🔺سەردانەکانی مەزلوم عەبدی بۆ لای بارزانی و جۆلانی تەنیا بۆ سارکردنەوەی تورکەکان بوو.

🔺قۆناغی دوای یەکلایکردنەوەی نیوان ئەمریکاو ئێران، قۆناغی ئاسایکردنەوەی پەیوەندیەکانی عەرەبە لەگەل  ئیسرائیل.

دڵشاد مەجید

ئێمە لە نووسینی رابردوو باسی هۆکارەکانی مانەوەو گەورەبوون و خۆڕاگری  ڕۆژئاڤاو قەسەدمان کرد.

لێرەوەش هەوڵدەدەین  باسی ئامادەکردنی ڕۆژئاڤا دەکەین بۆ  دواڕۆژی ئەو ئیدارەیە  لەسوریای داهاتوو.

🔷لە پێشتر  و لەسەتارەی دەستپێکردنی  گۆڕانکاریەکانی سووریا، ئیدارەی خۆسەری لەڕۆژئاڤا ،  کەوتە ژێر گوشارێکی زۆری تورکیا.

▪️تورکیا، سەرقالی بوونی  ئیدارەی( بایدنی - ئەمریکای) بەشەری ڕووس و ئۆکرانیاو شەڕی غەزەو، دۆڕاندنی لە هەڵبژاردەکانی ئەمریکا، بەفرەسەت دەزانی، بۆیە بەجدی  کەوتە هەرەشەی لەباربردنی  ئیدارەی ڕۆژئاڤا .

▪️هەرچەندە ترەمپ سەرکەوتنی بەدەستهێنابوو، بەڵام هێشتا ئیدارەی وەرنەگرتبوو سەرقاڵی پێکهێنانی ئیدارە بوون و نەیاندەتوانی، هیچ بڕیارێک یا کارێک سەبارەت بە ڕۆژئاڤا بدەن.

▪️ترمپیش ئاڵۆزی سوریای بەتەڵەیەکی (بایدن) دەزانی، بۆ ئەوەی فەشەڵ بەئیدارەکەی بهێنێ.

▪️لەوکاتانە ڕاوێژکارو دەستەکەی ترەمپ، کاریان لەسەر مەلەفە جۆراو جۆرەکان وەک، (عێراق و ئێران و کورد لە هەرێم و سوریا )دەکرد.

▪️گرووپەکەی ترەمپ  بۆ ئاشنا بوون بەبارودۆخی هەرێم، لەگەڵ لەسەرۆکی  یەکێک لە هێزە  سیاسیەکانی هەرێم،   لەئەمریکا کۆدەبنەوە ( بۆیە ناوی نابەم چونکە رووخسەتم لێوەرنەگرتووە). لەو کۆبوونەوەیە بەڕاشکاوی پێیان ووتبوو، ئێمە تا ئیدارە نەگرینە دەست ناتوانین هیچ بۆ کوردانی ڕۆژئاڤا بکەین و ناتوانین بەر لەهێرشی تورکەکان بگرین. ئەم گفتۆگەیەش لەسەر ڕۆژئاڤا دێتە باس، کاتێ ( مەزلوم عەبدی) بەتەلەفۆن داوا لەو سەرۆکی هیزە سیاسیەی هەرێم  دەکات، کە ئەمریکیەکان بێنێتە سەرخەت.

🔷 هۆکاری دانیشتنەکانی مەزلوم عەبدی لەگەل (بارزانی و جۆلانی)!!

▪️ئەمریکیەکان بۆ کوشتنی کات و دواخستنی هێرشی تورکیا. کۆبوونەوەیەکیان لەنێوان ( مەزلوم عەبدی و مسعود بارزانی) ڕێکخست. وادیارە دوای ڕەزامەندی تورکەکان ، تورکەکانیش لەڕێگای مەسعود بارزانی داواکاریەکانیان خستە بەردەم ( مەزلوم عەبدی) ، ئەویش بەناوی تاوتۆکردنی ئەو داواکاریانە داوای مۆڵەت لەبارزانی دەکات.لەڕاستیدا ئەم کۆبوونەوەیە تەنیا بۆ بەدەستخستنی کات بوو، بۆیە ئەو کۆبوونەوەیە  هەر بەمردووی لەدایک بوو ، هیچی لێ بەئەنجام نەگەیشت.

▪️ دوای ڕەش بکوژی عەلەوەیەکان ، دەسەڵاتی ( شەرع) شلەزانێکی گەورەی بەخۆە بینی، گۆشارێکی زۆری دەرەکی  هاتەسەر. لەوکاتەشدا، ئەوروپا لەسەروبەندی ناردنی یارمەتی و هەڵگرتنی بەشێک لەئابلۆقە ئابووریەکانی سەر سووریا بوو.

▪️لێرە دیسانەوە ئەمریکیەکان ( مەزلوم عەبدی) سواری فرۆکە دەکەن و ڕێکەوتنێکی لەگەڵ شەرع پێ ئیمزا دەکەن.

