عبدولڕەحمان گەورکی

خەڵکی ئێران تەنیا یەک رێگایان لەبەردەمدایە. بەرەوپێشەوەچوون لەڕاپەڕین بۆ رووخاندنی دەسەڵاتی دیکتاتۆری. وەستان لەسەر ئەم رێگایە دەبێتەهۆی لەسەرکار مانەوەی ئەم دەسەڵاتەو هەر پاشەکشەکردنێکیش دەبێتەهۆی هاتنەپێشەوەی بەچەند هەنگاوێک! ئەمەیش وەک ئەو فۆرمولەی لەقوتابخانە سەرەتاییەکان فێری بووین. واتا «خشتەی کۆ یان لێدان(جەمع یان زەرب) « کە بەلامانەوە گومان هەڵناگرێت.

هەر لەسەر ئەم وانەیەشە خەڵکی ئێران هەنگاو بەرەو ئایندە هەڵدەگرن و لەسەرد، گەشبین و دڵخۆش و بەئومێدن و نەک هەر پاشگەز نین لەڕووخاندنی دەسەڵاتی پاشایەتی و بڕینی ئەو رێگا دوورو درێژەی رابردوو، بەڵکو شانازی بەدەستکەوت و قوربانییەکانیانەوە دەکەن. ئەوان بڕیاریان داوە توڕەیی خۆیان بەرامبەر بەدەسەڵاتی دیکتاتۆریی ئایینی زیادبکەن و ئێستایش بەدوای دەرفەتێکدا دەگەڕێن تا بۆ هەمیشە دەسەڵاتی دیکتاتۆری لەوڵاتەکەیاندا لەگۆڕ بنێن!

ئەم دەستکەوتە گرنگە، رێکە لەگەڵ نەخشەڕێگای موقاوەمەتی ئێران بۆ خەبات و تێکۆشان. موقاوەمەتی ئێران ستراتیژیی خۆی لەسەر رووخاندنی دەسەڵاتی دیکتاتۆری داڕشتووە کەشانەکانی شۆڕشی لەناوخۆێ ئێرانن و  بەدڵنیاییەوە بەرەو هەنگاونانی گەورەتر دەچێت!

هەربۆیە لەژێر رۆشنایی دەستکەوت و ئەزموونەکانی رابردوو، خەبات بۆ کۆتاییهێنان بەدەسەڵاتی دیکتاتۆری لەئێران، داواکردن لەدەسەڵاتی دیکتاتۆری ناڕەوایە. چوون بەواتای وەستان یان پاشەکشە دێت لەهەنگاوەکانی رابردوو. لەم روانگەیەوە هەندێ دروشم و داخوازی، ئەگەر لەسەرەتای راپەڕینەکەدا تەمومژاوی بوون، یان تەنانەت نەدەکرا خۆتی لێ بەدووربگریت، ئێستا لەگەڵ سەرخستنی راپەڕیندا ناگونجێت و کاڵ و ناکارامەن. کەواتە دەرئەنجامی ئەمجۆرە دروشم و داواکارییانە، درێژکردنەوەی تەمەنی دەسەڵات و دواخستنی رووخاندنی دیکتاتۆرییەتە.

شەڕهەڵایسان و شەڕەنگێزی!

شارەزایان و کارناسانی مێژووی ئێران باش دەزانن کە هاتنەسەر کاری دەسەڵاتی مەزهەبیی لەئێران، بەهەڵگیرسانی شەڕ لەدەرەوەی سنوورەکان و بەتایبەتی لەوڵاتانی دراوسێ یان رۆژهەڵاتی ناوەڕاست دەستپێکرد. بەدرێژایی مێژوو، ئەم دەسەڵاتە، مانەوەی خۆی بەستووەتەوە بەئاژاوەنانەوەو شەڕهەڵایسان لەدەرەوەی سنوورەکاندا! هەر بۆیە دەبینین کارنامەی ٤٤ ساڵەی ئەم رژێمە مەزهەبییە لێوانلێوە لەنانەوەی شەڕو ئاژاوە لەناوچەکەدا. وەک نموونە لەعێراق، سوریا، لوبنان، فەلەستین، یەمەن و...هتد.

کۆتاییەکانی حیسابێکی هەڵەی گرنگ و مێژوویی!

