پیف لەم دینە بێیتە ناوی گونت ئەبڕن ! بچیتە دەرەوە سەرت ئەبڕن !!

لە مەجلیسەکانی "نەوشیروان مستەفا"وە

ڕەزاق شەریف

  یونادم کەننا، کەسایەتیەکی سیاسی ئاشورییە لە مەجلیسی حوکم و لیژنەی نوسینەوەی دەستوری هەمیشەیی عێراقدا و نوێنەری مەسیحی و کلدۆئاشورییەکانی عێراق بوو .

  لەپارێزگاریکردنی مافە دەستورییەکانی خۆیاندا، زۆر پێداگری لەهەبونی مادەیەک بۆ پاراستن و مانەوەی کەمینە ئاینییەکانی دەرەوەی ئاینی ئیسلام دەکات و دەیەوێ لەدەستوردا، بیچەسپێنێت .

  عەبدولعەزیز حەکیم کە ئەوسەروەختە وەک شارەزا و نوێنەرایەتی مەزهەبی شیعە قسەکەر و کەسی ناودار بوە! لەوەڵامدا، چەندجارێک جەخت لەدیباجە و مادەکانی تایبەت بەدیموکراسی و مافی کەمینەکان دەکاتەوە بەڵام یونادم کەننا بڕوا ناهێنێت و هەر دەیەوێت مادەیەکی تایبەت و بەدڵی خۆی دابڕێژێت .!

  رۆژانە، هەموو دانیشتنێکی سەرەتا و ئەم جەدەلەی نێوان (کەننا و حەکیم) دوبارە ئەبێتەوە، بەناچاری سەید حەکیم روو لەنەوشیروان مستەفا ئەکات و ئەڵێت :

  - کاکە بۆ خاتری خوا ئێوە لە من نزیکترن لێی، تێڤ م ببگەیەنن بە نیازی چییە؟

  وەڵامێک کەزۆر چاوەڕواننەکراو ئەبێت بۆ مەجلیس و کۆبونەوەکە ئەوەیە کە نەوشیروان مستەفا دەڵێت:

 + بەراستی منیش بەدەقیقی نازانم چیان دەوێت بەڵام ئەتوانم بەسەرگوزشتەیەک رەئی یونادم کەننا بەئێوە بگەیەنم ..

 بەکورتی ئەم سەرگوزشتەیە ئەگێڕێتەوە :

  + لەزوودا، کەسێکی مەسیحی لەشەقڵاوە ئەیەوێت بێتە سەر دینی ئیسلام و پەنا بۆ مەلای مزگەوتەکە دەبات، حەزی خۆی و مەرجی بون بە ئیسلامی لێدەپرسێت، مەلای دوانزە عیلمیش زۆر بەسانایی و سادەیی پێی دەڵێت :

 (خەتەنە سوران بکە و شایەتمان بهێنە وتەواو بویت بە ئیسلام.)

 کابرای مەسیحی وادەکات و دوای شەش مانگ لەبون بەئیسلام پەشیمان ئەبێتەوە ! هانا بۆ مەلای مزگەوت ئەبات و پێی دەڵێت :

(قوربان من لەبون بەئیسلام پەشیمانم ! چی بکەم بۆ ئەوەی بگەڕێمەوە سەر دینی مەسیحی)

 دیسان بەسانایی و سادەیی مەلای دوانزە عیلم ئەڵێت :

 (واللە ئەبێت سەرت ببڕین)

  مەسیحی نۆموسوڵمان ئەڵێت :

  - پیف لەم دینە بێیتە ناوی گونت ئەبڕن ! بچیتە دەرەوە سەرت ئەبڕن !!

    دواجار نەوشیروان مستەفا روو لەسەید حەکیم ئەڵێ :

 -  ئەوەندەی من تێگەیشتبم یونادم ئەیەوێ بەپێی دەستور، نەگونی ببڕدرێ و نەسەری ببڕدرێ !

  بە قاقاو پێکەنین جێگەی نەگونبڕین و نەسەربڕین لەدەستوری هەمیشەیی عێراقدا، ئەکەنەوە .