جووتیار ڕەشید

بەدبەخترین گەلانی دونیا ئەو گەلانەن، بڕیاربەدەستەکانیان لە بێ مۆراڵیرین و هیچ و پوچترینەکانن.

لە هەموو تورکیا کە ژمارەی دانیشتوانی نزیکەی نەوەد ملیۆن دەبێ،حیزبی دەسەڵاتدار لە سەدان هەزار کادیری پەروەردەکراوی دەیان ساڵەی، هاکان فیدانی وەک جێگرەوەی ئەردۆگانی سەرۆک و سەرۆکی پارت ئامادەکردوە!

دەبێ گەلانی تورکیا چ غەزەبێکی ئاسمانیان بەسەردا باریبێ؟

دەبێ چ تاوانێکی لە لێخۆشبون نەهاتویان کردبێ،هەتا بەر ئەو غەزەبە کەوتبن؟!

سزاکەیان ئەوەبێ هاکان فیدان بڕیار دەر و بڕیار دروستکەریان بێ!

سەرنج بدەن، هاکان فیدانی زۆڵە کورد،سەڕی زمان و بنی زمانی هەڕەشەیە لە کوردانی ڕۆژئاوای کوردستان.

لەدوای ڕوخانی ئەسەدیشەوە شەو و ڕۆژ دەوری احمد شرع چۆڵ ناکەن ،نەوەک ڕێککەوتنێک لەگەڵ کورد مۆر بکا!

بەڵام کاتێ ئیسرائیل وەک مشک دەیانکاتە کونەوە،بێ شەرمانە لە دەزگا ڕاگەیاندنە جیهانیەکانەوە دەڵێ:

-تورکیا نایەوێ شەڕی ئیسرائیل بکات لە سوریا.

-ئەگەر احمد شرعیش دەیەوێ لەگەڵ ئیسرائیل هەر ڕێککەوتنێک بکا،ئەوە پەیوەندی بەخۆیانەوە هەیە.

شرع هاندەدا پەیوەندی لەگەڵ ئیسرائیل ببەستێ،دەیکاتە کۆچی قوربانی پارێزگاری لە تورکیا؟!

بەڵام هەر ئەو شەرعە بۆی نیە بەبێ ئاگاداری تورکیا هیچ ڕێککەوتنێک لەگەڵ کورد بکا!

لەدیدی موفتی هاکانەوە!

شەرع بەکۆڵێک ڕیشەوە بۆی هەیە هەر ڕێککەوتنێکی بوێ لەگەڵ ئیسرائیل ئەنجامی بدا و حەڵاڵە، هیچ زەرەدێکی بۆ دین و دونیا نیە! بەڵام بۆی نیە هیچ ڕێککەوتنێک لەگەڵ کوردی زۆرینە مسوڵمانی سوننە مەزهەب بکا و حەرامە؟!