نێچیرڤان بارزانی، سەرۆکی هەرێمی کوردستان بەبۆنەی کۆچی دوایی بابەشێخ، رێبەری رۆحیی کوردانی ئێزدی سەرەخۆشی لە کەسوکاری و کوردانی ئێزدی دەکات. دەڵێت، هەموو ژیانی خۆی بۆ خزمەتی کوردانی ئێزدی تەرخانکردووەو شوێندەستی کارو خزمەتی ھەردەم دەمێنێت.

بابەشێخ کەسایەتیی ناسراوی کوردانی ئێزدی و رابەری رۆحیی ئێزدییەکان، لە تەمەنی 87 ساڵیدا بە نەخۆشی کۆچی دواییکرد، دوای ئەوەی چەند رۆژێک خرایە ژێر چاودێریی پزیشکیەوە.

دەقی پەیامی نێچیرڤان بارزانی:

ژبۆ وه‌غه‌را خودێ ژێ ڕازى شێخ خرتۆ حه‌جى ئيسماعيل، بابێ شێخ يێ ئێزدييان، به‌هيدارى و سه‌رساخيێ ل مالبات و كه‌سوكارێن وى و هه‌مى خوشك و برايێن ئێزدى دكه‌م و هه‌ڤپارێن خه‌ما وانين، ژ خودايێ مه‌زن هيڤيخوازين جانێ وى ب دلۆڤانيا خۆ شا بكه‌ت و سه‌بر و هه‌دارێ بده‌ته‌ هه‌موويان.

بابێ شێخ وه‌ك ڕێبه‌ر و مه‌زنێ ئۆلى يێ ئێزدييان ژيانا خۆ ژبۆ خزمه‌تا ئێزديياتيێ و سالێن دوور و درێژێن ژيێ خۆ د كاروبارێن ئۆلى و جڤاكى يێن ئێزديياندا ده‌رباز كرن، ڕۆلا وى يا به‌رچاڤ ژبۆ پێكڤه‌ژيان و هه‌ڤقه‌بوولكرنێ ژى دياره‌ و شوونده‌ستێ كار و خزمه‌تێن وى، هه‌ر دێ مينيت.

وه‌غه‌را وى يا خێرێ و جانێ وى شاد.

نێچيرڤان بارزانى

سه‌رۆكێ هه‌رێما كوردستانێ