▪️ئەو گۆرانکاریانە چی بوون کەوای کرد ڕژێمی بەشار ئەسەد وا بەسانایی بکەوێت؟

▪️بۆچی ڕووسیا و ئێران بەرگریان لە ڕژێمەکەی ئەسەد نەکرد؟

▪️بۆ ئەمریکا و ئیسرائیل ڕاستەخۆ بەشداریان نەکرد ؟

▪️ئایا ڕۆڵی ئیسرائیل لە و سەفقەیەی سوریا چی بوو؟

دڵشاد مەجید

پێش ئەوەی وەڵامی ئەو پرسیارانە بدەینەوە پێویستە هەندێک فاکت و ئەرگومێنت بخەینە ڕوو، بۆ ئەوەی باش لەگۆڕانکاریەکانی سوریا بگەین.

ڕۆژی ١٢/٧ ی ساڵی پار لە (دەوحەی پایتەختی قەتەر)، کۆبوونەوەیەکی سێ قۆڵی لەنێوان (ئێران و تورکیاو رووسیا)، بۆ کۆتایهێنان بەشەڕی ناوخۆ لەسوریا سازدرا.

کە ڕۆژێک پێشتر لە  (١٢/٦ )هێزەکانی دەستەی تەحریری شام، شاری (حەمایان ) کۆنترۆڵ کردبوو.

بەمانایەکی تر ئەم کۆبوونەوەیە…

▪️بۆ کۆتایی هێنان بەبەشار ئەسەد بوو،

▪️هەروەها پشت تێکردنی ئێران و رووسیا بوو لەڕژێمەکەی ئەسەد.

▪️دیمەشق نەگیرێ و هێزەکانی دەستەی تەحریری شام لە شاری حمص بوەستن.

▪️گفتوگۆ لەگەل ئەسەد بکرێ کە ، دانووسان بکات و گۆڕانکاری بکرێ  و بەبێ خۆێن ڕشتن  دەسەڵات جێ بهێلێ.

▪️هەروەها  قەرەبووکردنەوەی زیانە مادیەکانی ئێران، کە بۆ  یارمەتیدانی مادی و ئابووری سووریا سەرفی کردبوو، کە بڕەکەی لەنێوان ( ٣٠ بۆ ٥٠) ملیار دۆلار دەبێت.

▪️بەڵام بەمەرجی پەلامار نەدانی بنکە سەربازیەکانی رووس.

▪️هەروەها ڕێگاش بدرێ بە دەرچوونی هێزە سەربازی و پسپۆرەکانی ئێران  لەسوریا و  دەرچوونی هێزەکانی حزب اللە لە شاری (حمص).

لەپەراوێزی ئەو کۆبوونەیەدا بۆمان روون دەبێتەوە کە ئێران ئامادە نەبووە بەرگری لە ڕژێمی سوریا بکات.

پرسیار ئەوەیە بۆ ئێران  دەست بەرداری ئەسەد بوو؟

ئێران ماوەی سێ ساڵ بوو لەبەرەی ( جۆلان) کاری دەکرد، هێزێکی زۆر و مۆشەک و جبەخانەیەکی زۆری لەو بەرەیە دامەزراندبوو، بۆئەوەی هەر کاتێ گوشار لەسەر بەرەی  باشووری لوبنان  و حزب اللە زیاد ببێ، ئەم بەرەیە بەڕووی ئیسرائیل بکاتەوە، کاتێ  لە لوبنان کار گەیشتە ئەوە (حەسەن نصراللە) دەکوژرێ، ئێران  بۆ کەمکردنەوەی گوشار لەسەر حزب اللە وویستی بەرەی جۆلان بەڕووی ئیسرائیل بکاتەوە .بەڵام (ئەسەد و رووسەکان) ڕێگایان لەئێران گرت .

لێرەوە  کاتێ ململانێکانی

لوبنان بەبەرژەوەندی  ئیسرائیل تەواو دەبێ، ئێران بێ ئومێد دەبێت لە (ئەسەد و سوریا)،  چونکە مەبەستی ئێران لە مانەوەی ئەسەد، تەنیا بۆ یارمەتیدانی لۆجستی حزب اللە  بوو.

ڕووسیا و ئیسرائیل

کاتێ ئێران ئەو ڕێگرییەی  لەلایەن ئەسەدەوە لێ دەکرێ، لێرەوە ڕووسەکان بە بەهانەی  ئەوەی کە لەگەڵ بڕیاری سوریان،  ڕووسەکان لەپشت ئێرانیەکان و ئەسەد ( سەفقەیەک) لەگەل ئیسرائیل  ئەنجام دەدەن.   بەڵام بەئاگاداری رووسەکان ، ئیسرائیل لەگەل ئەمریکاو بەریتانیاو تورکیا لەسەرخەت دەبێت بۆ  چۆنیەتی جوڵاندنی هێزەکان

بەڵام ئەم سەفقەیەی ڕووسیا  لەپشتەوەی ئێران ئەنجام دەدرێ. بۆیە لەوێنە گەورەکە وادەردەکەوێ کە زەرەرمەندی گەورە لەسوریا تەنیا  ئێران بێت!!.

————————-

لەنووسینی داهاتوو باسی ئەو سەفقەیەی رووسیاو ئیسرائیل لەلایەک و ئیسرائیل  لەگەل هەریەکە لە بەریتانیاو و تورکیا و ئەمریکا لەلایەکی تر  دەکەین.

لەکۆتایدا داوای لێبووردن لە تەواوی هاوڕێیان دەکەم کە ماوەیەکە  بە هۆی خراپی باری تەندروستی لە نووسین دابڕابووم. بەڵام هەوڵ دەدەم دووبارە  بەردەوام  بم لەنووسین. چونکە هاوڕێیانێکی زۆر  هەواڵی  هۆکاری بێ دەنگ بوونم دەپرسن.