ئارام رەفعەت

لە مێژووی شەش سەد ساڵەیان لە ناوچەکەدا، واتە دوای هاتنییان بۆ رۆژهەڵاتی ناوەڕاست، تورکەکان دوو خزمەتی هەرە گەرەیان پێشکەشی مرۆڤایەتی کردووە.

دوو خزمەت کە هیچ نەیەوەیەکی تر نەیانتوانیوە و ناتوانن پێشکەشی مرۆڤایەتی بکەن.

تەنها دوو خزمەت و سێیەمی نییە.

خزمەتی یەکەم سوڵتانەکانی عوسمانی کردییان.

هەر یەکێکییان کە دەبووە سوڵتان، هەڵدەستا بە قڕکردنی هەرچی برا و برازای هەیە و هەر هەموویانی سەر دەبڕین.

٣٦ سوڵتان، ٣٦ قەتڵوعامی برا و برازا و نەوەکانییان، وە ٣٦ جار بنبڕکردنی پیسترین تۆوی مرۆڤایەتی.

چ کردەیەک هێندەی کوشتنی بەچکە سوڵتان خزمەتە بە مرۆڤایەتی...!

بێننە پێشچاو،

چ خزمەتێکی مەزنە ئەو ٣٦ سوڵتانە کردییان…!

خزمەتی دووەم کەمالیستەکان کردییان

ئەم خزمەتە مەزنەی تورکەکان بە مرۆڤایەتی کوشتنی ئەو کوردانە بوو کە لەدوای جەنگی جیهانی یەکەم خیانەتییان دژی نەتەوەکەیان کرد و لە پێناو تورکەکاندا خەونی سەربەخۆیی کوردیان لەبار برد.

ئەمانە یەک حەسەن خەیری و دوان و سیان نەبوون.

لەشکرێک بوون لە سەرۆک خێڵ و تەریقەتەکان.

ئەوانە مەزبەتە دوای مەزبەتە بۆ کۆنگرەی ئاشتی پاریس و کۆبونەوەکانی لۆزانییان دەنارد و دەیانگووت ئێمە دەوڵەتی سەربەخۆییمان ناوێت و دەمانەوێت لەگەڵ تورکەکان بژین.

ئەمانە ئەو خەونەی کوردیان بۆ سەربەخۆیی لەبار برد کە لە ١٤ خاڵەکەی وردرۆ و وڵسن و رێککەوتننامەی سیڤەردا بەرجەستە بوون.

دوای ئەوەی کەمالیستەکان ئیشیان بەو خائینانە نەما، یەک بەیەکی ئەو خیانەتکارانەیان لە سێدارە دا.

چ کردەیەک هێندەی کوشتنی خیانەتکار خزمەتە بە مرۆڤایەتی...!

بەتایبەتی خائنگەلێک کە دژی مافەکانی نەتەوەیکی ژێردەستە و بەدبەختی وەک کورد بێت.

بەڵێ تورکەکان دوو خزمەتی مەزنییان بە مرۆڤایەتی کردووە کە بە هیچ نەتەوەیەکی تر نەدەکرا.

تەنها دوو خزمەت بە مرۆڤایەتی و سێیەمی نییە.