هونەر تۆفیق

لە تێگەیشتنی مخابەراتی کوردی ، بەتایبەتی هۆبە ئیسرائیلی و ئەمریکیەکانیدا ، ئەوەی حەزی بە بردنەوەی ئایدیۆلۆجیای زایۆنیەکان نەکرد یان داعشە یان ئیتلاعات .

قەدەری جیوگرافیای هەندێک نەتەوە بە وڵاتی خنکاو یان زەوی داخراو ناسراوە چونکە دەرچەی دەریایی نیە ، وەک وڵاتی کوردان .

هەرکات کورد بووە دەوڵەت ، بۆئەوەی ئاسمان و خاکەکەی بگات بە جیهانی دەرەوە ، پێویستی  بە هاوپەیمانی یەکێک لەو سێ نەتەوەیەی هاوسێ ی هەیە کە تورک و عەرەب و فارسن .

جگە لە جیاوازی فەرهەنگ و نەژاد ، تا ئێستا لەدیدی تورکیاوە ئەگەر لە ناوەڕاستی ئەفریقیاشدا چادرێک هەڵبدرێت و ناوی دەوڵەتی کوردی بێت وەک سلێمان دەمرێل دەیگوت ، ئەوان دژی دەوەستنەوە . کەواتە پرسی هاوپەیمانی بەستن لەگەڵ تورکیادا  پرۆسەیەکە بە دەیان ساڵ ئەو دیدە تورکیە ناگۆڕێت . 
هاوسێ ی دووەمیان عەرەبەکانە لە عێراق یان سوریاوە . 

پێگەی جیوگرافی سوریا شیاوترینە بۆ گەشتن بەدەریا ، لە عێراقیشەوە نزیک دەبینەوە لە کەنداو . هەردوو وڵات و گەلی عەرەبی بەراوورد بە تێگەیشتنە تورکیەکە ، دەتوانن بەمەرجی کەمتر لە تورکیا هاوپەیمانیەتی ببەستین . 

سێهەم دەروازە و هاوپەیمانی بۆ کورد ئێرانە ، جا ئێرانی قاجاری بێت یان پەهلەوی یان کۆماری ئیسلامی ، یان تودەیی ، هەرکامیان بێت ، کورد بە نەژاد و بە مێژوو و بە فەرهەنگ خزمایەتی بە ئێرانەوەیە . پەسەندکردنی مەرجی کردنەوەی کورد لەتورکیاوە بێت یا سوریاوعێراقەوە ،  قورسترە لە کردنەوەی ئێرانەوە .. 

لەگەڵ تۆمە ، تێبگە ،( دائیرە فڵانیەکە) ئەمە تێروانینە ، ئیتڵاعات بوون نیە . لەحاڵێکدا  تێڕوانین و بۆچوون ترسناکە بەلاتانەوە، کەچی  مۆسادبوونتان پێ شایەنی ڕێز و گەورەییە . بەداخەوە.