ئەحمەدی مەلا

 دوێنێ ئەمەوییەکان، بە بۆنەی ساڵوەگەردی هاتنی جۆلانی،/ئەبو شەرع بۆ سەر حوکم، هاتنە سەر جادەکان.
ئەم ئەمەوییانە، وەک شیعەکانی پێش داگیرکردنی/ ئازادی عێراق تینووی دەسەڵاتن، دوو زۆرینە، لە لایەن دوو کەمینەوە حوکم دەکران، هەرچەندە سنوورەکان ئەوەندە ئاسان نیین بۆ جیاکردنەوەیان وەک جیاکردنەوەی رەش لە سپی.

حەشدی هەردووکیان، تێکەڵەکەین هەم لە بەعسیسم، هەم لە مەزهەب، یەکێان خۆی بە خوێنی رژاوەی حوسێنەوە هەڵدەواسی، ئەوەی دییان ئاماژە بۆ وێنەکەی ئەو دیوی دەکات. لە نێوان قاتیل و شەهید رایەڵێک هاتوچۆ دەکات، شەهیدی دوێنی دەبێ بە قاتیل، قاتیلی دوێنێ بەردەوامە. حەشدی ئەمەوییەکان، لە دیمەنی سوریادا تێکەڵ بە داعش دەبێ، ئەو داعشەی لە قاعیدەوە لێژ دەبێتەوە بۆ ناو بەرەی نوسرە، دواتر بۆ هەیئەی شام ئینجا بۆ ناو حەشدێک کە سنووقی بۆیەکردنی پێڵاو بەرزدەکاتەوە و دەیەوێ قسەی ئاڕاستەی ئێمە بکات.

ئێمەی کورد، لە لایەک مەبەستی لە هەسەدەیە، بەڵام زیاتر لە کۆنەستییان ئاماژەیە بۆ ئۆردوگای هۆل کە ئەمارەتی ئیسلامی وەک پسیکۆپاتێک لە دوو تۆی قەفەزێک دا زیندان کراوە. هەڵگرتنی ئەم سنووقە پێمان دەڵێ، ئێمە دەبێ خەلافەت زیندوو بکەینەوە و ئێوەش زیندەبەچاڵ بکەین.

حەشدی ئەمەوییەکان خڵتەیەکی زۆر تایبەتن، رەگەزپەرستی تا ئەوپەڕی کە خەیاڵ وێنای دەکات، بەدەر لە هەموو بەلاغەتێکی سیاسی کە بۆنی دەوڵەتداری لێوە بێ، دوور لە هەموو چەمکێک کە هیچ موژدەیەکی بۆ ئایندە هەبێت.

کورد لە سوریا، نزیکە ٣ تا چوار ملیۆن دەبن، هەر هەموویان بە چاوێکی راستیستانە تەماشا دەکرێن، وەک ئەوەی کاری باش و کاری خراپ هەبێ! وەک ئەوەی ئەمەوییەکان خۆیان لە ئەریستۆکراسییەوە هاتبنە خوارێ، کەچی پێغەمبەرەکەیان شوانی کردووە، چەکدارەکانیان بە غەنیمە و تاڵان ئیدامەیان بە شەڕەکانیان دەدا...

سنووقی بۆیاغی پێڵاو لە لایەن ئەم تایفەیە شوورییە، پیاو دەبێ نانی خۆی لە نووکی شمشێر پەیدا بکات وەک موتەنەبی دەیگوت. ئەمەیە ئەخلاقی ئەم قەومەی کە بە لێشاو پەنایان بۆ ئەڵمانیا برد بۆ ئەوەی جادە و ریستۆرانەکانی پاک بکەنەوە...

ئەقڵییەتی دەوڵەتداریی لە سەرووی ئەم تێگەیشتنەوەیە و ئەگەر وا بڕوات، شکسێکی گەورە تووشی خۆیان دەکەن...