ئەگەر لەسەرەتای دەرکەوتنی دەسەڵاتی ئایینی لەئێران، خومەینی وەک وەلی فەقیهی ئەم رژێمە، بەڕێگەخۆشکردن بۆ هێرشکردنەسەر عێراق، داڕێژەرو دامەزرێنەری «نەخشەی رێگای مانەوە» بووەو توانیبووی بەکەڵک وەرگرتن لەهەستی ئایینی و نەتەوەیی، شەڕەکە هەڵگیرسێنێت و هەندێک کەسیش لەسەر مانگ بەدوای رووخساریدا دەگەڕان، بەڵام ئێستا، ئەم نەخشەی رێگایە، گەیشتووەتە کۆتایی و رووخسارێکی وا تەنانەت لەبنی بیریشدا وێنا ناکرێت!

لەم ماوەیەدا، خەڵکی ئێران، بەخەبات و بەرخۆدان و خوێن و ئازارەکانیان، سروشت و ئامانج و پلانەکانی رژێمی ئێرانیان ئاشکرا کردو کۆمەڵگەی نێودەوڵەتیشیان لەمەترسی مانەوەی ئەم رژێمە بەئاگا کردەوە. خەڵک و موقاوەمەتی ئێران لەبەرامبەر دەسەڵاتی دیکتاتۆریی ویلایەتی فەقیهیدا «نەخشەی رێگای راپەڕین بۆ رووخاندن»ی وێنا کردووە کە راپەڕینی ئەمدواییەیان، دوایین ئەڵقەی بووەو بەرەو ئەوە دەچن ئێران بۆ هەمیشە لەدیکتاتۆرییەت رزگاربکەن و ئەم خاکە ئازادو ئاوەدان بکەنەوە.

چارەنووسی سازان لەگەڵ دیکتاتۆرییەت لەئێران!

بەم حیسابکردنە هەڵە گەورەیەی وەلی فەقیهی، دەتوانین بڵێین کە(سازان لەگەڵ دیکتاتۆری لەئێران)یش گەیشتووەتە کۆتایی خۆی. چونکە گۆڕینی رژێم و رووخانی دەسەڵاتی مەزهەبی وەک «داواکاری سەرەکیی خەڵکی ئێران» لەبیروڕای گشتی جیهاندا تۆمار کراوەو سازشتکارانی رۆژئاوایی ناچارن کۆتایی ئەم ستراتیژییە کوشندەو مەترسیدارە قبووڵ بکەن.

بەڕێز مەسعوود رەجەوی، رێبەری شۆڕشی خەڵکی ئێران لەیەکەمی رۆژی مانگی گەڵاڕێزانی ئەمساڵ لەپەیامێکدا رایگەیاند: «سازان بەسە. ئێستا کاتی ئەوە هاتووە چەخماخەکە لێبدرێت. لەبارودۆخێکدا خامنەیی بەمەبەستی پەردەپۆشکردنی راپەڕینی خەڵکی ئێران و بەپێی نەریتی ئاسایی رژێم، قەیرانی هەناردەی دەرەوەی سنوورەکانی ئێران کردووەو بەئاشکرا لەناوچەکەدا ملهوڕی دەکات، ئەمریکاو ئەورووپا بەپێگوڕکێکردن و سزای کاڵ و قسەی زارەکی رێگە بەڕژێم دەدەن پێشڕەوی بکات.(سازان) و (بێ کردەیی)، بەدوای سزادانی مووشەکی و چەک و چۆڵی فاشیزمی ئایینی و رازیبوون بەتەنیا دەرکردنی بەیاننامە بەسە! ئێستا کاتی لێدانی چەخماخەکەو گەڕانەوە بۆ شەش بڕیارنامەکەی ئەنجومەنی ئاسایشە. پێویستە یەکێتی ئەوروپاو بەریتانیا دەستبەجێ سوپای پاسدارانی خامنەیی بخەنە لیستی رەشەوە. دانی (کات) و(دەرفەت) بەدەسەڵاتی دیکتاتۆریی شەڕهەڵایسێنەری تیرۆریستیی لەسەر حیسابی داراییەکانی خەڵک و موقاوەمەتی ئێران، تێچوویەکی زۆر بۆ ناوچەکەو ئاشتی لەجیهان هەڵدەگرێت».

بەڕێز رەجەوی هەروەها وتی: بەداگیرکردنی عێراق بەبیانووی هەبوونی چەکی کۆمەڵکوژو چەکداماڵینی ئەڕتەشی ئازادیبەخشی نیشتمانیی ئێران، هاوسەنگیی ناوچەکەتان لەبەرژەوەندی فاشیزمی ئایینی و ئاخوندانی ئەتۆمی تێکداوە و لانیکەم دوو دەیەتان خستەسەر ژیانی رژێمی ویلایەتی فەقیهی. بەڵام رۆڵە بەجەرگەکانی ئێران بەچنگ و نینۆک و ددان، جومگە بەجومگەی رژێمی فریوکارو دژەمرۆیی خومەینی و خامنەیی لەناودەبەن».

