.jpeg)
وەزارەتی تەندروستی عێراق: 60 خۆپیشاندەر برینداربوون
2 ساڵ لەمەوپێش
هاوڵاتی
وەزارەتی تەندروستی عێراق دەربارەی ژمارەی بریندارەكانی خۆپیشاندانەكانی ئەمڕۆی بەغداد رایگەیاند: " لە خۆپیشاندانەكانی ئەمڕۆی شاری بەغداد 60 خۆپیشاندەر برینداربون و برینی شەشیان سەختە".
ئاشكراشیكرد: "نەخۆشخانەكانی بەغداد پێشوازیانكردوە لە 60 برینداری خۆپیشاندەر كە برینەكانیان جیاجیایە."
ئاماژەی بۆ ئەوەشكردووە: "لەو ژمارەیە 25 بریندار بۆ نەخۆشخانەی كەرامە كە برینی زۆربەیان سوك و مامناوەندەو 27 بریندار بۆ نەخۆشخانەی یەرموك گوازراونەتەوە كە برینی شەشیان سەختەو هەروەها هەشت برینداریش كە برینەكانیان لەڕوی سەختییەوە جیاجیایە، بۆ نەخۆشخانەی شێخ زاید گوازراونەتەوە".
بابه‌تی په‌یوه‌ندیدار