ئەم ڕێکەوتنەش هیچی لێ دەرنەکەوت،  ماوەی ساڵکیان بۆ جێ بەجێکردنەی دانا. بەدەلیلی ئەوەی حکومەت لەدیمەشق دامەزرا ،  ڕۆژئاوا و کورد نەکرانە بەشێک لەو حکومەتە.

دیسانەوە دەتوانین بڵێین ئەم ڕێکەوتنە بەشێک بووە لەو پلانەی بۆئەوەی (شەرع ) بەردەوام بێ لە حوکمی سوریا. رووخساری لەبەرامبەر کۆمەڵگای دەولی جوان بکەنەوە.

🔷لێرە پرسیارێک، دێتە پێش، باشە مانەوەی شەرع لەبەرژەوەندی کێیە؟

ئەمریکا لەبەرژەوەندی کێ ئەم کارە دەکات؟

▪️بەڕای من  ئەم کارە ئەوەندەی لەبەرژەوەندی  ئیسرائیل و ڕۆژئاڤایە، ئەوەندە لەبەرژەوەندی تورکیا نیە؟

چونکە تورکەکان تاسەفەری ( هاکان فیدان)  بۆ ئەمریکا لە (٢٥ی مانگی ڕابردوو )،بەردەوام بوون لەسەر هێرش بردن بۆ سەر ڕۆژئاڤا.

▪️ دەستکەوتی هەرە گرنگی ڕۆژئاڤا لەو  ڕێکەوتنە وەرگرتنی شەرعیەتی دەسەڵاتی ( هەسەدە-قەسەد) بوو لە  دیمەشق، ئەمەش گورزێک بوو  لەتورکیا درا ، کەچیتر تورکیا  سیفەتی تیرۆیست بەبەر قەسەدە دانەکات و داوای هەڵوەشاندنەوەی قەسەد نەکات

🔷پرسیارێکی تر بۆ ئەم هەنگاوەی ئەمریکا ، لەم ڕێکەوتنەی قەسەد و جۆلانی لە بەرژەوەندی ئیسرائیلە؟

▪️ ئیسرائیل   بەهاوکاری ئەمریکا و بەبێ دەنگی  رووسیا .

▪️مانەوەی ( ئەحمەد شەرعێکی) لاواز و پڕ کێشە و تەنیا، بەبێ هیچ لەو هێزانەی تری ناو سووریا ( لەکوردو عەلەوی دروزو کریستیان و هێزە قەومی و عەلمانیەکانی سووریا) دەتوانێ  گرەنتی مانەوەی دەسەڵاتی تاکڕەوانەی مسۆگەر بکات،.

▪️بەمەرجی هەڵگرتنی سەرجەم ئابۆقەکە ئابووریەکانی سەر سووریا. ( ئەگەر هەنگاو بهاوێژێت بۆ  ئاسایی کردنەوەی پەیوەندیەکانی لەگەل ئیسرائیل ).

🔷ئێمە لە نووسینەکانی پێشووتر ئەو گریمانەمان خستە ڕوو کە ئەحمەد شەرع لەماوەی ساڵێک ئەگەری کۆشتن و لەناوبردنی لەئارایە.

▪️ئێمە ئەو بووچوونە و ئەو گریمانەمان لەسەر ئەو بنەمایە خستەڕوو.

کاتێک ئیسرائیل و ئەمریکا مەرجی ( ئاسایکردنەوەی پەیوەندیەکانی لەگەل ئیسرائیل) دەخەنە بەردەم ( ئەحمەد شەرع).

ئەوکات مەسەلەی کوشتنەکەی  لەدایک دەبێ.

🔷چۆن؟

▪️ئەگەر شەرع ڕازی نەبێ بەو داواکاریە، ناڕەزاییەک  بەناوی ڕێگری لە هەڵگرتنی ئابلۆقەی ئابووری دەخرێتە بەرباس و بەسەرچاوەی نەهامەتی خەڵکی سوریا لەقەڵەم دەدرێ، بەمەش ئەگەری کۆشتن و لادانی لە پیلانێکدا بەدوور ناگیرێ.

▪️لە ئەگەری هەنگاویش بەرەو ئاسایکردنەوە بهاوێژێت،  دوورنیە گروپە توندرەوەکان بەناوی خیانەت و کلکایەتی زەبرێکی لێبدەن.

▪️چونکە هەموو ئاماژەکان بەو ئاراستەیەیە، دوای داخستنی مەلەفی ئێران و ، بەلادا کەوتنی کێشەی ئەمریکاو ئێران، قۆناغی داهاتوو لەناوچەکە، ( لەچوارچوەی رێکەوتنی ئیبراهیمی) قۆناغی  ئاسایکردنەوەی پەیوەندیەکانی عەرەب و ئیسرائیل  دەخرێتە سەر مێزی گفتوگۆکان.

لەم قۆناغە ڕۆڵ و کایگەری ڕۆژئاڤاو قەسەد  بۆ دواڕۆژی کورد لەسوریا دەردەکەوێ و بەئەرگی زۆرەوە ڕەنگە ببێتە کارکتەرێکی گرنگ لە نەخشەی سیاسی سووریای نوێ.