راستییەکە چییە؟

حیساباتی هەڵەی سازشتکارانی رۆژئاوایی، لەبێدەنگبوون و بێکردارییانداو لەئەنجامدا، چاوپۆشیکردنیان لەئاسەوارو ئاکامە زیانبەخشەکانی مانەوەی ئەم دیکتاتۆرییەتە، تەواوکەری حیساباتی هەڵەی وەلی فەقیهی دەسەڵاتداری ئێرانە کەئێستا نەک هەر ناوچەکە، بەڵکو بووەتە هەڕەشە بۆ سەر کۆمەڵگەی نێودەوڵەتی و زیاتر لەجاران، ئاسایش و سەقامگیری لەناوچەی رۆژهەڵاتی ناوەڕاستی خستووەتە مەترسییەوە.

ئەم رژێمە بەشێوەیەکی راستەوخۆ یان ناڕاستەوخۆ و بەو پارە با هێناوانەی کە لەسەر دەستی سازشکارانی رۆژئاواییەوە گیرفانی پڕ کردووە، نەک هەر سەرکوت و کوشتاری لەناوخۆی ئێراندا بەدامەزراوەیی و فراوانتر کردووە، بەڵکو لەقۆناغی کۆتایی مانەوەیدا، دەیەوێت (نەخشەڕێگای مانەوە)ی خۆی بەشەڕهەڵایسان و شەڕئەنگێزی و هەناردەکردنی قەیرانەکان بۆ دەرەوەی سنوورەکان پەرەپێبدات و بەڕێگەی تاقمە هاوتەریبەکانیەوە جێبەجێی بکات.

موقاوەمەتی ئێران هەر لەیەکەم رۆژەوە رایگەیاند کەئەم رژێمە هەرگیز لەبەرهەمهێنانی چەکی ئەتۆمی و دەستوەردان لەوڵاتان و هەناردەکردنی کۆنەپەرستی و تیرۆریزم دەستهەڵناگرێت. چونکە وەلی فەقیهی دەسەڵاتدار لەئێران زۆر باش دەزانێت کەگەر ئەم هەنگاوە هەڵنەگرێت، راپەڕینی گەل لەناوخۆی ئێران دەچێتە قۆناغی کۆتاییەوەو خەڵک ئەوەی دەیەوێت بەدەستیدەهێنێت. لەکارنامەی ئەم رژێمەدا تۆمار کراوە کە لەسەرەتاوە، ئێستایشی لەگەڵدا بێت، شەڕو شەڕخوازی لەلایەن دیکتاتۆری ئایینیەوە، هەمیشە رووکەشێک بووە بۆ سەرکوتکردنی ئازادی و سنووردارکردنی راپەڕینە جەماوەرییەکان لەدژی دەسەڵاتی دیکتاتۆری لەئێران.

دوا وشە!

دەسەڵاتی دیکتاتۆری لەئێران هیچ پەیوەندییەکی بەکۆمەڵگەی نێودەوڵەتییەوە نییەو گرنگترین داواکاری خەڵک و موقاوەمەتی ئێران لەکۆمەڵگەی نێودەوڵەتیش هەمیشە ئەوە بووە کەواز لەپشتیوانیکردنی ئەم دەسەڵاتە بهێنرێت و هاوکاریی ئەم رژێمە دیکتاتۆرە نەکرێت. بۆ ئەوەی خەڵک و موقاوەمەتی ئێران حیساباتی خۆیان لەگەڵ ئەم رژێمە ناشەرعیە یەکلایی بکەنەوە. چونکە رووخاندنی ئەم دەسەڵاتە تەنها لەسەر دەستی گەل و موقاوەمەتی ئێرانەوە مەیسەر دەبێت و بەس!

رووخاندنی دەسەڵاتی دیکتاتۆرییەتی ویلایەتی فەقیهی، دوای رووخاندنی دیکتاتۆرییەتی پاشایەتی، خواست و داواکارییەکی رەواو بێ مشتومڕی خەڵک و موقاوەمەتی ئێرانەو هەرگیز دەستهەڵگری ئەم داواکارییە نابن!