هاوڵاتی
سكرتێری گشتی نەتەوەیەكگرتووەكان ئاشكرای دەكات شەپۆلێكی برسێتی زۆربەی ناوچەكانی جیهان دەگرێتەوە و پشێوی كۆمەڵایەتی و ئابووری دروست دەبێت.

ئەنتۆنیۆگۆتێریس، سكرتێری گشتی نەتەوەیەكگرتووەكان رایگەیاند:" جەنگی ئۆكرانیا كاریگەری بۆ سەر ملیارێك و 600 ملیۆن كەس دروستكردووە".

گۆتێریس لەمیانی پێشكەشكردنی راپۆرتی دووەمی كاریگەرییەكانی جەنگی ئۆكرانیا راشیگەیاند، لێكەوتەكانی جەنگی ئۆكرانیا خێراتر دەردەكەون، مەترسیدارن.

هاوكات سكرتێری گشتی نەتەوەیەكگرتووەكان ئەوەشی دووپاتكردەوە كە جەنگ هەڕەشە لەگشت خەڵكی جیهان دەكات، راشیگەیاند:" بەهۆی كاریگەرییەكانی جەنگی ئۆكرانیا شەپۆلێكی برسییەتی، بێ پەناگەیی زۆربەی ناوچەكانی جیهان دەگرێتەوە، بەهۆیەوە پشێوی كۆمەڵایەتی و ئابووری دروست دەبێت.

جەنگی ئۆكرانیا لە 24 شوبات 2022وە دەستیپێكردووە و كاریگەری بۆ سەر بازاڕەكان و ئابووری جیهان دروستكرد.