی خەباتدا بەرەنگاری ئەم رژێمە بێتەوە، ئەوە چ دەمایەوە لەئێران و خەڵکی ئێران و لەوەیش زیاتر، کۆمەڵگەی مرۆڤایەتی هاوچەرخ، لەچ دۆخێکی دڵتەزێندا دەمایەوە و چ (شێرپەنجە)یەکی کوشندەی لەهەناودا دەخزا !  ئایا کاتی ئەوە نەهاتووە کەدەوڵەتان بەئەرکی مرۆیی خۆیان هەستن و بەتۆڕدانی ئەم رژێمە لەکۆمەڵگای جیهانیدا، بێنە تەنیشت خەڵک و موقاوەمەتی ئێران، تا خەڵکی ئێران بتوانن بەڕووخاندنی ئەم دیکتاتۆرییە، ئایندەیەکی گەش تۆماربکەن؟! 

***خومەینی و پاشماوەکانی بەنیازبوون بە تیرۆریزم و بەتایبەتی بەوەدەستهێنانی چەکی ناوکی و فرەخوازی و ... هتد، ببنە خاوەنی وشەی کۆتایی لەهاوکێشە هەرێمی و جیهانیەکاندا. بەڵام موقاوەمەتی ئێران بەخستنەڕووی پڕۆژە ناوکییەکانی ئەم رژێمە ناڕەوایە، گەلانی جیهانیان ئاگادار کردەوە لەکارەساتێکی لەمجۆرە و ئەم ئاگادارکردنەوەیش. وای لە جیهان کرد کە دژ بەڕژێمی ئێران بوەستێتەوە

**ئەگەر موقاوەمەتی ئێران نەبوایە کە لەهەموو بوارەکانی خەباتدا بەرەنگاری ئەم رژێمە بێتەوە، ئەوە چ دەمایەوە لەئێران و خەڵکی ئێران و لەوەیش زیاتر، کۆمەڵگەی مرۆڤایەتی هاوچەرخ، لەچ دۆخێکی دڵتەزێندا دەمایەوە و چ (شێرپەنجە)یەکی کوشندەی لەهەناودا دەخزا !  ئایا کاتی ئەوە نەهاتووە کەدەوڵەتان بەئەرکی مرۆیی خۆیان هەستن و بەتۆڕدانی ئەم رژێمە لەکۆمەڵگای جیهانیدا
 

place for reklam
بابه‌تی په‌یوه‌ندیدار