هاوڵاتی

فەڕنسا ڕایگەیاند دەزگا ئەمنیەكانی ئەو ووڵاتە توانیوانە باندێكی قاچاچاغچیەتی كۆچبەران دەستیگر بكەن كه كوردن وناسراون به بازرگانانی مەرگ.

مێدیاكانی‎ فەڕنسا ڕایانگەیاندوە باندەكە پێكهاتووه لەهەژدە ئەندام كەتاوانبارن  بەئامادەكردنی هەزاران بەلەمی بچووک بۆپەڕاندنەوەی كۆچبەری نایاسایی لەفەرەنساوه بۆ بەریتانیا.

رونیانكردەوە ئەو بانده داواکاری گشتی بە (بازرگانانی مەرگ) وەسفیكردوون و زۆربەیان لەکوردەکانی عێراق پێکهاتوون و دوای ئۆپەراسیۆنێکی سەرتاسەری لەووڵاتی ئەوروپا، لەساڵی ٢٠٢٢ کەچاودێری كراون بەهاوبەشی، بەریتانیا و فەرەنسا و ئەڵمانیا و هۆڵەندا، دەستیگر كراون و لەفەڕەنسا دادگایی کران.

‎سەرۆكی باندە قاچاغچیەكە، ناوی میرخان ڕەسووڵە و بۆ ماوەی ١٥ ساڵ سزای زیندانی بۆ بڕاوەتەوە، کەدرێژترین سزایە لەنێو ئەو باندەی کەلەدادگایەکی شاری لیل لەفەڕەنسا، سزا دران.

‎هاوكات مێدیاكانی بەریتانیا ڕایانگەیاندوە لەنێو سزا دراوەكاندا ژن و پیاوێكی ئێرانی هەن، كەلەبەریتانیا دەستیگر كراون و دواتر ڕادەستی فەڕەنسا كراون.

‎ئەو گروپە كوردە كەناسروان بەبازرگانانی مەرگ ماوەی چەند ساڵێکە کۆنتڕۆڵی زۆربەی ئەو پەڕینەوە بچووکانەی بەلەم  و كۆچبەرانیان كردووە، كەلەباکووری فەرەنساوە بۆ بەریتانیا ئەنجامدراون.

ئاژانسی نیشتمانی تاوانەکانی بەریتانیا ڕایگەیاندووە ئەو باندە کە پێدەچێت دەستیان هەبێت لەپەڕینەوە ١٠ هەزار كۆچبەری نایاسایی  کەناڵەکانەوە زۆرترین داهاتیان كۆكردۆتەوە.

‎ئاژانسەكە بڵاوی كردۆتەوە، لەچوارچێوەی ئۆپەراسیۆنە نێودەوڵەتییەکەدا بۆ دەستگیركردنی ئەو باندە كوردە، دەست گیراوە بەسەر زیاتر لە 100 بەلەم و هەزار چاکەتی ڕزگارکەر و چەندین بزوێنەر و بڕێكی زۆر پارەی کاش.

‎سەركردەی باندەكە، میرخان ڕەسووڵی، كەتەمەن 26 ساڵە، پێشتریش بەتاوان قاچاخچێتی و بەتۆمەتی هەوڵدان بۆ کوشتن، سزای هەشت ساڵی زیندانی بەجیای بەسەردا سەپێنراوە.

‎ناوبراو تاوانباركراوە، به بەڕێوەبردنی ئۆپەراسیۆنی قاچاخچێتی تاوانکاری لە ژووری زیندانەکەیەوە لەفەرەنساوە.

میدیاکانی فەرەنسا بڵاویانکردەوە، دادگاکە، بەپێی ڕاسپاردەی داواکاری گشتی،  درێژترین سزای بەسەر میرخان ڕەسۆڵدا سەپاندووە.

‎هەروەها بەپێی ڕاپۆرتە ناوخۆییەکان، سزای دارای بەبڕی 200 هەزار یۆرۆ (167 هەزار و 745 پاوەند)ی بەسەر مرخاندا سەپێنراوە.