هەنار مەستى

لەکاتێکا خاوەن پرسە کۆستی کەوتوە دەبێت پارەیەکی زۆر بدات بە قورئان خوێن و خەتم و مەولوود و بە خشینەوەی پاقلاوەو حەلوای پر لە گوێزو ئەرکی خاوەن مردوو قورستر دەکەن

ژیانی مرۆڤ بەردەوام بە کارەسات و نەهامەتی دەستی پێ کردوە کۆتاییەکەی بە جەرگ سووتان و هەتیوو بوون ومردنی ئازیزان و خۆشەویستان بووە دیارە مردن بۆ هەموانە یاساو عەدالەت تەنها لە مردن یەکسانە .

کورد وتەنی هەرکەس رۆژی تەواو بوو ئەبیت بمرێ بێ گوێ دان بەتەمەن و دەولەمەندو فەقیر لەهەر ئاستێک بیت بێ جیاوازی . یەکێک لەو دیاردە بەربڵاو ناشیرنانەی رۆژگاری ئەمرۆمان دیاردەیی پرسەیە . لەکاتێکا خاوەن پرسە کۆستی کەوتوەو کەسێکی خۆشەویست و ئازیزی لەدەست داوە دڵ پر خەم و ئازارە باری ئابووری نالەبارو کەم دەست و کەم دەرامەتە ئەبیت بکەوێتە بەر تەنگیژەی مەراسیمی پرسەکە دابین کردنی خێمەو کورسی و تەپلەک و ژەمەخواردنەکان و دابین کردنی دەیان کارتۆن ئاوو چاو گرتنی دووسێ مەلا بە پارەیەکی زۆر بۆ قورئان خوێندن ئینجا خەتم و مەولوود و سێ رۆژەی مردوەکە بە خشینەوەی برمەو پاقلاوەو حەلوای پر لە گووێزو ساردی و میوە  لە هەمووشی ناخۆشتر ژنانی بەشدار بووی پرسەکە بەجڵی باق  وبریق میکیاژ و قژ چینج کەلەر و عەدەسەو برژانگ و قۆل و باسک پر لەبازین دەستە دەستە دائەنیشین ئەکەونە قسەو زەم و زەم کاری وباس باسی مۆدیلاتی ماڵ و خانوو سەیارەو جڵ و سەفەروو خۆهەلکێشانین.