بنکەی سەربازی ئەلزومەیری سوریا، گرنگی پێگە و باڵا دەستی ئەمەریکا لە سوریا نیشاندەدات!

خەبات کوردە

بۆ ئەوەی هیچی تر لە دوای لێدان و خاپور کردنی هێزەکانی تورکیا لە بنکەی سەربازی تەدمر ی سوریا لە لایەن فڕۆکەکانی ئیسڕائیلەوە دووبارە نەبێتەوە و پێکدادان لە نێوانیان ڕوونەدات ، لە ژێر هەڕەشەیەکی گەورەی ئەمەریکا لە بنکەی ئینجەرلیکی ئەمەریکیەکان لە تورکیا ، هەر دوو لایەنی سوپای تورک و نوێنەری کوردانی ڕۆژئاڤا کەوتنە گفتوگۆ و ڕێککەوتن و بڕیار درا تورکیا دوا سەربازی خۆی لە ناو خاکی سوریا بکشێنێتەوە، بەمەش هەموو جاشەکانی عەمشات و هەمزات و سوڵتان موراد دوچاری هەڵوەشاندنەوە بوونەتەوە لە ئێستادا .

ئەمەریکا بۆ ئەوەی باڵا دەستی خۆی بەسەر دیمەشقیشدا بسەپێنێ بڕیاریدا پێگەی سەربازی  ( الضمیر ) کە تەنها ٣٥ کم دوورە لە دیمەشق پڕ بکا لەو سەربازە سوریانەی کە چەندین ساڵە لەبنکەی سەربازی تەنەف پەروەردە و ڕاهێنانیان پێدەکات ، هاوکات هێزێکی زۆری هەسەدەشیان لە گەڵە .!

ئەو جوڵەیەی ئەمەریکا بۆ ئەوەیە کە بەیەکجاری هێزەکانی دیمەشق کۆنتڕۆڵ بکات و ڕێگە نەدات هیچی تر بێ ئەمەریکا هیچ بڕیارێ بدەن ، سەرباقی ئەوەش دوور نیە لە داهاتویەکی نزیکدا کۆنتڕۆڵی تەواوی ئاسمانی سوریا لەو پێگەیەوە دەست بەکاربن.!

گرنگی ئەو ڕێککەوتنەی ئەنجەرلیک لەوەدایە کە هەر یەکە لەو شارانەی تورکیا لە دوای ٢٠١٨ ەوە لە سوریا داگیری کردون  ( گرێ سپی ، سەرێکانی ، ئەعزاز ، باب ، مەنبج ، عەفرین ، ئەدلیب )  دەکەونە ژێر دەسەڵاتی هێزە ئاسایشەکانی ڕۆژئاڤا و دوور نیە لە داهاتویەکی نزیکدا ئاسایشی شارە عەلەوی نشینەکانی سەر دەریاش ڕادەستی ئەو هێزە ئاسایشەی کوردان نەکرێ .!

بەو شێوەیە دەردەکەوێ کە ئەمەریکا زۆر زەحمەتە لە ئێستا و لە داهاتووش سوریا بەجێ بهێڵێ و ڕێگە بدات جارێکی تر هیچ گروپێکی توندڕەوی ئاینی لە ناوچەکە باڵا دەست بن!

بە هیوای ئاسودەیی و ئارامی بۆ کوردانی ڕۆژئاڤا لە داهاتودا .!