.jpeg)
له شه‌ڕ و پێكدادانێكدا له حه‌له‌ب 10 كه‌س كوژران و ژماره‌یه‌كی دیكه‌ش برینداربوون
2 ساڵ لەمەوپێش
هاوڵاتی
روانگه‌ی سووری بۆ مافه‌كانی مرۆڤ، بڵاویكرده‌وه، له پارێزگای حه‌له‌ب شه‌ڕ و پێكدادان له نێوان سوپای سووریا و ده‌سته‌ی ئازادكردنی شام روویدا، بووه هۆی كوژرانی 10 كه‌س.
رۆژی هەینی، 24ـی ئاداری 2023، سەرچاوە خۆجێیەکانی سووریا بڵاویانکردەوە، لە ئەنجامی پێکدادانەکاندا، پێنج چەکداری دەستەی تەحریری شام و پێنج سەربازی سوپای سووریا کوژراون.
روانگه‌ی سووری بۆ مافه‌كانی مرۆڤ، له‌میانه‌ی راگه‌یه‌ندراوێكدا ئاماژه به‌وه ده‌كات، ده‌سته‌ی ئازادكردنی شام، له رۆژئاوای حه‌له‌ب، هێرشیكردووه‌ته سه‌ر میحوه‌ری فه‌وجی 46 سوپای سووریا، له‌ئه‌نجامدا، پێنج سه‌ربازی سووری و پێنج چه‌كداری ئازادكردنی شام كوژران.
روانگه ئاماژه‌ی به‌وه‌شكرد، له شه‌ڕو پێكدادانه‌كه ده‌سته‌ی ئازادكردنی رشام 10 چه‌كداری برینداربوو، هه‌روه‌ها شه‌ش سه‌ربازی سوپای سووریاش برینداربوون.
هه‌روه‌ها له كاردانه‌وه‌ی ئه‌و هێرشه‌دا، سوپای سووریا لادێكانی رۆژئاوای حه‌له‌بیان تۆپباران كرد، كه‌بووه هۆی برینداربوونی خه‌لكی سڤیل.
گرووپە چەکدارەکە کە لەلایەن ئەندامانی پێشووی قاعیدە لە سووریا سەرکردایەتی دەکرێت، بە هاوبەشی لەگەڵ گرووپە چەکدارەکانی دیکەی ئۆپۆزیسیۆن نزیکەی نیوەی پارێزگای ئیدلبیان لە باکووری رۆژئاوای سووریا و ناوچەکانی دیکەی هاوسنوور لەگەڵ پارێزگاکانی حەلەب، حەما و لازقییەیان بەدەستەوەیە.
.png)
